Musamu wamubwete watina Yowane 8:28 - Musamu Wamubwete 2013

²⁸ Hango, Yesu waleele [kuri bo] ti: «Mu ntaangu yiba Mwaana muutu wadzaangusu, haho beenu lwayaaba ti "me nyiri"; na ti mu me-meene nyahele kusaa kitotolo ti kimosi, ngo mamo ma yikisa me Taata, mamo me nyiri mu kweleele.

Musamu wamubwete watina Yowane 8:28 Referans Kwoze

Musamu wamubwete watina Yowane 5:30

Me lo nyahele kubangisina kuyirika kitotolo ti kimosi mu me-meene. Me nyitsuundisa bunu bu nyiyukula, na mutsuundu wa me wasuunguma, bukuri me nyahele kusaka kutya kwa me-meene, ngo kutya kwa wunde wampeeke.»

Musamu wamubwete watina Yowane 5:19

Yesu wabvutula kuri bo, waleele ti: «Ngwanwa mu ngwanwa, me nyiluleele ti, Mwaana kari nsiila kisalu mu nde-meene ko, mbuti ka mi kamono Taayi nyirikulu ko; bukuri mimyo mi yirikaa Taayi, Mwaana se mini myo kayirikaa.

Musamu wamubwete watina Yowane 6:38

bukuri me nyafumuna ku yulu, kari mu kuri ti nyirika kutya kwa me-meene ko, ngo kwa wunde wampeeke.

Musamu wamubwete watina Yowane 3:14

Ngo bunu bwamanikini Moose nyoko mu nsi yankatu, bunubwo se Mwaana muutu, bayelemini kumumanika,

Mukaanda kuri bari Loma 1:4

wu kari kasa Mwaana Nzaambi, mu mpinu, bunu buri Mpeeve ya bungisi, mu mfulukulu ya bafwa, ngo Yesu Kiristo Mfumu yeetu.

Biyiriki bya Bantumu 4:4

Balaka bayukiri maampu basiiriri kanyi, na lutaangu lwa baatu [kampe] lwakuka mafuunda mataanu.

Biyiriki bya Bantumu 2:41

Hango, bo bu bataambula maampu maandi, bababotoko, na mu kiluumbu kikyo, kampe mafuunda matatu ma baatu mayikimini.

Musamu wamubwete watina Yowane 19:18

Kukwo, bo bamukomini ha yulu kuruwa, kintwaari na baatu boolo bakimi, wamosi ha, wakaka kuni, heki Yesu ha kakati.

Musamu wamubwete watina Yowane 16:10

mu mitariri nsungumunu, bukuri me nyiri mu kweende kuri Taata, na lubweese kumono me ko;

Musamu wamubwete watina Yowane 11:42

Me nyaari ti ye kooywiilaa me mantaangu momanso, ngo me nzoonsiri mu ntoono mpuumbu baatu yandyengekele, mpisi basa kanyi ti, ye waheeke me.»

Musamu wamubwete watina Yowane 8:24

Hango me nyileele kuri beenu ti: Beenu sa lwafwiila kunsa masumu meenu. Mukwongo, mbuti lwahele kusiila kanyi ti "me nyiri", lo sa lwafwiila kunsa masumu meenu.»

Musamu wamubwete watina Yowane 3:11

Ngwanwa mu ngwanwa me nyikuleele, beetu kudzoonsolo mu ma tuyaari, na kimbaangi kuta mu ma turi twamono, ngo beenu lwahele kutaambula kimbaangi kya beetu.

Musamu wamubwete watina Matayi 24:5

Bukuri balaka sa biisa mu nkuumbu yaami, na sa baleele: "Me ngo Kiristo!" Na sa bawumuna baatu balaka.

Musamu wamubwete watina Malako 13:6

Baatu balaka sa biisa mu nkuumbu yaami, sa baleele ti: "Wumawu me!" Na sa bawumuna balaka.

Musamu wamubwete watina Luka 21:8

Nde waleele ti: «Seenee madyeele mpisi luhele kuwumuka; bukuri baatu balaka sa biisa mu nkuumbu me, na sa beleele ti: "Me nyiri", na ti: "Ntaangu yikokisiri!" Ngo yaa lubanama ko.

Musamu wamubwete watina Yowane 4:26

Yesu wamuleele ti: «Me nyiri nde, wudzoonso na ye.»

Musamu wamubwete watina Yowane 8:27

Bo baba bahele kuyaaba ti, Yesu waba badzoonsolo mu ntoono Taayi.

Musamu wamubwete watina Yowane 8:58

Yesu waleele kuri bo ti: «Mu ngwanwa mu ngwanwa me nyiluleele, tekesele Abalaami kaba, lo "me nyiri."»

Musamu wamubwete watina Yowane 13:19

Kubandikila mu lumalu, me nyiluyaabisa, tekesele mamo mayirima, mpisi heki mu ntaangu yiyo yi mayirima, beenu lusa kanyi ti "me nyiri".

Musamu wamubwete watina Yowane 18:32

Mu bubwo ma leeriri Yesu mayende mu mana, ma kaba yaabisa mu nkya mfwiilu nde kaba kayelemini kufwiila.