Musamu wamubwete watina Yowane 5:46 - Musamu Wamubwete 2013

⁴⁶ Mukwongo, mbuti beenu lwasa kanyi mu Moose, lo beenu luketyee kusa kanyi mu me, bukuri mu ntoono ya me Moose kari katina.

Musamu wamubwete watina Yowane 5:46 Referans Kwoze

Musamu wamubwete watina Yowane 1:45

Filipo wabwaana Natanahele, wamuleele ti: «Beetu tumwiinyee wunde wuri Moose wuri, mu kudzoonsolo mu nde mu Mangisi, na mu babikiri, Yesu, mwaana Yosefi wa ku Nadzareti.»

Musamu wamubwete watina Luka 24:27

Nde ha kababangukula misamu mitariri nde-meene, miri mu Matinu momanso, kubandikila Moose natee mu babikiri.

Biyiriki bya Bantumu 26:22

Me Nzaambi wa bakisa me, natee mu kiluumbu ki. Me nyiri hamaha, mu kuta kimbaangi kuri bilesi na bakuutu. Babikiri na Moose bayaabisiri miyelemini kwiisa, minimyo se me nyiri mu kwetswiikisa.

Mukaanda kuri bari Ngalatya 3:24

Mu didyo, Mangisi maba mukebi weetu natee ha yisiri Kiristo, mpisi heki mu kanyi, tuba twalulukusu.

Mukaanda kuri bari Ngalatya 3:13

Kiristo watukuula mu mpopi ya Mangisi, bu kabwilikila mpopi mu ntoono beetu, bukuri dyatinu ti: «Mpisi wunde wu bari bamanika ha yulu muti, lo kabwilikila mpopi.»

Mukaanda kuri bari Ngalatya 3:10

Bobanso bari mwooyo mu biyiriki bya Mangisi, bari kunsa mpopi; bukuri dyatinu ti: «Mpisi wunde wahele kukwiikama, mu kukukisa momanso matinu mu mukaanda Mangisi, lo kaba kunsa mpopi.»

Mukaanda kuri bari Ngalatya 2:19

Mukwongo, mbuti mu mitariri Mangisi, lo me nyafwa mu Mangisi, mpisi heki me mba mwooyo mu Nzaambi. Me bayeki bankomono ha kuruwa kintwaari na Kiristo.

Mukaanda kuri bari Loma 10:4

Bukuri Kiristo ngo nsukulu ya mangisi, mu ntoono nsungumunu, ya mpisi wunde wusa kanyi.

Musamu wamubwete watina Yowane 5:47

Ngo mbuti lwahele kusiila kanyi mu ma kari katina nde, lo buri lusiila kanyi mu maampu ma me?»