Musamu wamubwete watina Yowane 4:38 - Musamu Wamubwete 2013

³⁸ Me nyaluheekiri mu kweetolo bimbutu, mu nseke yiri kari beenu lwasariri ko; bakaka basariri yo, ngo beenu lwakotiri mu kisalu kya bo.»

Musamu wamubwete watina Yowane 4:38 Referans Kwoze

Musamu wamubwete watina Yowane 1:7

Nde wayisa mu ntoono kimbaangi, mpisi kata kimbaangi mu buungi, kuri heki baatu bobanso basa kanyi mu nde.

Biyiriki bya Bantumu 6:7

Maampu ma Nzaambi maba kwetsamikinana kwalaka, na lutaangu lwa bayiki lwaba kwefununa kwalaka ku Yerusalemi, na mpuumbu bisari bya mu Nzo-nzaambi yatumuma mu kanyi.

Biyiriki bya Bantumu 5:14

Ha yulu haho, mampuumbu ma babakala na ma bakyeetu, basa kanyi mu Mfumu, babweeseme.

Biyiriki bya Bantumu 4:4

Balaka bayukiri maampu basiiriri kanyi, na lutaangu lwa baatu [kampe] lwakuka mafuunda mataanu.

Biyiriki bya Bantumu 4:32

Mukwongo, mpuumbu ya basiila kanyi yaba mutima mosi, na muheebulu mosi; kuri muutu ko waba na bitotolo bwa nde-meene, ngo byobinso byaba bya ntwaari.

Biyiriki bya Bantumu 2:41

Hango, bo bu bataambula maampu maandi, bababotoko, na mu kiluumbu kikyo, kampe mafuunda matatu ma baatu mayikimini.

Musamu wamubwete watina Matayi 4:23

Tumi Yesu wayende mu Ngalili yoyinso, mu kweyikisa munsa manzo ma nkutukunu ma bo, na kweyaabisa Musamu Wamubwete wa Kimfumu, na kwetsinikisa mabeeru momanso, na bipfuumi byobinso bya baatu.

Musamu wamubwete watina Yowane 4:37

Bukuri, nkuma yi yiri yangwanwa: "Wunu wukuna, wakaka wutolo."

Musamu wamubwete watina Yowane 4:39

Balaka bari Samariya, ba ku bvula didyo, basiiri kanyi mu Yesu, mu ntoono maampu ma wa mukyeetu wateeri kimbaangi ti: «Nde yaabisiryee me momanso ma nyiri nyayirika.»

Musamu wamubwete watina Yowane 17:18

Bunu bu wuri wampeeke ha nsi, me se nyibaheeke ha nsi.

2 Kol 10:15

Beetu twahele kusa kimweese kya mansaalisi mu bisalu bya ŋani, ngo beetu turi na nsiitu ti kanyi dya beenu dihamisaana, lo kisalu kya beetu se sa kyahamisa kubuuka bunu buri kiteesu ki turi twatsima,