Musamu wamubwete watina Yowane 9:28 - Musamu Wamubwete 2013

²⁸ Bo bamutukaa na bamuleele ti: «Ye wuri muyiki nde! Nkani beetu, bayiki ba Moose turi.

Musamu wamubwete watina Yowane 9:28 Referans Kwoze

Mukaanda kuri bari Loma 2:17

Ye wuri na nkuumbu ya Muyudayo, wasa nsiitu mu mangisi, na wuri na kimweese mu Nzaambi yaaku.

1 Pet 2:23

Nde bamutuka, ngo kasii bvutula kitari ko; wamono mpasi, ngo kasii ŋaŋa ko, kasi wayekiri nyutu kuri mutsuundisi wasuunguma.

1 Kol 6:10

bangaa-kwiibi, bangaa-nsoki-mboongo, bakori ba malu, bangaa-bitari, na bakwedzika bya baatu, ka bataambula saala dya Kimfumu kya Nzaambi ko.

1 Kol 4:12

na turi mu kwemono mpasi mu kwesala mu myooko mya beetu-meene. Bakwetutuka, ngo beetu tukwesakumuna; turi bakwaamusu, ngo beetu tukwekuunda;

Musamu wamubwete watina Yowane 9:34

Bo babvutula kuri nde ti: «Habaanaa ye-meene wabutukila kunsa masumu yemunso, lo wuri na mi wuyikisa beetu?» Ha bamutubiri ku mbasi.

Musamu wamubwete watina Yowane 7:19

Buri Moose kasii luha mangisi ko? Ngo kwahele ti muutu ti mosi mu beenu wuri mu kumasalila. Buri beenu lusaka me kudzusa?»

Musamu wamubwete watina Matayi 27:39

Baba lutaana haho, baba mutukaana, banyingisa mitu,

Musamu wamubwete watina Matayi 5:11

Kiminu kuri beenu mbuti baatu balutuka, balukwaamisa, na baleele momanso mamabi [mampya], mu beenu, mu ntoono me.