Musamu wamubwete watina Yowane 7:39 - Musamu Wamubwete 2013

³⁹ Nde waleele mamo mu ntoono Mpeeve, yiri babo basiila kanyi mu nde sa bayitaambula. Mukwongo, Mpeeve yaba yakiri yo pe, bukuri Yesu waba wakiri wahele kuba wakeembusu.

Musamu wamubwete watina Yowane 7:39 Referans Kwoze

Biyiriki bya Bantumu 2:17

"Mu biluumbu bya manunu, bwa leeriri Nzaambi, me sa nyatsaamuna Mpeeve yaami ha yulu muutu-muutu, na baala beenu ba babakalala, na baba bakyeetu sa babikula, bituuti sa bamono mamono-miisu, na binuni byeenu sa balooto mandosi.

Biyiriki bya Bantumu 2:33

Nde wadzaangusu ha lubakala lwa Nzaambi, bu kataambula kuri Taayi, lusiilulu lwa Mpeeve Yangisi yi kari kanyaka, mamo beenu [se] luri mu kumono na kuyuka.

Biyiriki bya Bantumu 2:4

Bobanso baluula mu Mpeeve Yangisi, na bo babaandika mu kudzoonso mu mandiinga makaka, bunu bwa baheeriri Mpeeve mu kudzoonso.

Musamu wamubwete watina Yowane 16:7

Ngo me nyiluleele ngwanwa; kuri ndaandu kuri beenu ti me nyeende. Bukuri, mbuti me nyahele kweende, lo Mukariri kakwiisa kuri beenu ko. Ngo mbuti me nyeensi, lo me sa nyamuheeke kuri beenu.

Musamu wamubwete watina Yowane 12:16

Bayiki baandi, hatete, baba bahele kubakula; ngo kasi Yesu habaanaa weki wakeembusu, haho bo babaambukiri mwooyo, ti mamo maba matinu mu nde, na bayirikiri bubwo mu nde.

Mukaanda kuri bari Loma 8:9

Beenu lwahele kuba mu muswinyi, ngo luri mu Mpeeve, mbuti heki Mpeeve Nzaambi yadzakala mu beenu. Mbuti muutu wahele na Mpeeve ya Kiristo, lo nde kari wa Kiristo ko.

Biyiriki bya Bantumu 2:38

Petelo waleele kuri bo ti: "Yiingeenu madyeele [bubwo kaleeriri] na mosi-mosi mu beenu kataambula mbotokulu mu nkuumbu ya Yesu Kiristo, mu mpemusunu ya masumu ma beenu, tumi lutaambula kikabu kya Mpeeve Yangisi.

Musamu wamubwete watina Yowane 20:22

Bu kaleele mamo, wafula muheebulu ha yulu bo, na waleele kuri bo ti: «Taambuleenu Mpeeve Yangisi!

Musamu wamubwete watina Yowane 12:23

Yesu wabvutula kuri bo waleele ti: «Kilookolo kitubukiri, kiri Mwaana muutu sa kaba wakeembese.

Mukaanda kuri bari Efeso 4:30

Yaa lunyoongoso Mpeeve Yangisi ya Nzaambi ko, mu yo beenu bari balusa kidiimbu mu kiluumbu kya nkuululu.

2 Kol 3:8

lo kisalu kya Mpeeve sa kyabvula nkeembu.

Biyiriki bya Bantumu 4:31

Bu baba mu kusaambila, kibeendu ki baba bakutukina kyatembele, na bo baluula mu Mpeeve Yangisi, na babeke kweyikisaa maampu ma Nzaambi mu nsiitu.

Biyiriki bya Bantumu 3:13

Nzaambi ya Abalaami, [Nzaambi] ya Isaki, na [Nzaambi] ya Yakobe, Nzaambi ya bataayi beetu, keembisiri kisari kyaandi Yesu, wu lwayekiri, na wu lwatunini beenu ha busu bwa Pilato, koomosoko nde waba watsima kumupatula;

Musamu wamubwete watina Yowane 17:5

Mu lumalu, Taata keembese me, ha teke ye-meene, mu nkeembu yi nyaba na yo ha teke ye, tekesele nsi yiyirima.

Musamu wamubwete watina Yowane 14:13

na mamo ma luloombo mu nkuumbu ya me, me sa nyayirika mo, mpisi heki Taata kaba wakeembusu mu Mwaana.

Musamu wamubwete watina Yowane 7:12

Baatu baba kwemungutaa kwalaka, mu ntoono nde, kunsa mampuumbu. Bamosi baba leelaa ti: «Nde wamubwe,» bakaka ti: «Nde wuri mu kudziimbisa mpuumbu.»

Musamu wamubwete watina Yowane 6:14

Baatu bu bamono bidiimbu bi kayirikiri nde, baleele ti: «Ngwanwa, wumawu Mubikiri wiisiryee ha nsi.»

Musamu wamubwete watina Yowane 1:33

Me nyaba nyahele kumuyaaba, ngo wunde wampeekiri mu kubotoko mu maampa, waleele kuri me ti: "Mbasi-tsuku wu monaana wunde wuri Mpeeve yisundukiri na yisiri kikuundi ha yulu nde, lo wunde ngo wubotoko mu Mpeeve Yangisi."

Musamu wamubwete watina Yowane 1:25

Bo bamufuula na baleele kuri nde ti: «Ngo buri ye wuri mu kwebotoko, mbuti ye wuri Kiristo ko, wuri Eliya ko, na wuri se mubikiri ko?»

Musamu wamubwete watina Yowane 1:21

Bo bamufuula ti: «Heki ye na kwaandi? Buri ye ngo Eliya?» Yowane waleele ti: «Pele, me nyiri Eliya ko! Buri ye mubikiri wuri?» Nde wabvutula ti: «Pele!»

Musamu wamubwete watina Luka 24:49

[Mono,] nyiheeke kuri beenu bibyo byasa Taayi dyaami nsiilulu. Dzakileenu munsa bvula natee ku lutaamburi beenu mpinu dza ku yulu.»

Musamu wamubwete watina Luka 7:16

Bobanso boomo bwababwiilila, bakeembese Nzaambi, na baleele ti: «Mubikiri wamunene telemini ha kakati dya beetu!» Na ti: «Nzaambi wiisiri mu kubakisa baatu baandi!»

Musamu wamubwete watina Luka 3:16

Yowane wabvutula, waleele kuri bobanso ti: «Me nyilubotoko mu maampa; ngo wunde wubvuriri makwa na me, wuri mu kwiisa. Me nyahele kukuka, ti mu kunyanguna misiinga mya masapaatu ma nde. Nde sa kalubotoko mu Mpeeve Yangisi na mu mbaawu.

Musamu wamubwete watina Matayi 16:14

Bamaba baleele ti: «Babamosi Yowane Mubotiki; bakaka ti, Eliya; bakimi ti, Yelemiya, bunu pe mosi mu babikiri.»

Musamu wamubwete watina Yowane 14:26

Muboondi, Mpeeve yangisi, yiyo mbasi-tsuku yiheeke Taata, mu nkuumbu meenu, sa kaluyikisa momanso, na sa ka lulubula momanso ma nyiri nyaluleele.»

Musamu wamubwete watina Matayi 21:11

Mampuumbu makweleele ti: «Wu ngo Yesu, mubikiri wa ku Nadzareti, dya Ngalili.»

Musamu wamubwete watina Yowane 8:54

Yesu wabvutula ti: «Mbuti heki me nyikeembese me-meene, lo nkeembu yaami yabuunu. Ngo Taata wuri mu kunkeembese, wu luri mu kuleele beenu ti: "Nzaambi yeetu."

Musamu wamubwete watina Yowane 16:14

Nde sa kakeembese me, bukuri sa kaholo mya me, na sa kaluyaabisa myo.

Musamu wamubwete watina Yowane 17:1

Yesu kamana kuleele mamo, nde wasyeetele miisu myaandi ku yulu, na waleele ti: «Taata, kilookolo kitubukiri; keembese Mwaana waaku, mpisi heki Mwaana ka kukeembese,

Biyiriki bya Bantumu 19:2

wabaleele ti: "Buri beenu lwataambiri Mpeeve Yangisi ha lwasii kanyi?" Bo babvutula ti: "Beetu twahele kuyuka ti, kuri badzoonsolo ti, Mpeeve Yangisi yiri."