Musamu wamubwete watina Luka 12:31 - Musamu Wamubwete 2013

³¹ Bvulee kasaka Kimfumu kyaandi, tumi bibyo baluha ha yulu haho.»

Musamu wamubwete watina Luka 12:31 Referans Kwoze

Musamu wamubwete watina Matayi 6:33

Tekeselee meti kusaka Kimfumu [kya Nzaambi] na nsungumunu yaandi; tumi byobinso bibyo balubweese ha yulu.

Mukaanda kuri Bahebeleho 13:5

Ndyaatulu yeenu, yaa yiba yatwaalusu mu ntiki-mboongo ko, monee kiminu mu bini bi luri na byo. Bukuri nde-meene Nzaambi waleele ti: «Me nyikupatila ko, me nyikuyekele ko.»

1 Tim 4:8

Mukwongo, kutsitsikila kwa nyutu, kuri mufunu mu myantele; ngo kasi kuba na kinzaambi kuri mufunu mu myominso, kuri na lusiilulu lwa kidziingu kya lumalu, na kya ku mankula.

Musamu wamubwete watina Yowane 6:27

Salee, kari mu ntoono byandya bibolaa ko, ngo mu ntoono byandya binamitinaa mu kidziingu kyahele manunu, mbasi-tsuku biluha Mwaana muutu, bukuri nde Taayi Nzaambi, kari kasa kinyemu kyaandi.»

Mukaanda kuri bari Loma 8:31

Ngo nki tuleele mu mamo? Mbuti Nzaambi wuri na beetu, lo na wubwiisa beetu?

Musamu wamubwete watina Luka 10:42

Kitotolo kimosi kitsu kiri mufunu. Mariya sooriryee kikuuku kibvuriri bubwete, kiri lo bahele kumuyusula na kyo.»

Musamu wamubwete watina Luka 12:30

bukuri byobinso bibyo bangooyi ba nsi yimayi bakwebisaka. Ngo kasi Taayi dyeenu yaari ti, beenu luri na nzala bibyo.