Musamu wamubwete watina Yowane 21:15 - Musamu Wamubwete 2013

¹⁵ Bamanaa kudya, Yesu wafuula kuri Simoni Petelo ti: «Simoni, mwaana Yowane, buri ye bvuriri kutya me ti na bamaba?» Nde wabvutula kuri nde ti: «Heehe Mfumu, ye yaari ti me nyikutiiri». Nde wamuleele ti: «Diisila baala ba bimeeme bya me.»

Musamu wamubwete watina Yowane 21:15 Referans Kwoze

Mukaanda kuri bari Loma 15:1

Beetuneenu turi na makwa, tuyelemini kukuunda bubolo bwa babo bahele na makwa, na kuhele kweyirika mabweeye kuni kuri beetu-meene.

1 Yow 4:19

Beetu tutyaanaa, bukuri nde watete watutiiri.

1 Pet 1:8

Beenu lutiiri wunde wuri lwasii kumumono ko, na mu lumalu kwahele kumumono lwasa kanyi mu nde. Beenu luri mu kutirimuka mu kiminu kyahele bwa kuleelele, kya nkeembu,

Mukaanda kuri bari Efeso 6:24

Bweese buba kuri bobanso, batyaanaa Mfumu yeetu Yesu Kiristo, mu ntiilu yiri yabiiyaa ko.

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

1 Yow 5:1

Mpisi wunde wusa kanyi ti Yesu ngo Kiristo, lo nde wabutuka kuri Nzaambi, na mpisi wunde wutiiri mubuti, lo katya se wabutuka kuri nde.

Musamu wamubwete watina Yowane 16:27

mukwongo nde-meene Taata wulutiiri, bukuri beenu lutiiri me, na luri na kanyi ti me nyapalila mu Nzaambi.

1 Pet 2:25

Mukwongo, beenu lwaba bunu bimeeme bikweyiima; ngo kasi mu lumalu, lumwaabvutuka kuri mutari na mukebi miheebulu myeenu.

Mukaanda kuri Bahebeleho 4:13

Kwahele kiyiriki ti kimosi kyahele kumonokono ha busu bwaandi, byobinso biri mpene na byayalulu ha miisu myaandi, kuri nde mbasi-tsuku tuyalimina mabuungu.

Musamu wamubwete watina Luka 22:32

Ngo me nsambirye mu ye, mpisi heki kanyi dya ye dihele kubwa; ngo ye bu wubweese kubvutuka, lo kumisa bampaangi baaku.»

Mukaanda kuri Bahebeleho 13:20

Hemese Nzaambi ya kiyeengi, wafulukisi mu bafwa Mfumu yeetu Yesu, mutari wamunene, mu ntoono makila ma lulelusunu lwa na mu mantaangu momanso,

Mukaanda kuri bari Loma 14:1

Taambulee wunde wuri na bubolo mu kanyi, kwahele kusaana ma kakweleele.

Musamu wamubwete watina Matayi 16:17

Yesu wabweese kuleele kuri nde ti: «Ye wuri mu kiminu, Simoni mwaana Bariyoona; kari muswinyi na makila ko bikuyaabisiri dyo; ngo Taayi dyaami diri mu mayulu wukuyaabisiri dyo.

Nyabusulu ya Yowane 2:23

lo me sa nzusa baala ba nde wa mukyeetu. Na mabuundu momanso sa bayaaba ti, me ngo nyikengisaa bitsimi na manzala, na sa bvutula kuri muutu-muutu mu beenu, bunu buri biyiriki byaandi.»

1 Pet 2:2

Bunu mwaa-baala bansoombo, dilileenu beene dyadibwete, dya maampu ma Nzaambi, mpisi heki mu nde beenu lubuuka mu kubaka mvuukulu,

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

Musamu wamubwete watina Yowane 21:12

Yesu waleele kuri bo ti: «Wasee ludya.» Ngo kuri ti mosi ko mu bayiki, watsiitsiri mu kumufuula ti: «Ye na?» Bukuri baba bayaaba ti wu Mfumu.

Musamu wamubwete watina Yowane 21:7

Ngo muyiki wunde, wuri Yesu waba mutyaanaana waleele kuri Petelo: «Wu Mfumu!» Simoni Petelo bu kayuka ti: «Wu Mfumu», walwaata kinkuta, bukuri waba kimpene, na wadumuka munsa mubu.

Musamu wamubwete watina Matayi 18:10

«Talee kweenu ka lukwiisa kunyaafuna ti mosi mu mwaa bilesi bimabi; bukuri me nyiluleele ti, bambasi ba bo mu mayulu bakyeesaa kidziri kya Taayi dyaami, diri mu mayulu.» [

Mukaanda kuri bari Efeso 4:14

Haho lo tubweese kuba baala, banyingusu na bakweyende mu mpisi kiteembu kya nyikusulu dza kimpa kya baatu, mu lupyelu lwa bo ko, na mu mawunu na lumvuki lwa bo.

1 Kol 8:11

Mukwongo, mu ntoono nyaabulu ya ye, muutu wuri na buyonsi lo dziimbiri, mpaangi yiyo yiri Kiristo wamufwiila.

Musamu wamubwete watina Yowane 8:42

Yesu waleele kuri bo ti: «Mbuti Nzaambi beeri Taayi dya beenu, nkani beenu luketyee kutya me, bukuri me nyapalila mu Nzaambi, na kuri nde me mfumini, me nyahele kwiisikila mu me-meene, ngo nde wampeeke.

Musamu wamubwete watina Malako 14:29

Ngo kasi, Petelo waleele kuri nde ti: «Ti hayuku bobanso babwiiri, lo me nyibwa ko.»

Musamu wamubwete watina Luka 12:32

Yaa ba na boomo ko mwaa-mpuumbu, bukuri Taayi dyeenu wamwiini ti bwabubwete mu kuluha Kimfumu.

Musamu wamubwete watina Matayi 10:37

Mpisi wunde wubvula kutya taayi, bunu pe nguri yaandi ti na me, lo wahele kuyelemene kuba wa me. Mpisi wubvula kutya mwaana waandi wa mubakala bunu pe wa mukyeetu ti na me, lo wahele kuyelemene kuba wa me.

Musamu wamubwete watina Yowane 13:37

Petelo waleele kuri nde ti: «Mfumu, bukuri nki, me lo nyahele kubangisina kunama ye mu lumalu? Me sa nyekele kidziingu kya me, mu ntoono ye!»

Musamu wamubwete watina Yowane 1:42

Nde wamunata kuri Yesu. Yesu bu kamutala, waleele ti: «Ye ngo Simoni, mwaana Yowane, ye sa bakuteele mu nkuumbu ya Kefa» mbangukulu ti «Petelo».

Musamu wamubwete watina Matayi 26:35

Petelo waleele kuri nde ti: «Ti hayuka dya kufwa kintwaari na ye, lo me nyiri ntunina ye ko.» Bayiki bobanso se baleele bunubwo.

Musamu wamubwete watina Matayi 26:33

Petelo wabvutula, waleele kuri nde ti: «Ti hayuku bobanso babwiiri mu ntoono ye, me ka nyiri mbwiila ko.»

Biyiriki bya Bantumu 20:29

Me nyaari ti ha mambisa ma nyendukulu me, kunsa beenu bambulu bari na kibakala sa bakoto, na babvuukisa mpuumbu bimeeme ko,