Musamu wamubwete watina Luka 1:79 - Musamu Wamubwete 2013

⁷⁹ mu kuha nsyeemunu kuri babo badzakala kunsa mampimbisi, na kunsa mposi ya lufwa, na mu kutwaalisa miilu myeetu mu nzila ya kiyeengi.»

Musamu wamubwete watina Luka 1:79 Referans Kwoze

Musamu wamubwete watina Matayi 4:16

Baatu badzakala kunsa mampimbisi, bamwiini buungi bwabunene; buungi bumonokini, kuri babo badzakala mu nsi na ha mposi ya lufwa!»

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Mukaanda kuri bari Efeso 5:8

Mu ntaangu yayikulu beenu lwaba mampimbisi; mu lumalu beenu lweki buungi mu Mfumu. Yendee lwedyaatila bunu baala ba buungi.

Musamu wamubwete watina Yowane 12:46

Me ngo buungi, nyayisa ha nsi, mu kuri ti mpisi wunde wusa kanyi mu me, kahele kunamitina kuba ku mampimbisi.

Musamu wamubwete watina Yowane 8:12

Haho Yesu wabweese kudzoonso kuri bo waleele ti: «Me ngo buungi bwa nsi, wunde wunama me, kari ndyaatila kunsa mampimbisi ko, ngo sa kabaka buungi bwa kidziingu.»

Musamu wamubwete watina Yowane 9:5

Mu ntaangu yiri me nyiri ha nsi, lo me buungi bwa nsi.»

Musamu wamubwete watina Yowane 1:9

Buungi bubwo bwaba bwangwanwa, buhaanaa nsyeemunu kuri mpisi muutu, bu bwiisiri ha nsi.

Musamu wamubwete watina Luka 2:32

Bubwo ngo buungi mu kuyabakana kuri makaanda, na nkeembu ya baatu baaku, Isaheli.»

Mukaanda kuri bari Loma 3:17

bahele kuyaaba nzila ya kiyeengi.

Biyiriki bya Bantumu 10:36

Nde waheeke maampu maandi kuri baala ba Isaheli, mu kuyaabisa Musamu Wamubwete wa kiyeengi mu Yesu Kiristo, nde wuri Mfumu ya bobanso.