Musamu wamubwete watina Yowane 8:32 - Musamu Wamubwete 2013

³² beenu sa lwayaaba ngwanwa, na ngwanwa sa ya luha bunsaalisi.»

Musamu wamubwete watina Yowane 8:32 Referans Kwoze

Mukaanda kuri bari Loma 8:2

Bukuri, ngisi ya Mpeeve, ya bumwooyo mu Kiristo Yesu, yayeki yakuula me mu ngisi ya masumu na ya lufwa.

Musamu wamubwete watina Yowane 8:36

Mbuti Mwaana wulukuuriri, lo ngwanwa beenu sa lwaba mu bunsaalisi.

Musamu wamubwete watina Yowane 17:17

Wubasa bangisi mu ngwanwa, maampu maaku ngo ngwanwa.

1 Pet 2:16

Beenee bunu baatu bari na bunsaalisi, na bunsaalisi bubwo, yaa buba bunu nsaanda mu kwefuka bubi ko; ngo beenee bunu bankutu ba Nzaambi.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Mukaanda kuri bari Loma 6:22

Ngo kasi mu lumalu, bu bamwaalukuula mu masumu, lweki bankutu ba Nzaambi, na luri na bimbutu mu mbakulu bungisi. Manunu ya byo, ngo kidziingu kyahele manunu.

Mukaanda wa Yakobo 1:25

Ngo wunde, wuyekamaa na wusaa kikuundi mu mangisi makuka ma bunsaalisi, kwahele kuba muyuki wuri na bunzimbu, ngo wukukisaa biyiriki, lo nde sa kaba mu lwambwe kunsa kisalu kyaandi.

Mukaanda kuri bari Ngalatya 5:1

Kiristo watukuula mpisi tuba na bunsaalisi. Ngo telemee na ngwii, na yaa lubweese kukoto mu kihaangu kya bunkutu ko.

Mukaanda wa Yakobo 2:12

Mu didyo, dzoonseenu na salileenu, bunu beenu luba batsuundusu, mu ngisi ya bunsaalisi.

Mukaanda kuri bari Ngalatya 5:13

Mukwongo, bampaangi, beenu baluteele mbila mu kuba mu bunsaalisi. Ngo kasi, bunsaalisi bubwo yaa buba mpwaani ya kwedyaatila mu kimuutu ko; ngo kunsa ntiilu yendee lwesalisina beenu na beenu.

Musamu wamubwete watina Yowane 7:17

Mpisi wutiiri kuyirika kutya kwa nde, lo sa kayaaba mbuti nyikusulu dzidzo dza Nzaambi, bunu pe, mu me-meene nyiri mu kwedzoonsolo.

Mukaanda kuri bari Loma 8:15

Bukuri beenu lwahele kutaambula mpeeve ya bunkutu, mu kuri ti lubweese kuba na boomo: ngo kasi beenu lwataambula Mpeeve, yisa kuri ti luba baala ba Nzaambi, mu yo beetu tukoobikisaa ti: «Aba, Taata!»

Musamu wamubwete watina Yowane 16:13

Mu ntaangu yi kakwiisa, Mpeeve Yangwanwa, sa kalutwaalisa kunsa ngwanwa yoyinso, bukuri nde kadzoonsolo mu nde-meene ko, ngo sa kadzoonsolo mu momanso ma kari kayuka, na sa kaluyaabisa, misamu mikwiisa.

2 Tim 3:7

mpisi ntaangu bakweyika, ngo kasi bahele kubangisina kutubuka ku nyaabulu yangwanwa.

Musamu wamubwete watina Yowane 6:45

Dyatinu mu babikiri ti: "Bobanso sa baba bayikusu kuri Nzaambi". Ngo mpisi wumwaayuka ma Taata, na wumwaayika ma nde, lo wiisiri kuri me.

Musamu wamubwete watina Matayi 11:29

Lwaateenu kihaangu kyaami, na yiikeenu kuri me, bukuri me nyiri na bundeembu na nyakuluka mu mutima, beenu sa lwabaka mpuumunu ya miheebulu myeenu.

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Musamu wamubwete watina Yowane 1:17

mukwongo bukuri mangisi mayisikila mu Moose, bweese na ngwanwa byayisikila mu Yesu Kiristo.

1 Kol 7:22

Mukwongo, nkutu yataambula mbila mu Mfumu, muutu wakuuluka wuri wa Mfumu; bwobumosi se, muutu wuri bunsaalisi wataambula mbila, nkutu Kiristo kari.

2 Yow 1:1

Me Mukulu-bakala, kuri Mukyeetu wasoolu, na kuri baala baandi, ba nyiri nyatya mu ngwanwa. Ngo kari wunu me kitsu nyibatii ko, kasi bobanso se bamwaayaaba ngwanwa,