Musamu wamubwete watina Yowane 8:26 - Musamu Wamubwete 2013

²⁶ Me nyiri na myalaka mya kuleele na mya kutsuundisa mu ntoono beenu; ngo wunde waheeke me wuri wangwanwa, na mamo ma nyiri nyayuka kuri nde, mamo me nyileele kuri nsi.»

Musamu wamubwete watina Yowane 8:26 Referans Kwoze

Musamu wamubwete watina Yowane 15:15

Me nyahele kubweese kuluteele bisari, bukuri kisari kayaa bisaana mfumu yaandi ko. Me nyiluteele banduku, bukuri me nyaluyaabisiri myominso mi nyayikiri kuri Taayi dyaami.

Musamu wamubwete watina Yowane 8:40

Ngo mu lumalu, beenu lusaka me kudzusa, me muutu nyiluleeriri ngwanwa yi nyiri nyayuka kuri Taata. Abalaami kasii yirika, mamo ko.

Musamu wamubwete watina Yowane 17:8

bukuri maampu ma wampeeri, me nyabahee mo, na bo bamataamburi na bayaaburi mu ngwanwa ti me nyapalila kuri ye, na basiiriri kanyi ti ye wampeekiri.»

Musamu wamubwete watina Yowane 7:28

Haho, Yesu bu kaba yikisa mu Nzo-nzaambi, wabikisa waleele ti: «Beenu luyaari me, na luyaari ku nyiri nyafumuna; ngo me nyahele kwiisa mu me-meene, ngo wunde wampeeke wuri wangwanwa, na beenu lwahele kumuyaaba.

2 Kol 1:18

Nzaambi wakwiikama, ma turi mu kuleele kuri beenu, mahele kuba «heehe» na «pele».

Musamu wamubwete watina Yowane 16:12

«Me nyakiri na myalaka mya kululeele, ngo lubangusina kukuunda myo mu lumalu ko.

Musamu wamubwete watina Yowane 7:16

Yesu wabvutula na waleele kuri bo ti: «Nyikusulu dza me dziri dza me-meene ko, ngo dza wunde wampeeke.

Musamu wamubwete watina Yowane 3:11

Ngwanwa mu ngwanwa me nyikuleele, beetu kudzoonsolo mu ma tuyaari, na kimbaangi kuta mu ma turi twamono, ngo beenu lwahele kutaambula kimbaangi kya beetu.

Musamu wamubwete watina Yowane 8:25

Hango bo baleele kuri nde ti: «Ye na wuri?» Yesu waleele kuri bo ti: «Wunde wu nyiri mu kululeelaana kuholosono kunu mbandukulu.

Musamu wamubwete watina Yowane 8:27

Bo baba bahele kuyaaba ti, Yesu waba badzoonsolo mu ntoono Taayi.

Musamu wamubwete watina Yowane 18:20

Yesu wabvutula kuri nde ti: «Me nyabee kwedzoonsaana, na pwelelee kuri baatu bobanso, mu mantaangu momanso, me nyabee kweyikisaa mu manzo ma nkutukunu na mu Nzo-nzaambi, mu kookutukunaa Bayudayo bobanso, na me nyasii leele ntoono ti mosi mu nsweeki ko.