Musamu wamubwete watina Yowane 8:34 - Musamu Wamubwete 2013

³⁴ Yesu wabvutula kuri bo ti: «Ngwanwa mu ngwanwa, me nyiluleele, mpisi wusa masumu, lo nde weki nkutu masumu.

Musamu wamubwete watina Yowane 8:34 Referans Kwoze

Mukaanda kuri bari Loma 6:16

Buri beenu lwahele kuyaaba ti, lutaambukila kusalila muutu bunu bankutu, lo lweki bankutu ba wunde wu luri mu kutambukila, bankutu ba masumu mu kweende ku lufwa, bunu pe bankutu ba bintambukulu mu kweende ku nsungumunu?

2 Pet 2:19

Bo bakwetaasila baatu bunsaalisi, buni bo-meene bankutu ba bifu byabibi. Bukuri, mpisi muutu wuri nkutu kuri bibyo bi kari katumuma.

Mukaanda kuri bari Loma 6:12

Ngo yaa lutala ko ti, masumu maba na lutumu mu nyutu yeenu ya mfwiilu, mpisi luhele kutumuma mu nyiimunu dza nyutu.

Mukaanda kuri bari Loma 6:6

Bu tuyaari kuri ti, muutu weetu wamukulu bayeki bamukomono kintwaari na nde, mpisi heki nyutu ya masumu yiba yatsyaamunu, na tuhele kubweese kuba bankutu ba masumu.

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

Mukaanda kuri bari Loma 7:25

Matoondo kuri Nzaambi, mu Yesu Kiristo Mfumu yeetu! Hango-nkuumbu, mu nyukulu ya me-meene me nyiri nkutu ya mangisi ma Nzaambi, ngo mu muswinyi, nyiri nkutu ya mangisi ma masumu.

Mukaanda kuri bari Loma 8:21

yiri ti, nsi yo-meene se, sa yaba yakuuluka mu bunkutu bwa mbiiyulu, mu kutaambula bunsaalisi bwa nkeembu ya baala ba Nzaambi.

Mukaanda kuri bari Loma 7:14

Beetu tuyaari ti mangisi mari ma kimpeeve, ngo me nyiri na nyutu ya muswinyi, bayeki banyarika kuri masumu.

Biyiriki bya Bantumu 8:23

Me nyimono ti ye wuri na lubelu na bubayi."

Musamu wamubwete watina Yowane 3:3

Yesu wabvutula na waleele kuri nde ti: «Ngwanwa mu ngwanwa, me nyikuleele ti, mbuti muutu wahele kubutuka mbutukulu yamoono, lo kabangusina kumono Kimfumu kya Nzaambi ko»

Musamu wamubwete watina Matayi 5:18

Mu ngwanwa me nyiluleele, natee buluta yulu na butoto, lo ti kisoni kiri nkuumbu i, bunu pe ti mpita mosi yiyaaluka mu mangisi ko, natee momanso mayirimini.