Musamu wamubwete watina Yowane 3:36 - Musamu Wamubwete 2013

³⁶ Wunde wusa kanyi mu Mwaana wuri na kidziingu kyahele manunu; ngo kasi wubisa kusa kanyi mu Mwaana, kabaka kidziingu ko, ngo kasi nkesi dza Nzaambi dzibwa ha yulu nde.»

Musamu wamubwete watina Yowane 3:36 Referans Kwoze

Musamu wamubwete watina Yowane 5:24

«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.

Musamu wamubwete watina Yowane 1:12

Ngo kuri bobanso bamutaambula, nde wabaha lutumu lwa kuba baala ba Nzaambi, kuri babo basa kanyi mu nkuumbu yaandi,

1 Tes 5:9

Bukuri Nzaambi kasiiri kututaasila mu kubwilikila nkesi ko, ngo kutaambula mvuukulu mu Mfumu yeetu Yesu Kiristo.

Mukaanda kuri bari Efeso 5:6

Yaa kuba muutu wuluwuna mu misamu myahele mufunu ko, bukuri mu mimyo nkesi dza Nzaambi dzikwiisaana ha yulu baala ba nko.

Mukaanda kuri bari Loma 5:9

Hango mu lumalu, bu tweki twalulukusu mu makila maandi, lo dibvuriri bubwete diri nde sa katubvuukisa mu nkesi dza Nzaambi.

Musamu wamubwete watina Yowane 8:51

Ngwanwa mu ngwanwa me nyiluleele: Mbuti muutu kebiri maampu maami, lo nde kamono mfwiilu ya mibvu ngo mibvu ko.»

Musamu wamubwete watina Yowane 10:28

Me nyiha kidziingu kyahele manunu kuri byo, byo biri mfwiilu ko kwakinkulu, na kuri muutu wubipfula mu myooko mya me ko.

Musamu wamubwete watina Yowane 3:3

Yesu wabvutula na waleele kuri nde ti: «Ngwanwa mu ngwanwa, me nyikuleele ti, mbuti muutu wahele kubutuka mbutukulu yamoono, lo kabangusina kumono Kimfumu kya Nzaambi ko»

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

1 Tes 1:10

na mu kwekiingila Mwaana waandi wufumuna ku mayulu, wu kafulukisi mu bafwa, Yesu, nde wutukuula mu nkesi dzikwiisa.

Mukaanda kuri bari Ngalatya 3:10

Bobanso bari mwooyo mu biyiriki bya Mangisi, bari kunsa mpopi; bukuri dyatinu ti: «Mpisi wunde wahele kukwiikama, mu kukukisa momanso matinu mu mukaanda Mangisi, lo kaba kunsa mpopi.»

Mukaanda kuri bari Loma 8:1

Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

Musamu wamubwete watina Luka 3:6

Na baatu bobanso, sa bamono mvuukulu ya Nzaambi.»

Mukaanda kuri Bahebeleho 10:29

Heki lo buri beenu lutsima bubeele bunene bwa maseembu, ma baha kuri wunde wusaana Mwaana Nzaambi, wunyaafuna makila ma lulelusunu ma kari kabakala bungisi, na kutuka Mpeeve ya bweese?

Mukaanda kuri Bahebeleho 2:3

Ngo dyaburi beetu tubvuukila, mbuti tunyaafuni mvuukulu yayinene yiyo, yiri Mfumu wabaandikiri kuyaabisa, tumi babo bayukiri beki tswiikisa kuri beetu,

Mukaanda kuri bari Loma 4:15

Mukwongo, mangisi mabutaa nkesi; haho hahele mangisi, lo halele se kusinina kwa mo.

Musamu wamubwete watina Luka 2:30

Bukuri miisu myaami mimwiini mvuukulu ye,

Musamu wamubwete watina Matayi 25:46

Na babo, sa beende ku nseembulu dzahele manunu, ngo kasi basuunguma ku kidziingu kyahele manunu.»

Musamu wamubwete watina Malako 16:16

Wunde wusiila kanyi, na wutaambula mbotokulu sa kabvuuka, ngo wunde wuhele kusiila kanyi sa bamukesele mukanu.

Musamu wamubwete watina Yowane 4:36

Mutori bimbutu bakiri mufutu waandi, na kutukisi bimbutu mu ntoono kidziingu kyahele manunu, kuri heki mukuni na mutori bakeembe mu kintwaari.

Musamu wamubwete watina Yowane 6:58

Yimayi ngo mpa yafumuna ku yulu, yahele kuba bunu ya diiri bataayi ba beenu, na bo bafwiiri. Wunde wudya mpa yi, sa kaba mwooyo mu bibvu ngo bibvu.»

Biyiriki bya Bantumu 14:2

Ngo kasi Bayudayo, bari basii sa kanyi ko, basinda bangooyi mu kusa bubi kuri bampaangi

Mukaanda kuri Bahebeleho 3:18

Kuri ba na nde kalabiri ti: «Bo ka bakoto mu mpuumunu yaandi ko», mbuti ka kuri babo basiiri nko ko?

Mukaanda kuri Bahebeleho 3:19

Na beetu tumono ti bo basii kubangisina kukoto ko, mu ntoono kuhele kwa kanyi.