Musamu wamubwete watina Luka 13:13 - Musamu Wamubwete 2013

¹³ Nde wamutetekele myooko, na hanaho, nde wasuunguma na wabeke kukeembese Nzaambi.

Musamu wamubwete watina Luka 13:13 Referans Kwoze

Musamu wamubwete watina Malako 16:18

sa bakwaata banyoko [mu myooko], ti hayuku banwiini bidzusaa, lo bibamonoso mpasi ko, sa bateeteke myooko ha yulu babeeru, na babeeru sa batsiinika.»

Musamu wamubwete watina Malako 5:23

Wamuyingukila kwalaka na waleele ti: «Mwaa-mwaana me wa mukyeetu, weki mu kufwa. Tweendee wumutetekele myooko mpisi kabvuuka na kaba mwooyo.»

Musamu wamubwete watina Malako 8:25

Yesu wabweese kumubelemene mu miisu, na nde wamono na kensekelee, watsiinika na wamono kuri wukwesobokoso byobinso.

Musamu wamubwete watina Malako 6:5

Nde kasii yirika kimangu ti kimosi haho ko, ha yulu bani babeeru babamosi katsinikisi, mu kwebatetekele myooko.

Musamu wamubwete watina Luka 4:40

Mu nsinsika, bobanso baba na babeeru, babeele mabeeru ma bitsuumbu-bitsuumbu, babatwaala kuri Yesu. Nde wateeteke myooko ha yulu mosi mosi mu bo, na wabatsinikisa.

Biyiriki bya Bantumu 9:17

Ananya wayende na wakoto mu nzo, na bu kamutetekele myooko, waleele ti: "Sawuli mpaangi yaami, Mfumu heekiri me, Yesu wukumonikinye mu nzila yi bee kwiisa, mpisi heki ye bweese kumono, na se ba waluulusu mu Mpeeve."

Musamu wamubwete watina Luka 18:43

Ha nsi na nsi, nde wabweese kumono, na wanama Yesu kuri wukwekeembese Nzaambi. Baatu bobanso bamwiini mamo, badumusu Nzaambi.

Musamu wamubwete watina Matayi 9:8

Mampuumbu, bu bamono bubwo, babaka boomo na makeembese Nzaambi, waheeri lutumu lwa bubwo kuri baatu.

Musamu wamubwete watina Luka 13:12

Yesu bu kamumono, wamuteele mbila na wamuleele ti: «Mukyeetu, ye kuulukiri mu kipfuumi kyaaku.»