Musamu wamubwete watina Yowane 6:52 - Musamu Wamubwete 2013

⁵² Haho, Bayudayo bakalikisa bo na bo baleele ti: «Dyaburi nde katsiitsa kutuha muswinyi [waandi] mu kudya?»

Musamu wamubwete watina Yowane 6:52 Referans Kwoze

Musamu wamubwete watina Yowane 10:19

Nkabunu yabweese kubwa ha kakati dya Bayudayo mu ntoono maampu mamo.

Musamu wamubwete watina Yowane 9:16

Bafarisi babamosi baleele ti: «Wunde kari muutu wafumuni kuri Nzaambi ko, bukuri nde wahele kubvumina kiluumbu kya mpuumunu.» Ngo kasi bakaka baleele ti: «Muutu wuri na masumu, lo bangusini kuyirika bidiimbu bya bumabu?» Haho nkabunu yakoto mu bo.

Musamu wamubwete watina Yowane 6:41

Haho, Bayudayo babeke kumunguta mu ntoono ya nde, bukuri waleeriri ti: «Me ngo mpa yafumuna ku yulu.»

1 Kol 2:14

Muutu wuri na bitsimi bya kimuutu, lo kataambula mya Mpeeve ya Nzaambi ko; bukuri kuri nde bubwo bulawuku, nde lo katsiitsa kuyaaba ko, bukuri mimyo mu kimpeeve bayelemini kumifyongokono.

Biyiriki bya Bantumu 17:32

Bu bayuka mfulukulu ya bafwa, babamosi bamusiila munsiku, bakaka baleele ti: "beetu ngo bari tumi bee tukuywiila mu mamo kiluumbu kikimi."

Musamu wamubwete watina Yowane 4:11

Wa [mukyeetu] waleele kuri nde ti: «Mfumu, ye wahele na mbiinda ya kutekele maampa, na bulu dyasunda kwalaka, kuri ye wubakila maampa mamwooyo?»

Musamu wamubwete watina Yowane 3:9

Nikodemo wabvutula waleele kuri nde ti: «Mimyo buri butsiitsa kuyirimina?»

Musamu wamubwete watina Yowane 3:4

Nikodemo [nde] waleele kuri nde ti: «Dyaburi muutu katsiitsa kubutuka, habaanaa weki kinuni? Buri lo bweesiri kukoto mu mwooyo nguri yaandi, na kubutuka lwadzoolo?»

Musamu wamubwete watina Yowane 1:19

Kimaki ngo kimbaangi kya Yowane, mu ntaangu yiri Bayudayo ba ku Yerusalemi baheekiri [kuri nde] bangaanga-nzaambi, na bisari bya Nzo-nzaambi mu kumufuula ti: «Ye na wuri?»

Musamu wamubwete watina Yowane 6:60

Balaka mu bayiki baandi bu bayuka mamo, baleele ti: «Maampu mamo mamakwa, na wunde wabangusina kumayuka?»