Musamu wamubwete watina Yowane 8:37 - Musamu Wamubwete 2013

³⁷ Me nyaari ti beenu lwa palila mu Abalaami, ngo beenu lusaka me kudzusa, bukuri maampu maami mahele mu beenu.

Musamu wamubwete watina Yowane 8:37 Referans Kwoze

1 Kol 2:14

Muutu wuri na bitsimi bya kimuutu, lo kataambula mya Mpeeve ya Nzaambi ko; bukuri kuri nde bubwo bulawuku, nde lo katsiitsa kuyaaba ko, bukuri mimyo mu kimpeeve bayelemini kumifyongokono.

Mukaanda kuri bari Loma 9:7

na babo bapalila mu Abalaami, bobanso ka bari baala ba nde ko, kasi: «Mu Isaki, ye wubaka babo babateele ti bapalila mu ye.»

Musamu wamubwete watina Yowane 7:1

Ha mambisa haho, Yesu waba kwesaa budyeengi mu nsi ya Ngalili; mukwongo, nde waba wahele kutya kusa budyeengi mu nsi ya Yudaya, bukuri Bayudayo baba sakaana kumudzusa.

Musamu wamubwete watina Yowane 8:59

Haho bo banaanguna matari mpisi heki bamulata. Yesu wasweeme na wapala mu Nzo-nzaambi.

Biyiriki bya Bantumu 13:26

Bampaangi baami, baala ba kitsuubu kya Abalaami, na babo bari ha kakati dya beenu babvumunaa Nzaambi, kuri beetu bari baheeke maampu ma mvuukulu.

Musamu wamubwete watina Yowane 8:43

Bukuri nki beenu lwahele kubakula ma nyiluleele me? Buri beenu luri nzoonsulu me, kubakula pe? Bukuri beenu lwahele kubangisina kuyuka maampu maami.

Musamu wamubwete watina Yowane 11:53

Kuholosono kiluumbu kikyo, bo baholo kitsimi, ti nde wa kudzusa.

Musamu wamubwete watina Yowane 7:19

Buri Moose kasii luha mangisi ko? Ngo kwahele ti muutu ti mosi mu beenu wuri mu kumasalila. Buri beenu lusaka me kudzusa?»

Musamu wamubwete watina Yowane 10:31

Bayudayo babweese kunaanguna matari mpisi bamulata.

Musamu wamubwete watina Yowane 8:6

Bo baleele bubwo mu kumutekele mweete, mpisi heki bamufuunda. Ngo Yesu bu kaba wayilima, wabeke kutyalikisa ha nsi mu muleembu.

Musamu wamubwete watina Yowane 7:25

Bari Yerusalemi bamosi baba leelaa ti: «Buri wumawu kari wu bari mu kusaka kudzusa ko?

Musamu wamubwete watina Yowane 5:44

Habaana beenu, nkeembu kutaambula yi lukwehelesene beenu na beenu, ngo lwahele kusaka nkeembu yifumunaa kuri Nzaambi yomosi, lo dyaburi beenu lutsiisa kusa kanyi?

Musamu wamubwete watina Matayi 13:15

Mukwongo mutima kaanda dimadi wayeki wakuba; bo bayeki bakiindisa makutu maaku, na bayeki bakaanga miisu myaaku, mu kubata ti bee bamwiini mu miisu, bee bayukiri mu makutu maaku, na kubata ti bee babakuri mu mutima, na kuyiinga madyeele; na ti me bee nyibatsinikisi."

Musamu wamubwete watina Yowane 8:33

Bo babvutula kuri nde ti: «Beetu twapalila mu Abalaami, na beetu ka twabeeri mu bunkutu kuri muutu ko. Dyaburi ye wuleele ti: "Beenu sa lwaba mu bunsaalisi"?»

Musamu wamubwete watina Matayi 3:9

na yaa lubeke kweleele mu beenu-meene ko ti: "Taayi dya beetu Abalaami." Bukuri me nyiluleele ti: mu matari ma lo Nzaambi telemisi baala kuri Abalaami!

Musamu wamubwete watina Yowane 8:56

Taayi dya beenu Abalaami wakeembiri mu nsiitu ya kumono kiluumbu kya me; nde wakimono, na wakeembe.»

1 Yow 2:14

Me nyatinini kuri beenu mwaa-baala, bukuri beenu lwayeki lwayaaba Taata. Me nyatinini kuri beenu bataata, bukuri beenu lwayeki lwamuyaaba kuholosono kunu mbandukulu. Me nyatinini kuri beenu bituuti bukuri beenu luri bangaa-makwa, na maampu ma Nzaambi masa kikuundi mu beenu, na beenu lwabwiisiri Ngaa-bubi.