Musamu wamubwete watina Yowane 3:18 - Musamu Wamubwete 2013

¹⁸ Mpisi wusa kanyi mu nde, lo wahele kuba watsuundusu; ngo kasi wuhele kusa kanyi mu nde, lo weki watsuundusu, bukuri nde wahele kusa kanyi mu nkuumbu ya Mwaana Nzaambi ndemosi.

Musamu wamubwete watina Yowane 3:18 Referans Kwoze

1 Yow 5:10

Wunde wusiilaa kanyi mu Mwaana Nzaambi, wuri na kimbaangi mu nde-meene. Wunde wuhelaa kusiila kanyi mu Nzaambi, lo wusanaa kuri ti Nzaambi kaba ngaa-mpya, bukuri wahele kutaambula kimbaangi kya Nzaambi, ki kari kata mu Mwaana waandi.

Musamu wamubwete watina Malako 16:16

Wunde wusiila kanyi, na wutaambula mbotokulu sa kabvuuka, ngo wunde wuhele kusiila kanyi sa bamukesele mukanu.

Mukaanda kuri bari Loma 8:1

Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

Musamu wamubwete watina Yowane 5:24

«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.

1 Yow 5:12

Wunde wuri na Mwaana, wuri na kidziingu; wunde wahele na Mwaana Nzaambi, wahele na kidziingu.

Musamu wamubwete watina Yowane 3:36

Wunde wusa kanyi mu Mwaana wuri na kidziingu kyahele manunu; ngo kasi wubisa kusa kanyi mu Mwaana, kabaka kidziingu ko, ngo kasi nkesi dza Nzaambi dzibwa ha yulu nde.»

Mukaanda kuri bari Loma 5:1

Ngo twayeki twaluulukusu mu kanyi, turi kiyeengi na Nzaambi, mu Mfumu yeetu Yesu Kiristo;

1 Yow 4:9

Bumabu ntiilu ya Nzaambi yiri yayabakana ha kakati dya beetu: nde waheeke Mwaana waandi ndemosi mu nsi, mpisi heki tuba mwooyo mu nde.

Mukaanda kuri bari Loma 8:34

Na wubakesele mukanu? Kiristo Yesu wafwiiri, ha yulu haho se wafulukiri, wuri ha lubakala lwa Nzaambi, na wuri mu kutunwaanikinaa mu lusaambulu.

Musamu wamubwete watina Yowane 20:31

bimabi babitinini, mu kuri ti beenu lusa kanyi ti Yesu ngo Kiristo, Mwaana Nzaambi, na mpisi heki mu nsiilu kanyi, beenu lubaka kidziingu mu nkuumbu yaandi.

Musamu wamubwete watina Yowane 6:47

Ngwanwa mu ngwanwa, me nyiluleele ti: wusa kanyi, lo wuri na kidziingu kyahele manunu.

Musamu wamubwete watina Yowane 6:40

Kutya kwa Taayi dyaami kuri ti, wunde wumono Mwaana na wusa kanyi mu nde, kabaka kidziingu kyahele manunu, na me sa nyamufulukisa mu kiluumbu kya manunu.»

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.

Mukaanda kuri Bahebeleho 2:3

Ngo dyaburi beetu tubvuukila, mbuti tunyaafuni mvuukulu yayinene yiyo, yiri Mfumu wabaandikiri kuyaabisa, tumi babo bayukiri beki tswiikisa kuri beetu,

Mukaanda kuri Bahebeleho 12:25

Seenee madyeele, mu kuhele kubisa kuyuka wunde wudzoonso. Bukuri mbuti, babo babisiri kuyukula wunde waba balubulaana ha butoto, basii bvuuka mu nseembulu ko, lo beetuneenu se, tubvuuka mu nseembulu ko, mbuti tubisiri kuywiila wunde wudzoonso ku mayulu.

Musamu wamubwete watina Yowane 1:12

Ngo kuri bobanso bamutaambula, nde wabaha lutumu lwa kuba baala ba Nzaambi, kuri babo basa kanyi mu nkuumbu yaandi,

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

Mukaanda kuri Bahebeleho 3:19

Na beetu tumono ti bo basii kubangisina kukoto ko, mu ntoono kuhele kwa kanyi.

1 Yow 3:23

Lumalu ngo lutumu lwaandi: ti beetu tusa kanyi mu Mwaana waandi, Yesu Kiristo, na tutilisinee beetu na beetu, bunu bu kari katuha lutumu.