Musamu wamubwete watina Yowane 4:45 - Musamu Wamubwete 2013

⁴⁵ Hango, mu ntaangu yi katubukiri ku Ngalili, bari Ngalili bamubwaana, bukuri bo-meene baba bayende ku munkeembu, na bamwiini momanso ma kayirikiri nde ku munkeembu waba ku Yerusalemi.

Musamu wamubwete watina Yowane 4:45 Referans Kwoze

Musamu wamubwete watina Yowane 2:23

Yesu bu kaba ku Yerusalemi mu ntaangu ya munkeembu wa Paaka, baatu balaka basa kanyi mu nkuumbu yaandi, mu bu bamwiini bidiimbu bi kayirikiri.

Musamu wamubwete watina Yowane 3:2

Nde wayisa kumono Yesu mu butsuku, wamuleele ti: «Labi, beetu tuyaari ti ye Muyikisi wafumuna kuri Nzaambi, bukuri, kuri muutu wakuka mu kuyirika bidiimbu bi wuri mu kwesa ye ko, mbuti Nzaambi wahele kintwaari na nde.»

Musamu wamubwete watina Luka 9:53

Ngo kasi, babisa kumutaambula, bukuri nde waba talisa dya ku Yerusalemi.

Musamu wamubwete watina Luka 8:40

Mu ntaangu ya bvutukiri Yesu, mpuumbu yamubwaana; bukuri bobanso baba mukiingaana.

Musamu wamubwete watina Luka 13:1

Mu ntaangu yiyo, baatu bayisa kuri Yesu mu kumuyaabisa mamo mayirimini mu bari Ngalili, bari Pilato kabadzusaana, ha kasaangiri makila ma bo na ma bibulu byaha mu kikabu.

Musamu wamubwete watina Yowane 4:54

Kikyo kyaba kidiimbu kyamoono, kyabyoolo Yesu kayirikiri bu kafumini ku Yudaya, mu kweende ku Ngalili.