Musamu wamubwete watina Yowane 8:29 - Musamu Wamubwete 2013

²⁹ Wunde wampeeke, wuri kintwaari na me; nde wahele kusiisa me, me mukaka, bukuri me kooyirikaa ma katiiri nde, mu mantaangu momanso.»

Musamu wamubwete watina Yowane 8:29 Referans Kwoze

Musamu wamubwete watina Yowane 6:38

bukuri me nyafumuna ku yulu, kari mu kuri ti nyirika kutya kwa me-meene ko, ngo kwa wunde wampeeke.

Musamu wamubwete watina Yowane 16:32

Mono, kilookolo kiri mu kwiisa na kimwaatubuka, kiri sa lwaba lwatsamikisa, muutu-muutu ku nzo yaandi, na beenu sa lwasiisa me, me-kaka. Ngo me nyahele kuba me-kaka, bukuri Taata wuri kintwaari na me.

Musamu wamubwete watina Yowane 4:34

Yesu wabaleele ti: «Byandya bya me ngo kuyirika kutya kwa wunde wampeeke, na kuri ti me mana kisalu kyaandi.

Musamu wamubwete watina Yowane 15:10

Mbuti beenu lukebiri ntumu dzaami, lo beenu sa lwanamitina kuba kunsa ntilu yaami; mu ntiilu yaami; bunu bu nyiri nyakebe me ntumu dza Taayi dyaami, na na nyanamitina kuba kunsa ntiilu yaandi mu ntiilu yaandi.»

Musamu wamubwete watina Yowane 5:30

Me lo nyahele kubangisina kuyirika kitotolo ti kimosi mu me-meene. Me nyitsuundisa bunu bu nyiyukula, na mutsuundu wa me wasuunguma, bukuri me nyahele kusaka kutya kwa me-meene, ngo kutya kwa wunde wampeeke.»

Musamu wamubwete watina Yowane 8:16

Mbuti heki me nyitsuundisa, lo mutsuundu me, wuri wangwanwa, bukuri me nyahele me mukaka, ngo me beetu na Taata wampeeke.

1 Yow 2:1

Mwaa-baala baami, me nyilutinina mamama, mpisi luhele kubwa mu masumu. Ngo mbuti muutu bwiiri mu masumu, lo turi na Nkariri kuri Taata, ngo Kiristo Yesu, ngaa-kusuunguma.

2 Tim 4:17

Mfumu wambakisiri na wampeeri makwa, mpisi heki mu munwa me, maampu maba mayaabusu mu kiteesu kyakuka, na maba mayukukuna kuri makaanda momanso. Me bankuuriri mu munwa nkosi.

Musamu wamubwete watina Yowane 14:31

kasi mu kuri ti nsi yiyaaba ti me ntiiri Taata, na me nyiri mu kweyirika bunu bwa ntumini Taata. Telemeenu, na tweendeenu!»

Musamu wamubwete watina Yowane 17:4

Me nyakeembisiri ye ha butoto, me nyameeni kisalu ki wampeeri mu kusa.

Musamu wamubwete watina Matayi 17:5

Bu kaba wakiri mu kudzoonso, mono tuti dya buungi dyabafuka mu mposi yaandi, na mono, mbeembu mosi yayukukuna mu tuti, yaleele ti: «Wumawu ngo mwaana waami wa mutima, mu nde me nyimonaa kiminu, muywiileenu!»

Musamu wamubwete watina Matayi 3:17

Na mono, mbeembu ya nangukina ku mayulu yaleele ti: «Wumawu ngo mwaana waami wa mutima; mu nde me nyimonaa kiminu.»

Mukaanda kuri Bahebeleho 4:15

Mukwongo, mukuutu bangaanga-nzaambi wu turi na nde, wakuka mu kutubakisa mu buyonsi bweetu. Nde bamukotoso mu nsindukulu mu myominso bunu beetuneenu, ngo kasii bwa mu masumu ko.

Mukaanda kuri Bahebeleho 7:26

Mukwongo, kuri beetu mukuutu bangaanga-nzaambi waba wayelemene ngo wabubwo. Nde wangisi, wahele na mamabi, wahele na masumu, wahaambuka na bangaa-masumu, na bamunaakisa ku nkati yulu.

2 Tim 4:22

Hemese Mfumu kaba na kiluunsi kya ye! Bweese buba na beenu!

Musamu wamubwete watina Matayi 3:15

Yesu wabvutula, waleele kuri nde ti: «Hemese mu lumalu; bukuri bubwo bwayelemene kuri beetu na ye mu kukukisa nsungumunu yoyinso.» Haho, Yowane wataambula.

1 Yow 3:22

na mpisi ma tuloombo, tumataambula kuri nde, bukuri beetu tukebaa ntumu dzaandi, na tuyirikaa mamabwe ha busu bwaandi.