Musamu wamubwete watina Yowane 5:20 - Musamu Wamubwete 2013

²⁰ Mukwongo, Taayi tiiri Mwaana, na wumusoongaa momanso ma kayirikaa nde-meene. Nde sa kamusoongo biyiriki bibvuriri bunene ti na bibyo, mpisi heki beenu lukimuka.

Musamu wamubwete watina Yowane 5:20 Referans Kwoze

Musamu wamubwete watina Yowane 3:35

Taayi tiiri Mwaana, na wayakisa byobinso mu myooko myaandi.

Musamu wamubwete watina Matayi 3:17

Na mono, mbeembu ya nangukina ku mayulu yaleele ti: «Wumawu ngo mwaana waami wa mutima; mu nde me nyimonaa kiminu.»

2 Pet 1:17

Mukwongo, nde wataamburi lukiinsu na nkeembu kuri Taata Nzaambi. Mbeembu yayukukuna kuri nde mu nkeembu yayinene ti: «Wumawu ngo mwaana waami wa mutima, mu nde me nyimonaa kiminu.»

Musamu wamubwete watina Yowane 17:26

Me nyabayaabisa nkuumbu yaaku, na me sa mbweese kubayaabisa, mpisi heki ntiilu yi wuri watiila me, yiba mu bo, na me se mu bo.»

Musamu wamubwete watina Yowane 15:15

Me nyahele kubweese kuluteele bisari, bukuri kisari kayaa bisaana mfumu yaandi ko. Me nyiluteele banduku, bukuri me nyaluyaabisiri myominso mi nyayikiri kuri Taayi dyaami.

Musamu wamubwete watina Yowane 14:12

Mu ngwanwa mu ngwanwa me nyiluleeriri, wusiila kanyi mu me, nde se sa kasa biyiriki binyiri mu kwesa me. Nde sa kasa na bibvuriri ti na bimabi, bukuri me nyikweende kuri Taata,

Musamu wamubwete watina Yowane 10:32

Yesu waleele kuri bo ti: «Biyiriki byalaka byabibwe byafumuna kuri Taata, me nyalusoongiri. Mu nkya kiyiriki mu byo, beenu lusaka kudzusila me mu matari?»

Musamu wamubwete watina Yowane 5:29

sa bapala mu mo, bayirikiri mamabwe sa beende ku mfulukulu ya bumwooyo, na bayirikiri mamabi ku mfulukulu ya mu mutsuundu.

Musamu wamubwete watina Yowane 5:25

Ngwanwa mu ngwanwa me nyiluleele ti: kilookolo kiri mu kwiisa na mu lumalu kimwaatubuka, kiri bafwa sa bayuka mbeembu ya Mwaana Nzaambi, na babo bayiyuka sa baba mwooyo.

Musamu wamubwete watina Yowane 5:21

Bunu bukoofulukisaa Taayi bafwa na kubasa bamwooyo, bunubwo se Mwaana wusaana wamwooyo wunde wu katiiri.

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.

Musamu wamubwete watina Luka 10:22

Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Musamu wamubwete watina Matayi 17:5

Bu kaba wakiri mu kudzoonso, mono tuti dya buungi dyabafuka mu mposi yaandi, na mono, mbeembu mosi yayukukuna mu tuti, yaleele ti: «Wumawu ngo mwaana waami wa mutima, mu nde me nyimonaa kiminu, muywiileenu!»

Musamu wamubwete watina Matayi 11:27

«Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Musamu wamubwete watina Matayi 4:8

Dyabulu wabweese kumunata ku yulu mulaandu nkati wadzaangama kwalaka, wamusoongo bimfumu byobinso bya nsi na nkeembu ya byo.