Musamu wamubwete watina Luka 12:32 - Musamu Wamubwete 2013

³² Yaa ba na boomo ko mwaa-mpuumbu, bukuri Taayi dyeenu wamwiini ti bwabubwete mu kuluha Kimfumu.

Musamu wamubwete watina Luka 12:32 Referans Kwoze

Mukaanda kuri Bahebeleho 12:28

Ngo bukuri sa twataambula kimfumu kiri kyaningina ko; tubvutulee matoondo na tusalilee Nzaambi bwayelemene, kunsa kinzaambi na mu kibvumi.

Nyabusulu ya Yowane 1:6

nde wasa beetu kimfumu kya bangaanga-nzaambi, mu kusalila Nzaambi wuri se Taayi dyaandi; kuri nde kuba nkeembu na makwa mu bibvu ngo bibvu! Amene!

Mukaanda kuri bari Filipo 2:13

bukuri Nzaambi koosalaa mu beenu, na kusa kuri ti, lutya na lusala bunu buri kutya kwaandi kwakubwete.

Musamu wamubwete watina Luka 10:21

Mu kilookolo kinikyo, Yesu wakeembe [mu] Mpeeve Yangisi na waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele. Bunubwo Taata, ye bubwo watiiriri ti buba ha busu bwaaku.

Musamu wamubwete watina Matayi 25:34

Haho, mbyaasi sa kaleele kuri bari ku lubakala lwaandi: "Waseenu, beenu bari taayi dya me walusakumuna; taambuleenu saala ngo kimfumu kibari baluyirikila tekesele nyirikulu nsi.

2 Tes 1:11

Hango-nkuumbu, beetu tunamitina kusaambila mu beenu, mpisi heki Nzaambi yeetu kamono ti, beenu lwayelemene na mbila yi kari kaluteele, na mu mpinu dzaandi kakukisa nzala yoyinso yakuyirika mamabwe yiri mu beenu, na kisalu kya kanyi.

2 Pet 1:11

Mukwongo, mu bubwo, nkotulu mu Kimfumu kyahele manunu, kya Mfumu na Mubvuukisi weetu Yesu Kiristo, yiba yaha kuri beenu mu bunsaalisi.

Musamu wamubwete watina Matayi 14:27

Hanaho, [Yesu] wadzoonso, waleele kuri bo ti: «Lwaatee kibakala, wumawu me, yaa luba na boomo ko!»

Nyabusulu ya Yowane 22:5

Butsuku bubweese kuba ko; na babweese kuba na nzala buungi bwa mwiinda na bwa ntaangu ko, bukuri Mfumu Nzaambi sa kasa buungi kuri bo, na sa batuma mu bibvu ngo bibvu.

2 Tes 1:5

Kikyo kidiimbu kya mutsuundu Nzaambi wasuunguma, mpisi luba lwamonoko ti lwayelemene mu kimfumu kya Nzaambi, ki luri mu kwemwiina mpasi.

Mukaanda kuri bari Loma 6:23

Mukwongo, mufutu masumu ngo lufwa; ngo kasi kikabu kya mungengi kya Nzaambi, ngo kidziingu kyahele manunu, mu Kiristo Yesu Mfumu yeetu.

Mukaanda wa Yakobo 2:5

Bampaangi baami ba mutima, yukeenu: Buri kari Nzaambi ko wasooriri bari bawelu mu mya nsi ngo bisina mu mitariri kanyi, na bakondiri ba Kimfumu ki kari kasa lusiilulu kuri babo bamutyaanaa?

Musamu wamubwete watina Yowane 18:36

Yesu wabvutula: «Kimfumu kya me kiri kya ha nsi yi ko; mbuti Kimfumu kya me kibeeri kya ha nsi yi, nkani bisari bya me biketyee kunwaana, mpisi heki me mpele kuba wayekulu kuri Bayudayo; ngo mu lumalu, kimfumu kya me kiri kya hamaha ko.»

Musamu wamubwete watina Matayi 20:16

Mu bubwo, bampotulu sa baba batete, na batete sa baba bampotulu.»

Musamu wamubwete watina Matayi 7:15

«Seenee madyeele mu babikiri ba mampya, bo bari mu kwiisa kuri beenu kuri balwaata mikaanda mya bimeeme, ngo kunsa-kati bango-mbulu bansisi.

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

Biyiriki bya Bantumu 20:29

Me nyaari ti ha mambisa ma nyendukulu me, kunsa beenu bambulu bari na kibakala sa bakoto, na babvuukisa mpuumbu bimeeme ko,

1 Kol 1:21

Mukwongo, bukuri nsi mu nyaabulu ya nde-meene wahele kuyaaba Nzaambi, kunsa nyaabulu ya Nzaambi. Nzaambi wamono dyo dyadibwete mu kubvuukisa, mu bulawuku bwa nyikusulu, baatu basiila kanyi.