Musamu wamubwete watina Luka 11:9 - Musamu Wamubwete 2013

⁹ Hango, me nyiluleele ti: "Loombeenu sa baluha; sakeenu sa lwadzuukila; komboteenu sa baludzibukila.

Musamu wamubwete watina Luka 11:9 Referans Kwoze

Musamu wamubwete watina Malako 11:24

Hango-nkuumbu, me nyiluleeriri ti, momanso ma lusambikila na ma luloombo, siilee kanyi ti lumwaa mataambula, lo sa mayirima kuri beenu.

Musamu wamubwete watina Matayi 21:22

Momanso ma luloombo beenu mu lusaambulu, bu lusiiri kanyi sa lumataambula.»

Musamu wamubwete watina Yowane 15:16

Kari beenu lwasooriri me ko; kasi meenu nyalusooriri na nyalusuusa, mpisi heki beenu lweende na lubuta bimbutu, na bimbutu byeenu binamitina kuba, mpisi heki ma luloombo kuri Taata mu nkuumbu yaami, nde kaluha.

Musamu wamubwete watina Yowane 15:7

Mbuti beenu lunamitina kuba mu me, na maampu maami Na maampu maami mamitina kuba mu beenu, lo loombeenu bi lutiiri, na sa lwataambula.

Musamu wamubwete watina Yowane 14:13

na mamo ma luloombo mu nkuumbu ya me, me sa nyayirika mo, mpisi heki Taata kaba wakeembusu mu Mwaana.

1 Yow 3:22

na mpisi ma tuloombo, tumataambula kuri nde, bukuri beetu tukebaa ntumu dzaandi, na tuyirikaa mamabwe ha busu bwaandi.

Mukaanda wa Yakobo 1:5

Ngo mbuti muutu mu beenu wahele na madyeele, lo kaloombo kuri Nzaambi, wuhaanaa kuri bobanso kwa mungengi, na kwahele biŋaŋunu, na sa kamuha mo.

Mukaanda kuri Bahebeleho 11:6

Ngo mbuti kanyi dyo pe, lo kuri muutu wubweeye kuri Nzaambi ko; bukuri wunde wukokosolo kuri Nzaambi, yelemini kutaambula ti Nzaambi wuri, na nde koohaanaa museendu kuri babo bamusakaa.

Mukaanda wa Yakobo 5:15

Lusaambulu lwa kanyi sa lwabvuukisa mubeeru, na Mfumu sa kamutelemese; na mbuti beeri wayirika masumu, lo sa kataambula mpemisi.

Mukaanda kuri Bahebeleho 4:16

Hango, tukokosoleenu na nsiitu yoyinso ha teke mboloko ya bweese, mpisi tutaambulee ngebe, na bweese mu kubaka lubakusu mu ntaangu yayelemene.

Musamu wamubwete watina Yowane 4:10

Yesu wabvutula, wamuleele ti: «Mbuti ye beeyaari kikabu kya Nzaambi, na wunde wuri mu kukuleele ti: Ha me maampa ma kunwa, nkani ye ketyee kumuloombo maampa, na nde ketyee kuha ye maampa ma mwooyo.»

Musamu wamubwete watina Matayi 6:29

Me nyiluleele ti: Solomo, kunsa nkeembu yaandi yoyinso, kasii lwaata bunu kitiiti ti kimosi mu byo ko.

2 Kol 6:2

Bukuri nde wuleele ti: «Mu ntaangu yayelemene, me nyikuhaanaa mvutu, mu kiluumbu kya mvuukulu, me nyikubakisaana.» Mono mu lumalu, yi ngo ntaangu nkati yayelemene; mono mu lumalu, ki ngo kiluumbu kya mvuukulu.

Musamu wamubwete watina Malako 13:37

Mamo ma nyiri mu kululeele, kuri bobanso me nyileele: beenee naana.»

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

Musamu wamubwete watina Matayi 21:31

Na mu bo boolo wayirika kutya kwa taayi?» Bo baleele «watete». Yesu waleele kuri bo ti: «Mu ngwanwa me nyileele kuri beenu ti: Batori ba mpaku na bakyeetu ba biyala sa balutekisile mu Kimfumu kya Nzaambi.

Nyabusulu ya Yowane 2:24

«Me nyileele kuri beenu na kuri bakaka bari ku Tyatira, kuri bobanso bahele na nyikusulu dzi, babo bahele kuyaaba "musundu Satana", bunu bu bakweleele; me nyahele kutuba ha yulu beenu kinati kikimi;

Musamu wamubwete watina Luka 11:10

Bukuri mpisi wuloombaa wutaambulaa, wusakaa wudzuukilaa, kuri wukomboto sa bamudzibukila.