Musamu wamubwete watina Yowane 4:19 - Musamu Wamubwete 2013

¹⁹ Wa mukyeetu wabvutula, waleele ti: «Mfumu, me nyimono ti ye mubikiri.

Musamu wamubwete watina Yowane 4:19 Referans Kwoze

Musamu wamubwete watina Yowane 6:14

Baatu bu bamono bidiimbu bi kayirikiri nde, baleele ti: «Ngwanwa, wumawu Mubikiri wiisiryee ha nsi.»

Musamu wamubwete watina Luka 7:39

Mufarisi watumisini Yesu bu kamono bubwo watsima kunsa mutima ti: «Muutu wu ngo kabeeri mubikiri, nkani nketi kuyaaba mukyeetu wuri mu kumubelemene wumawu na kari, na nkya nzelu kari na yo, bukuri ngaa-masumu.»

Musamu wamubwete watina Yowane 9:17

Bafarisi babweese kuleele kuri muutu wunde ti: «Heki buri leeriri mu nde, bukuri wukudzibiryeenu miisu?» Nde wabvutula ti: «Mubikiri kari.»

Musamu wamubwete watina Luka 7:16

Bobanso boomo bwababwiilila, bakeembese Nzaambi, na baleele ti: «Mubikiri wamunene telemini ha kakati dya beetu!» Na ti: «Nzaambi wiisiri mu kubakisa baatu baandi!»

Musamu wamubwete watina Yowane 7:40

Kunsa mpuumbu, babamosi bayukiri maampu mamo, baleele ti: «Ngwanwa muutu wumawu Mubikiri kari!»

Musamu wamubwete watina Matayi 21:11

Mampuumbu makweleele ti: «Wu ngo Yesu, mubikiri wa ku Nadzareti, dya Ngalili.»

Musamu wamubwete watina Luka 24:19

Nde wafuula kuri bo ti: «Nki myo?» Bo bamuleele ti: «Mitariri Yesu wa ku Nadzareti, wabeeri mubikiri wampinu mu biyiriki na mu nzoonsulu, ha busu bwa Nzaambi, na ha busu bwa baatu bobanso.

Musamu wamubwete watina Yowane 4:29

«Waseenu lumono, muutu mosi wuyaabisiri me myominso mi nyiri nyayirika. Kampe wunde ngo Kiristo ko?»

Musamu wamubwete watina Yowane 4:18

Bukuri balumi bataanu, ye wabeeri na bo, na wu wuri na nde mu lumalu, kari mulumi ye ko. Yiyo ngwanwa ye leeriri.»