Musamu wamubwete watina Yowane 9:39 - Musamu Wamubwete 2013

³⁹ Yesu waleele ti: «Mu ntoono mutsuundu me nyiri nyayisa ha nsi yimayi, mpisi heki bahelaa kumono, bamono, na babo bamono, bahele kumono.»

Musamu wamubwete watina Yowane 9:39 Referans Kwoze

Musamu wamubwete watina Yowane 3:19

Mutsuundu wunde wuri bumabu: buungi bwayisa mu nsi, ngo baatu babvuriri kutya mampimbisi ti na buungi; bukuri biyiriki bya bo byaba byabibi.

Musamu wamubwete watina Yowane 12:46

Me ngo buungi, nyayisa ha nsi, mu kuri ti mpisi wunde wusa kanyi mu me, kahele kunamitina kuba ku mampimbisi.

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Musamu wamubwete watina Yowane 8:12

Haho Yesu wabweese kudzoonso kuri bo waleele ti: «Me ngo buungi bwa nsi, wunde wunama me, kari ndyaatila kunsa mampimbisi ko, ngo sa kabaka buungi bwa kidziingu.»

1 Yow 2:11

Wunde wubelaa mpaangi yaandi, lo wuri kunsa mampimbisi, wukwedyaatila kunsa mampimbisi, na wahele kuyaaba ku kakweyende, bukuri mampimbisi mamudzusa miisu.

Musamu wamubwete watina Luka 4:18

«Mpeeve ya Mfumu yiri mu me, bukuri nde wankila maasi, mu kunata Musamu Wamubwete kuri bawelu. Nde wampeeke mu kubikisa bunsaalisi, kuri bari mu maboroko, na nsinukunu kuri bafwa miisu, kubvutula bari mu nkwaamusunu kunsa bunsaalisi,

Musamu wamubwete watina Luka 1:79

mu kuha nsyeemunu kuri babo badzakala kunsa mampimbisi, na kunsa mposi ya lufwa, na mu kutwaalisa miilu myeetu mu nzila ya kiyeengi.»

1 Pet 2:9

Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.

Mukaanda kuri bari Efeso 5:14

bukuri momanso ma baanaa mamonokono lo meki buungi. Hango-nkuumbu, kaleele ti: «Siimbika, ye wuri tolo, teleme ha kakati dya bafwa, na Kiristo kasemese buungi bwaandi ha yulu ye.»

2 Kol 2:16

mu bamosi mfuku ya lufwa yihaanaa lufwa, mu bakaka mfuku ya bumwooyo yihaanaa bumwooyo. Ngo na wakuka mu mimyo?

Musamu wamubwete watina Yowane 9:25

Nde wabvutula kuri bo ti: «Mbuti ngaa-masumu kari, lo me nyahele kuyaaba; me di nyaari diri ti, me nyabee nyafwa miisu, ngo mu lumalu nyimono.»

Musamu wamubwete watina Yowane 8:15

Beenu mu kimuutu luri mu kutsuundisa, me nyahele kutsuundisa muutu.

Musamu wamubwete watina Yowane 3:17

Mukwongo, Nzaambi wahele kuheeke Mwaana mu nsi, mu kuri ti katsuundisa nsi, ngo mu kuri ti, nsi yiba yabvuukusu kuri nde.

Musamu wamubwete watina Luka 13:30

Na mono, basyeelele sa batekesele, na batekesele sa basyeelele.»

Musamu wamubwete watina Luka 7:21

Mu kilookolo kinikyo, Yesu watsinikisa baatu balaka baba na mabeeru, baba na bipfuumi, baba na mampeeve mamabi, na wasa kuri ti balaka baba bafwa miisu bataambula bweese bwa kwemono.

Musamu wamubwete watina Luka 2:34

Simehoni wabasakumuna na waleele kuri Mariya, nguri mwaana ti: "Mono, mwaana wumawu wuri ha mu ntoono ya mbwiilulu, na ntelemunu ya baatu balaka mu Isaheli, na mu kuba kidiimbu kiri baatu batya kyo ko.

Musamu wamubwete watina Matayi 11:5

Bafwa miisu bamono, na bikata bikweyende, babeele bwaasi batsyeemekusu, bafwa makutu bayuka, bafwa bafuluka, na Musamu Wamubwete bari mu kuyaabisa kuri bawelu.

Musamu wamubwete watina Matayi 6:23

Ngo mbuti diisu dya ye dyabeele, lo nyutu ye yoyinso yiri kunsa mampimbisi. Ngo mbuti buungi buri mu ye bweki kuba mampimbisi, lo mampimbisi mamo nkati ma bubokoro.»

2 Tes 2:10

na kunsa mawunu momanso, ma bubayi kuri babo bari mu kudziimbila, bukuri bahele kutaambula ntiilu ya ngwanwa mu kuba babvuuka.

Musamu wamubwete watina Matayi 15:14

Basuusee! Bo bafwa-miisu bakwenata [bafwa-miisu]. Mbuti wafwa miisu wukwenata wafwa miisu, lo bo boolo sa babwa mu bulu.»

Musamu wamubwete watina Yowane 12:31

Mu lumalu, nsundusulu ya nsi yeki; mu lumalu, mfumu ya nsi yimayi sa bamutuba ku mbasi;