Musamu wamubwete watina Yowane 6:27 - Musamu Wamubwete 2013

²⁷ Salee, kari mu ntoono byandya bibolaa ko, ngo mu ntoono byandya binamitinaa mu kidziingu kyahele manunu, mbasi-tsuku biluha Mwaana muutu, bukuri nde Taayi Nzaambi, kari kasa kinyemu kyaandi.»

Musamu wamubwete watina Yowane 6:27 Referans Kwoze

Mukaanda kuri bari Kolosayi 3:2

Bvuleenu kusaka bya ku yulu, nkani ka bya ha butoto ko.

Musamu wamubwete watina Yowane 6:54

Wunde wudya muswinyi waami, na wunwa makila maami, wuri na kidziingu kyahele manunu; na me sa nyamufulukisa mu kiluumbu kya manunu.

2 Tim 2:19

Diri dyangwanwa ti lufulu lwa sa Nzaambi lwa makwa lwateleme, luri na kinyemu kyatina ti: «Mfumu yaari baatu baandi, na wunde wutaangunaa nkuumbu Mfumu, yelemini kutatuka na mamabi.»

Musamu wamubwete watina Yowane 6:40

Kutya kwa Taayi dyaami kuri ti, wunde wumono Mwaana na wusa kanyi mu nde, kabaka kidziingu kyahele manunu, na me sa nyamufulukisa mu kiluumbu kya manunu.»

Mukaanda kuri bari Loma 6:23

Mukwongo, mufutu masumu ngo lufwa; ngo kasi kikabu kya mungengi kya Nzaambi, ngo kidziingu kyahele manunu, mu Kiristo Yesu Mfumu yeetu.

Musamu wamubwete watina Yowane 10:28

Me nyiha kidziingu kyahele manunu kuri byo, byo biri mfwiilu ko kwakinkulu, na kuri muutu wubipfula mu myooko mya me ko.

Musamu wamubwete watina Yowane 6:51

Me ngo mpa ya mwooyo yafumuna ku yulu; mbuti muutu diiri mpa yiyo, lo nde sa kaba mwooyo mu bibvu ngo bibvu. Na mpa yi nyiha me, ngo muswinyi waami, mu ntoono kidziingu kya nsi.»

Biyiriki bya Bantumu 10:38

Dyaburi Nzaambi kalwiikirye Yesu wa ku Nadzareti Mpeeve Yangisi na mu mpinu. Nde wabee kwelutaana mu kweyirika mamabwe na kwetsinikisa bobanso babeeri kunsa nkwamusunu dza dyabulu, bukuri Nzaambi wabeeri na nde.

Musamu wamubwete watina Yowane 17:2

mpisi heki, bunu bu wuri wamuha lutumu ha yulu baatu bobanso, nde kaha kidziingu kyahele manunu kuri bobanso ba wuri wamuha.

Musamu wamubwete watina Matayi 6:19

«Yaa lwekutukisa busina bweenu ha butoto ko, hari bubwiilila bansyelisi na bisekisi, na hari bangaa-kwiibi babula na bayiba.

Musamu wamubwete watina Yowane 6:58

Yimayi ngo mpa yafumuna ku yulu, yahele kuba bunu ya diiri bataayi ba beenu, na bo bafwiiri. Wunde wudya mpa yi, sa kaba mwooyo mu bibvu ngo bibvu.»

2 Pet 1:17

Mukwongo, nde wataamburi lukiinsu na nkeembu kuri Taata Nzaambi. Mbeembu yayukukuna kuri nde mu nkeembu yayinene ti: «Wumawu ngo mwaana waami wa mutima, mu nde me nyimonaa kiminu.»

Mukaanda kuri bari Filipo 2:13

bukuri Nzaambi koosalaa mu beenu, na kusa kuri ti, lutya na lusala bunu buri kutya kwaandi kwakubwete.

1 Pet 1:24

Bukuri «Mpisi muutu wuri bunu kitiiti, na nkeembu yaandi yoyinso yiri bunu kifulu kya kitiiti, kitiiti kikanaa, na kifulu kibwaanaa,

Musamu wamubwete watina Luka 3:22

na Mpeeve Yangisi yakulumuka ha yulu nde, mu kifwaani kya beembe, na mbeembu mosi yadzoonso ku yulu ti: «Ye ngo mwaana waami wa mutima, me nyimonaa kiminu mu ye.»

1 Tes 1:3

Beetu tubaambukaana mwooyo mu biyiriki bya kanyi dyeenu, mu kisalu kya ntiilu yeenu, na mu kifiki kya nsiitu dzeenu mu Mfumu yeetu Yesu Kiristo, ha busu bwa Taayi dyeetu Nzaambi.

Mukaanda kuri bari Kolosayi 1:29

Mu bubwo se, me nyiri mu kubama, mu kwenwaana bunu buri makwa maandi, mari mu kwesala mu me, mu mpinu.

Musamu wamubwete watina Yowane 3:33

Wunde wataambula kimbaangi kya nde, wasiingisa ti Nzaambi ngaa-ngwanwa.

Biyiriki bya Bantumu 2:22

"Bari Isaheli, yukeenu maampu mamama: Yesu wa ku Nadzareti, Nzaambi wamusooriri mu kuyirika bimaangu, mya nkimukunu na bidiimbu mu ntoono beenu. Nzaambi wayirika byo mu nde ha kakati dya beetu, bunu bu luyaari beenu-meene

Musamu wamubwete watina Yowane 6:68

Simoni Petelo wabvutula ti: «Mfumu, kuri na beetu tukweende? Ye wuri na maampu ma kidziingu kya bibvu ngo bibvu,

Musamu wamubwete watina Luka 9:35

Mbeembu yapala kunsa tuti, yaleele ti: «Wumawu ngo Mwaana waami, wu nyiri nyasoolo, muywiileenu!»

Mukaanda kuri Bahebeleho 12:16

Yaa kuba muutu ti mosi, wakiyala bunu pe, wahele kwebvumina bitotolo byangisi, bunu Esawu wayarikiri bukuutu bwaandi mu kilaambu kimosi.

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

Mukaanda kuri Bahebeleho 4:11

Ngo, tubingikileenu mu kukoto mu mpuumunu yiyo, mpisi heki kuhele kuba muutu wubwa bwobumosi mu nko.

Mukaanda kuri bari Kolosayi 2:22

byobinso bibyo bikoofuuka mu kubisalila, bunu buri mangisi na nyikusulu dza baatu.

1 Kol 9:2

Mbuti mu bakaka me nyiri ntumu ko, lo mu beenu ngo bari me nyiri ntumu; bukuri beenu luri kinyemu kya kisalu kyaami kya buntumu mu Mfumu.

1 Kol 6:13

Byandya bya mwooyo biri, na mwooyo wa byandya, ngo Nzaambi sa katsyaamuna byobyoolo. Nyutu yiri ya buyala ko, ngo ya Mfumu, na Mfumu wa nyutu.

Mukaanda kuri bari Loma 4:11

Nde wataamburi kidiimbu kya nteendulu bubakala, bunu kinyemu kya ndulukulu yi kataamburi mu kanyi, ha kaba wakiri wahele kuteende bubakala, mpisi heki kaba taayi dya bobanso basaa kanyi, bakiri bubakala kuteende pe, kuri heki bo se, babamono bunu basuunguma.

Musamu wamubwete watina Yowane 15:24

Mbuti me mbee nyahele kusa biyiriki ha kakati dya bo, biri muutu ti mosi kayirikiri ko, baketyee kuba na masumu ko; ngo mu lu, bo bamwiini na banyaafuni me na Taayi dyaami.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 11:42

Me nyaari ti ye kooywiilaa me mantaangu momanso, ngo me nzoonsiri mu ntoono mpuumbu baatu yandyengekele, mpisi basa kanyi ti, ye waheeke me.»

Musamu wamubwete watina Yowane 8:18

Me nyita kimbaangi mu me-meene, na Taata wampeeke se wuta kimbaangi mu me.»

Musamu wamubwete watina Malako 9:7

Tuti dyayisa ha yulu bo, na dyabafuka mu mposi yaandi; na mono, mbeembu mosi yayukukuna mu tuti, yaleele ti: «Wumawu ngo Mwaana waami wa mutima, mu ywiileenu!»

Musamu wamubwete watina Malako 1:11

Mbeembu yayukukuna mu mayulu ti: «Ye ngo Mwaana waami wa mutima, me nyimonaa kiminu mu ye.»

Musamu wamubwete watina Matayi 17:5

Bu kaba wakiri mu kudzoonso, mono tuti dya buungi dyabafuka mu mposi yaandi, na mono, mbeembu mosi yayukukuna mu tuti, yaleele ti: «Wumawu ngo mwaana waami wa mutima, mu nde me nyimonaa kiminu, muywiileenu!»

Musamu wamubwete watina Matayi 3:17

Na mono, mbeembu ya nangukina ku mayulu yaleele ti: «Wumawu ngo mwaana waami wa mutima; mu nde me nyimonaa kiminu.»

Mukaanda wa Yakobo 1:11

Mukwongo, ntaangu yipariri na mwiini wamakwa, yikanisini kitiiti, kifulu kyaandi kisonokini na bubwete bubeeri na kifulu buwiiri. Bwobumosi se wa kisina sa kakuuka kunsa bisalu byaandi.

2 Kol 4:18

Beetu twahele kutala bitotolo bibyo byamonoko, ngo bibyo byahele kumonoko; bukuri bibyo byamonoko byahele kudziingula, ngo kasi bibyo byahele kumonoko, bidziingulaa kwakinkulu.

Musamu wamubwete watina Matayi 8:20

Yesu waleele kuri nde ti: "Mibaku miri na miduku, na banoni ba yulu bari na madzaansa; ngo kasi Mwaana muutu wahele na ha kusuusa mutu".

Musamu wamubwete watina Matayi 25:46

Na babo, sa beende ku nseembulu dzahele manunu, ngo kasi basuunguma ku kidziingu kyahele manunu.»

Musamu wamubwete watina Yowane 3:15

kuri heki, mpisi wumusiila kanyi kabaka kidziingu kyahele manunu.

Musamu wamubwete watina Yowane 6:47

Ngwanwa mu ngwanwa, me nyiluleele ti: wusa kanyi, lo wuri na kidziingu kyahele manunu.

Musamu wamubwete watina Yowane 6:53

Ha ngo Yesu wabvutula kuri bo ti: «Ngwanwa mu ngwanwa me nyiluleele, mbuti beenu lwahele kudya muswinyi Mwaana muutu, na lwahele kunwa makila maandi, lo lwahele kubaka kidziingu mu beenu-meene.

Musamu wamubwete watina Yowane 6:62

Heki mbuti, beenu lumwiini Mwaana muutu toombikiri ku yulu ku kaba?