Musamu wamubwete watina Yowane 6:51 - Musamu Wamubwete 2013

⁵¹ Me ngo mpa ya mwooyo yafumuna ku yulu; mbuti muutu diiri mpa yiyo, lo nde sa kaba mwooyo mu bibvu ngo bibvu. Na mpa yi nyiha me, ngo muswinyi waami, mu ntoono kidziingu kya nsi.»

Musamu wamubwete watina Yowane 6:51 Referans Kwoze

Musamu wamubwete watina Luka 22:19

Tumi bu kaholo mpa, wabvutula matoondo, wabukuna yo, wabaha, na wabaleele ti: «Yimayi ngo nyutu yaami, yaha mu beenu. Seenee bumabu mu kubambukila me mwooyo.»

Musamu wamubwete watina Yowane 6:33

Bukuri mpa ya Nzaambi, ngo yisundukaa ku yulu na yihaanaa bumwooyo kuri nsi.»

Musamu wamubwete watina Yowane 3:13

Kuri muutu watoomboko ku yulu ko, mbuti kari wunde wakulumuki mu yulu ko, Mwaana muutu.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Musamu wamubwete watina Matayi 20:28

Bwobumosi mu Mwaana muutu wahele kwiisa mu kuri ti bamusalila, ngo mu kusalila na kuha kidziingu kyaandi, bunu kikori mu balaka.»

Mukaanda kuri Bahebeleho 10:20

Nde watudzibukila nzila yamoono na yamwooyo, ha lumbisa lwa nsaanda yiri nyutu yaandi,

2 Kol 5:21

Wunde waba wahele na masumu, nde wamusa ngaa-masumu mu ntoono beetu, mpisi heki mu nde, tubeenee nsungumunu ya Nzaambi.

1 Pet 2:4

Kokosolee kuri nde, tari dyamwooyo dyaloosu kuri baatu, ngo kasi dyasoolu na dyantalu kuri Nzaambi,

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

Musamu wamubwete watina Yowane 1:29

Ha mambisa ma kiluumbu kikyo, Yowane wamono Yesu wuri mu kwiisa kuri nde, waleele ti: «Monee Mwaana kimeeme kya Nzaambi, wuyisilaana masumu ma nsi.»

1 Yow 4:14

Beetu twakengisiri na tuta kimbaangi ti Taata waheekiri Mwaana, bunu Mubvuukisi nsi.

1 Yow 4:10

Ntiilu yiri bumabu: ka kuri ko ti beetu twatiiri Nzaambi, ngo kasi nde watutya, na waheeke Mwaana waandi, bunu kikori mu masumu meetu.

1 Yow 2:2

Nde ngo kikori mu ntoono masumu meetu, kari munu mu masumu ma beetu ko, ngo se mu masumu ma nsi yansiina.

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Mukaanda kuri bari Efeso 5:25

Balumi, tyeenee bakasi beenu, bunubwo se Kiristo kari watya dibuundu, na wayekele nyutu yaandi mu ntoono dyo.

2 Kol 5:19

Mukwongo, Nzaambi waba mu Kiristo, mu kubweese kusa nyukusunu ha kakati dya nsi na nde-meene, kwahele kutaangula baatu lumvuki lwa bo, na kusuusa mu beetu maampu ma kubweese kusa nyukusunu.

Musamu wamubwete watina Yowane 7:38

Bunu buri mu kuleele Matinu: "wunde wusa kanyi mu me, manyari ma maampa ma mwooyo sa matsirimika mu mutima waandi."»

Musamu wamubwete watina Yowane 3:14

Ngo bunu bwamanikini Moose nyoko mu nsi yankatu, bunubwo se Mwaana muutu, bayelemini kumumanika,

Musamu wamubwete watina Yowane 3:36

Wunde wusa kanyi mu Mwaana wuri na kidziingu kyahele manunu; ngo kasi wubisa kusa kanyi mu Mwaana, kabaka kidziingu ko, ngo kasi nkesi dza Nzaambi dzibwa ha yulu nde.»

Musamu wamubwete watina Yowane 5:24

«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.

Musamu wamubwete watina Yowane 6:35

Yesu waleele kuri bo ti: «Me ngo mpa ya bumwooyo. Wunde wukwiisa kuri me, kari mbakila nzala ko, na wunde wusa kanyi mu me, kari mbakila mpwiisu ko.

Musamu wamubwete watina Yowane 6:41

Haho, Bayudayo babeke kumunguta mu ntoono ya nde, bukuri waleeriri ti: «Me ngo mpa yafumuna ku yulu.»

Musamu wamubwete watina Yowane 6:47

Ngwanwa mu ngwanwa, me nyiluleele ti: wusa kanyi, lo wuri na kidziingu kyahele manunu.

Musamu wamubwete watina Yowane 6:48

Me ngo mpa ya bumwooyo.

Musamu wamubwete watina Yowane 6:50

Yimayi ngo mpa yafumuna ku yulu, mpisi wudya yo, lo kafwa ko.

Musamu wamubwete watina Yowane 11:26

na mpisi wuri mwooyo, na wusa kanyi mu me, lo kari mfwiilu ko mu mantaangu momanso. Ye siiri kanyi mu mimyo?»