Musamu wamubwete watina Yowane 9:2 - Musamu Wamubwete 2013

² Bayiki baandi bamufuula baleele ti: «Labi, na wasiiri masumu, muutu wumawu hoti taayi na nguri, kuri heki nde kabutuka na miisu myafwa.»

Musamu wamubwete watina Yowane 9:2 Referans Kwoze

Musamu wamubwete watina Luka 13:2

Nde wabvutula, waleele kuri bo ti: «Beenu bu lutsima ti bari Ngalili babo, bukuri bamwiini mpasi, bo babvuriri masumu ti na baatu bobanso bari Ngalili?

Musamu wamubwete watina Yowane 9:34

Bo babvutula kuri nde ti: «Habaanaa ye-meene wabutukila kunsa masumu yemunso, lo wuri na mi wuyikisa beetu?» Ha bamutubiri ku mbasi.

Biyiriki bya Bantumu 28:4

Bangaa-bula bu bamono nyoko yiri mu kutsinga mu kooko kwa Pawulo, bo na bo baleele ti: "Ngwanwa muutu wu mudzusi kari. Nde pariryee mpee-mpolo mu mubu, ngo nsundusulu dza Nzaambi dzimuha miswa ko mu kuba mwooyo.

Musamu wamubwete watina Matayi 16:14

Bamaba baleele ti: «Babamosi Yowane Mubotiki; bakaka ti, Eliya; bakimi ti, Yelemiya, bunu pe mosi mu babikiri.»

Musamu wamubwete watina Matayi 23:7

bo batiiri bebaha mamboto mu bibeendu bya bobanso, na baatu be bateele ti "Muyikisi".

Musamu wamubwete watina Matayi 23:8

Ngo kasi, beenu yaa baluteele ko ti "Muyikisi"; bukuri beenu Muyikisi mosi luri na nde; beenu bobanso luri bampaangi.

Musamu wamubwete watina Yowane 4:31

Mu ntaangu yiyo, bayiki bayingukila Yesu, bamuleele ti: «Labi, dya.»

Musamu wamubwete watina Yowane 9:1

Bu kaba luta mu nzila, Yesu wamono muutu wuri, bu kaba butuka miisu myafwa.