Musamu wamubwete watina Yowane 5:16 - Musamu Wamubwete 2013

¹⁶ Hango nkuumbu, Bayudayo bakwaamisa Yesu, bukuri nde wayirikiri mamo mu kiluumbu kya mpuumunu.

Musamu wamubwete watina Yowane 5:16 Referans Kwoze

Musamu wamubwete watina Yowane 15:20

Baambukeenu mwooyo mu maampu ma nyaluleeriri: "Kisari wahele kulutila bunene ti na mfumu yaandi." Mbuti bo bakwaamisini me, lo beenu se sa balukwaamisa; mbuti bakebiri maampu ma me, lo sa bakebe se na ma beenu.

Musamu wamubwete watina Yowane 10:39

[Haho] bo babweese kusaka kumusiimba, na nde wapatuka mu myooko mya bo.

Musamu wamubwete watina Yowane 7:25

Bari Yerusalemi bamosi baba leelaa ti: «Buri wumawu kari wu bari mu kusaka kudzusa ko?

Musamu wamubwete watina Yowane 5:13

Ngo wunde wu batsinikisi, waba wahele kuyaaba wunde na kari, bukuri Yesu waba weki kumonoko pe kunsa mpuumbu yaba haho.

Musamu wamubwete watina Luka 6:11

Ngo bo baluula mu nkesi, na basa nkalikisi bo na bo, mu kusaka ma bayirika mu Yesu.

Musamu wamubwete watina Malako 3:6

Bamanaa kupala, Bafarisi mu kilookolo kinikyo, basa mamfuundu na baatu ba Erode mu kusaka bwa kudzusila Yesu.

Musamu wamubwete watina Matayi 12:13

Hango, nde waleele kuri mubeeru kooko ti: «Laambula kooko kwaaku.» Nde walaambula kwo, na kwabaka butsiina bunu kooko kwakaka.

Musamu wamubwete watina Yowane 1:19

Kimaki ngo kimbaangi kya Yowane, mu ntaangu yiri Bayudayo ba ku Yerusalemi baheekiri [kuri nde] bangaanga-nzaambi, na bisari bya Nzo-nzaambi mu kumufuula ti: «Ye na wuri?»

Musamu wamubwete watina Yowane 5:10

Haho, Bayudayo baleele kuri muutu watsiinikini ti: «Lolo kiluumbu kya mpuumunu, ye wuri na miswa mya kwenata nkwaala yaaku ko."»

Musamu wamubwete watina Yowane 5:15

Muutu wunde wayende kweeyaabisa kuri Bayudayo ti: «Me Yesu wansinikisi.»

Musamu wamubwete watina Yowane 5:17

Ngo Yesu wabvutula kuri bo ti: «Taayi dya me wuri mu kwesala natee mu lumalu, me se nyiri mu kwesala.»

Musamu wamubwete watina Yowane 5:18

Ngo mu didyo Bayudayo babvula kusaka bwa kumudzusila, bukuri kari kini kiluumbu kya mpuumunu, kaba wahele kubvumina ko, ngo bukuri waba leelaa se ti Nzaambi Taayi dya nde, na nde wuri nsiisa na Nzaambi.

Musamu wamubwete watina Yowane 7:21

Yesu wabvutula na waleele kuri bo ti: «Kiyiriki kimosi me nsiiri, na beenu-banso lukimuka!