Musamu wamubwete watina Yowane 7:33 - Musamu Wamubwete 2013

³³ Yesu ha kaleele ti: «Me nyakiri na beenu mu mwaa-ntaangu yantele, tumi nyeende kuri wunde wampeeke.

Musamu wamubwete watina Yowane 7:33 Referans Kwoze

Musamu wamubwete watina Yowane 16:5

Mu lumalu, me nyeki mu kweende kuri wunde wampeekiri, na kuri ti mosi mu beenu ko wufuula me ti: "Kuri wuri mu kweende?"

Musamu wamubwete watina Yowane 13:33

Mwaa-baala, me nyakiri na beenu mu mwaa-ntaangu yantele. Beenu sa lwasaka me, ngo bunu bu nyabee leele kuri Bayudayo ti, ku nyikweende me, beenu lubangusina kwiisa ko; kuri beenu se bunubwo nyileele mu lumalu.

Musamu wamubwete watina Yowane 17:13

Ngo kasi mu lumalu me nyiri mu kwiisa kuri ye, na nyiri mu kuleele mamo ha nsi, mpisi heki baba na kiminu kyaami, kyakuka mu bo.

Musamu wamubwete watina Yowane 17:11

Me nyahele bweese kuba mu nsi, ngo bo bari mu nsi, na me nyiri mu kwiisa kuri ye. Taata dyangisi, kebe bo mu mpinu dza nkuumbu yaaku, yi wuri wampa, mpisi baba mosi, bunu beetu na ye turi mosi.

Musamu wamubwete watina Yowane 16:28

Me nyapalila mu Taata, na nyayisa ha nsi; me nyeki bweese kuyisika ha nsi, na kweende kuri Taata.»

Musamu wamubwete watina Yowane 16:10

mu mitariri nsungumunu, bukuri me nyiri mu kweende kuri Taata, na lubweese kumono me ko;

Musamu wamubwete watina Yowane 14:19

Mwaa-ntaangu yantele yisiiri, na nsi ka yibweese kumono me se; ngo kasi beenu sa lwamono me, bukuri me nyiri mwooyo, na beenu se sa lwaba mwooyo.

Musamu wamubwete watina Yowane 13:3

Yesu bu kaba kayaari ti, Taata wamuyakisa byobinso mu myooko myaandi, na ti, nde wafumuna kuri Nzaambi, na kuri Nzaambi keki bvutuka,

Musamu wamubwete watina Yowane 13:1

Tekesele munkeembu wa Paaka wuba, Yesu bu kayaari ti kilookolo kyaandi kimwaatubuka, kya kuyisika mu nsi yimayi na kweende kuri Taata, bu kaba katiiri ba nde-meene mu nsi yimayi, wasoongo ntiilu yaandi mu bo natee ku manunu.

Musamu wamubwete watina Malako 16:19

Mfumu Yesu, kamanaa kudzoonso kuri bo, wanaangunu mu mayulu na wadzakala ha lubakala lwa Nzaambi.

Musamu wamubwete watina Yowane 9:4

Beetu tuyelemini kusala kisalu kya wunde wampeeke, mwiini bu kakiri; butsuku buri mu kwiisa, kuri muutu ko wubangisina kusala.

Musamu wamubwete watina Yowane 14:12

Mu ngwanwa mu ngwanwa me nyiluleeriri, wusiila kanyi mu me, nde se sa kasa biyiriki binyiri mu kwesa me. Nde sa kasa na bibvuriri ti na bimabi, bukuri me nyikweende kuri Taata,

Musamu wamubwete watina Yowane 14:28

Beenu lwayukiri me nyaleeriri ti: "Me nyiri mu kweende, ngo sa mbweese kwiisa kuri beenu". Mbuti beenu lutiiri me, nkani lo beenu luri na kiminu bu luyaa ti me nyiri mu kweende kuri Taata, bukuri Taata bvuriri bunene na me.

Musamu wamubwete watina Yowane 20:17

Yesu waleele kuri nde: «Yaa belemene me ko! Bukuri me nyakiri kutoomboko pe kuri Taata; ngo kasi yende kuri bampaangi ba me, na leele kuri bo ti: Me ntoombokiri kuri Taayi dyaami, na Taayi dya beenu, na Nzaambi yaami na Nzaambi yeenu.»