Musamu wamubwete watina Yowane 5:44 - Musamu Wamubwete 2013

⁴⁴ Habaana beenu, nkeembu kutaambula yi lukwehelesene beenu na beenu, ngo lwahele kusaka nkeembu yifumunaa kuri Nzaambi yomosi, lo dyaburi beenu lutsiisa kusa kanyi?

Musamu wamubwete watina Yowane 5:44 Referans Kwoze

Musamu wamubwete watina Yowane 12:43

Bukuri bo babvuriri kutya munkeembu wa baatu ti na munkeembu wa Nzaambi.

Mukaanda kuri bari Loma 2:29

ngo Muyudayo, wa mansweeki; na nteendulu bubakala, ya mutima mu Mpeeve, nkani ka ya mu mukaanda ko. Wa bubwo wutaambula ndumusu ya Nzaambi nkani ka ya baatu ko.

Mukaanda kuri bari Filipo 2:3

Yaa lwesalila kunsa nwaanusunu ko, bunu pe mu nzala-kubila yabuunu ko, ngo kasi mu nkulukulu, holulee bambaasi bunu ti bo babvuriri na beenu.

Musamu wamubwete watina Matayi 23:5

Biyiriki bya bo byobinso kwesa mukuri ti baatu babatala. Bo bakweyirika bisweekulu bya maampu byabinene bi bakwelwaata, na bakwenonono maheengu ma binkuta.

1 Pet 1:7

Mpisi heki nsiitsulu ya kanyi dyeenu, yibvuriri ntalu, ti na woolo dyatsyeemese mu mbaawu kasi difuukaana, yibaka ndaandu ya nsiikulu, ya nkeembu na ya lukiinsu, mu ntaangu yiyabakana Yesu Kiristo.

1 Kol 4:5

Hango, yaa lutsuundisa muutu ko, tekesele ntaangu yitubuka, natee Mfumu wiisiri. Nde mbasi-tsuku wuyaabisa mansweeki mari ku mampimbisi, na kusoongo bitsimi bya mitima. Haho, mpisi muutu kataambula masiiku kuri Nzaambi.

Mukaanda kuri bari Loma 2:10

Ngo kasi nkeembu, lukiinsu na kiyeengi kuri bakweyirika mamabwe, dyatete kuri Muyudayo tumi kuri Muhelene;

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

Musamu wamubwete watina Luka 19:17

Mbyaasi waleele kuri nde ti: "Bwabubwe, ye kisari kyakibwe; ngo bukuri ye wabeeri wakwiikama mu byantele, me nyikuheeri lutumu ha yulu mabvula kuumi."

Mukaanda wa Yakobo 2:1

Bampaangi baami, yaa lusalila bubayi ko, mu kanyi di luri na dyo mu Yesu Kiristo, Mfumu yeetu ya nkeembu.

Mukaanda kuri Bahebeleho 3:12

Seenee madyeele, bampaangi, mpisi kuhele kuba mu beenu muutu ti mosi, wuba na mutima-bubi, wahele na kanyi, wutatuka na Nzaambi yamwooyo,

2 Kol 10:18

Mukwongo, kari wunde wusalaa mu ntumunu ya nde-meene bateela kimbaangi ko, ngo wunde wasala mu ntumunu ya Mfumu.

Musamu wamubwete watina Yowane 17:3

Kidziingu kya mantaangu mpmanso ngo kimaki: bayaaba ye, Nzaambi yomosi kitsu yangwanwa, na wunde wu wuri waheeke, Yesu Kiristo.

Musamu wamubwete watina Yowane 8:43

Bukuri nki beenu lwahele kubakula ma nyiluleele me? Buri beenu luri nzoonsulu me, kubakula pe? Bukuri beenu lwahele kubangisina kuyuka maampu maami.

Musamu wamubwete watina Yowane 3:20

Bukuri, mpisi wunde wuyirikaa mamabi wubelaa buungi, na wahele kwiisa kuri buungi, mu kubata kuri ti biyiriki bya nde biba byayabakana;

Musamu wamubwete watina Yowane 5:41

«Me nyahele kusaka kuri ti baatu bankeembese.

1 Tes 2:6

Beetu twasiiri saka masiiku mafumuna kuri baatu ko, mafumuna kuri beenu, bunu pe kuri bakimi ko.

1 Tim 1:17

Kuri Mbyaasi ya mantaangu momanso, yiri kafwaana ko, bamumonaa ko, Nzaambi yomosi kitsu, kuba lukiinsu na nkeembu mu bibvu ngo bibvu, Amene.

Mukaanda Yuda 1:25

kuri Nzaambi yomosi, Mubvuukisi weetu mu Yesu Kiristo, Mfumu yeetu, kuba nkeembu, bumfumu, makwa na lutumu, tekesele mantaangu momanso na mu lumalu natee bibvu byobinso, bunubwo! Amene.