Musamu wamubwete watina Yowane 8:19 - Musamu Wamubwete 2013

¹⁹ Ngo bo bamuleele ti: «Taayi dya ye wuri kuri?» Yesu wabvutula ti: «Beenu lwahele kuyaaba me, na lwahele kuyaaba se Taayi dya me. Mbuti lubee luyaa me, nkani luketyee kuyaaba se Taayi dya me.»

Musamu wamubwete watina Yowane 8:19 Referans Kwoze

Musamu wamubwete watina Yowane 16:3

Sa bayirika mamo, bukuri bahele kuyaaba Taata, na me.

1 Kol 15:34

Nkati bvutukee ha lwaba, na yaa lubwa mu masumu ko, bukuri babamosi bahele na nyaabulu Nzaambi, me nyiludzusa nsoni.

Musamu wamubwete watina Yowane 7:28

Haho, Yesu bu kaba yikisa mu Nzo-nzaambi, wabikisa waleele ti: «Beenu luyaari me, na luyaari ku nyiri nyafumuna; ngo me nyahele kwiisa mu me-meene, ngo wunde wampeeke wuri wangwanwa, na beenu lwahele kumuyaaba.

Musamu wamubwete watina Yowane 1:10

Wunde wuri maampu, waba ha nsi, na nsi yayirimina mu nde, ngo nsi yasiiri kumuyaaba ko.

Musamu wamubwete watina Matayi 11:25

Mu ntaangu yiyo, Yesu wabaangula mbeembu waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele.

2 Yow 1:9

Mpisi wunde wuluta nyikusulu dza Kiristo, na wahele kusa kikuundi mu dzo, lo wahele na Nzaambi. Ngo wunde wasa kikuundi mu nyikusulu, lo wuri na Taata na Mwaana.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

Mukaanda kuri bari Ngalatya 4:9

Ngo mu lumalu, bu lumwaayaaba Nzaambi, dibvuriri bubwete diri lumwaayabakana kuri Nzaambi, dyaburi beenu lubweese kubvutuka kuri bitotolo byahele makwa na byabuunu, mu nzala kubweese kuba bankutu kuri byo?

Musamu wamubwete watina Yowane 17:3

Kidziingu kya mantaangu mpmanso ngo kimaki: bayaaba ye, Nzaambi yomosi kitsu yangwanwa, na wunde wu wuri waheeke, Yesu Kiristo.

Mukaanda kuri bari Kolosayi 1:10

kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.

Musamu wamubwete watina Yowane 15:21

Ngo sa baluyirikila momanso mamo, mu ntoono nkuumbu yaami, bukuri bo bahele kuyaaba wunde wampeeke.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

Mukaanda kuri bari Kolosayi 1:15

Kiristo ngo kidzisi kya Nzaambi wuri bamumonaa ko. Nde ngo watete wabutuka mu biyiriki byobinso,

Mukaanda kuri bari Efeso 1:17

mpisi heki Nzaambi ya Mfumu yeetu Yesu Kiristo, Taayi dya nkeembu, kaluha mpeeve ya madyeele na ya nyabusulu, mu kuyaaba nde.

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.

1 Yow 2:23

Mpisi wunde wutunaa Mwaana, lo kari na Taata ko. Wutaambulaa Mwaana, lo wuri na Taata se.