Musamu wamubwete watina Luka 12:1 - Musamu Wamubwete 2013

¹ Mu mantaangu mamo, mafuunda ma baatu makutukina, mu kiteesu kiri babamosi bakwedyaata mu yulu bitaambi bya bakaka. Yesu wabeke kudzoonso dyatete kuri bayiki baandi ti: «Seenee madyeele mu ntoono lufunusu lwa Bafarisi, ngo bumpitu-bumpyoongo bwa bo.

Musamu wamubwete watina Luka 12:1 Referans Kwoze

1 Pet 2:1

Ngo looseenu momanso mamabi, momanso mamawunu, bumpitu-bumpyoongo, musoki, na makele.

Mukaanda wa Yakobo 3:17

Ngo kasi madyeele ma ku yulu, hatete mari nkati matsyeemeke, tumi ma kiyeengi, madzuuna, matumuma, maluula mu ngebe na mu bimbutu byabibwete, mahele na munsoori na mahele na bumpitu-bumpyoongo.

Musamu wamubwete watina Luka 12:56

Beenu luri bangaa-bumpitu-bumpyoongo! Beenu luyaaba kubakula kinzeri kya butoto na yulu; ngo kasi ntaangu yimayi beenu lwahele kuyaaba kubakula?»

1 Kol 15:3

Mukwongo, me nyalutubukiri hani tete, ma nyataamburi me se ti: Kiristo wafwa mu ntoono masumu ma beetu, bunu buri Matinu;

Biyiriki bya Bantumu 21:20

Bo bamana kuyuka mamo, bakeembese Nzaambi, na bamuleele ti: "Mpaangi, moneeti, mburi mafuunda ma ba mwaasa kanyi ha kakati dya Bayudayo, na bakaangama kunsa mangisi.

Musamu wamubwete watina Luka 11:44

Kyaari kuri beenu, bukuri luri bunu mampeembe mahele kuyabakana, mari baatu badyaata ha yulu mo kwahele kuyaaba.»

Musamu wamubwete watina Luka 6:17

Bu kakulumuka kintwaari na bo, ha kateleme ha kibeendu kya kidende, haba mpuumbu yayinene ya bayiki baandi, na mpuumbu yayinene ya baatu ba ku Yudaya dyodinso, ba Yerusalemi, ba mu teke mubu, ba Tiro na Sidoni.

Musamu wamubwete watina Luka 5:15

Maampu mahamisa kutsamukina kwalaka mu ntoono nde, na mampuumbu malaka makutukina mu kumuywiila, na mu kutaambula butsiina mu mabeeru maaku.

Musamu wamubwete watina Luka 5:1

Yesu bu kaba wateleme, ha teke mubu wa Ngenesareti, mpuumbu baatu yabununa kuri nde, mu nzala kuyuka maampu ma Nzaambi.

Mukaanda kuri Bahebeleho 12:22

Ngo kasi beenu lwakokosiri bebele na mulaandu wa Syoni, na bvula dya Nzaambi ya mwooyo, Yerusalemi dya ku yulu, na mafuunda ma bambasi makutukina mu munkeembu,