Musamu wamubwete watina Yowane 9:22 - Musamu Wamubwete 2013

²² Taayi na nguri baleele mamo, bukuri baba bataana Bayudayo. Mukwongo, Bayudayo, baba bamwaayukusuna ti, mbuti muutu leeriri ti Yesu ngo Kiristo, lo wakupalisa mu nzo-nkutukunu.

Musamu wamubwete watina Yowane 9:22 Referans Kwoze

Musamu wamubwete watina Yowane 16:2

Bo sa balubingisa mu manzo-mankutukunu; na ntaangu yiri mu kwiisa yiri baatu badzusa beenu lo bubatsima ti, Nzaambi bari mu kusalila mu kiteesu kya bubwo.

Musamu wamubwete watina Yowane 7:13

Kuri muutu ti mosi ko, waba tsiisa kudzoonso mu nde mu bunsaalisi, mu kubata Bayudayo.

Musamu wamubwete watina Luka 6:22

«Kiminu kuri beenu, habaana baatu balubele, balupalisa, balutuka, babele nkuumbu beenu ti yayibi, mu ntoono Mwaana muutu.

Musamu wamubwete watina Yowane 9:34

Bo babvutula kuri nde ti: «Habaanaa ye-meene wabutukila kunsa masumu yemunso, lo wuri na mi wuyikisa beetu?» Ha bamutubiri ku mbasi.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Biyiriki bya Bantumu 5:40

Bu batumusa bantumu, babalata nkwaasulu, na babasika mu kuhele kudzoonsolo mu nkuumbu Yesu, na babapatula.

Biyiriki bya Bantumu 5:13

Mu baatu basiiri, kuri ti mosi ko waba tya kuba mu kabu dya bantumu, koomosoko baatu bakwe basiika.

Biyiriki bya Bantumu 4:18

Babateelaana, babadika mu makwa, mu kudzoonsolo na kuyikisa mu nkuumbu Yesu.

Musamu wamubwete watina Yowane 20:19

Hango, nsinsika bu yayisa, kyaba kiluumbu kyatete mu lumiingu, myeelu myaba myakaangu, haho haba bayiki, mu ntoono boomo bwa Bayudayo. Yesu wayisa, wateleme ha kakati dya bo, na waleele kuri bo ti: «Kiyeengi kuri beenu!»

Musamu wamubwete watina Yowane 19:38

Ha mambisa haho, Yosefi wa ku Arimatayi, waba muyiki Yesu mu mansweeki, mu ntoono kwebata Bayudayo. Nde wayisa na waloombo kuri Pilato, mpisi kayisila nyutu Yesu. Pilato wa muha miswa, nde wayende na wayisila nyutu Yesu.

Musamu wamubwete watina Yowane 1:19

Kimaki ngo kimbaangi kya Yowane, mu ntaangu yiri Bayudayo ba ku Yerusalemi baheekiri [kuri nde] bangaanga-nzaambi, na bisari bya Nzo-nzaambi mu kumufuula ti: «Ye na wuri?»

Musamu wamubwete watina Yowane 9:18

Bayudayo babisa kusa kanyi mu nde, kuri ti muutu wubee wafwa miisu, weki kwemono, natee batumisa taayi na nguri ba muutu wunde weki kwemono.

Musamu wamubwete watina Yowane 9:21

Ngo mu lumalu, buri kekimono? Haho ngo hari twahele kuyaaba! Bunu pe ti na wumudzibiryee miisu? Haho se beetu twahele kuyaaba, fuulee nde-meene, nde weki wabuuka, sa kadzoonso nde-meene.»

Musamu wamubwete watina Yowane 9:35

Yesu wayuka ti bamutubiryee ku mbasi, bu kamumono wamufuula ti: «Buri ye wasa kanyi mu Mwaana muutu?»