Musamu wamubwete watina Luka 10:17 - Musamu Wamubwete 2013

¹⁷ Makuumi nsaamu [na boolo] babvutuka mu kiminu na baleele ti: «Mfumu, na mampeeve mamabi matutumuminye mu nkuumbu yaaku!»

Musamu wamubwete watina Luka 10:17 Referans Kwoze

Mukaanda kuri bari Loma 16:20

Mwaa kidzika kyantele, Nzaambi ya kiyeengi sa kakosono Saatana kunsa bitaambi byeenu. Bweese bwa Mfumu yeenu Yesu buba na beenu!

Musamu wamubwete watina Malako 16:17

Kuri babo basiila kanyi, bidiimbu bimabi sa byamonoko: mu nkuumbu ya me, bo sa babingisa mampeeve mamabi, sa badzoonso mandiinga manzeense,

Musamu wamubwete watina Luka 9:1

Yesu wakutukisa bo kuumi na boolo, wabaha mpinu na lutumu ha yulu mampeeve momanso mamabi, na mu kwebuka mabeeru,

Musamu wamubwete watina Luka 10:1

Ha mambisa haho, Mfumu wasoolo baatu bakimi, makuumi nsaamu [na boolo], na wabasindika boolo-[boolo] ku mankula ma nde, mu mpisi bvula na mpisi kibeendu, ku kaketi kweende nde-meene.

Musamu wamubwete watina Luka 10:9

tsinikisee babeeru bari haho, na bayaabisee ti: «Kimfumu kya Nzaambi kikokisiri kuri beenu.»

Musamu wamubwete watina Matayi 4:24

Mvuumfu yaandi yatsamukina mu Sirya dyodinso. Bamutwalikila babeeru bobanso baba na mabeeru ma bitsuumbu ngo bitsuumbu na ba kweluunga na mpasi, [na] baba na mampeeve mamabi, baba na bubeeru bwa kimbikila-ngoondo, baatu babobo binamu, na nde wabatsinikisa.

Musamu wamubwete watina Luka 10:20

Hango, yaa lumono kiminu, mu kuri ti mampeeve mamabi malutumumina; ngo kasi monee kiminu mbuti mankuumbu meenu matinima mu mayulu.»

Mukaanda kuri bari Efeso 5:24

ngo kasi bunu bu tumumaana dibuundu kuri Kiristo, bunu bwo se, bakasi bayelemini kutumuma kuri balumi baaku mu myominso.