Musamu wamubwete watina Yowane 20:30 - Musamu Wamubwete 2013

³⁰ Hango, Yesu wabweese kuyirika bidiimbu bikimi byalaka, ha busu bwa bayiki [baandi], byahele kutina mu mukaanda wumawu;

Musamu wamubwete watina Yowane 20:30 Referans Kwoze

Musamu wamubwete watina Yowane 21:25

Yesu misamu myalaka kasiiri. Mbuti haba mu kumitina mosi na mosi, nkani me nyitsima ti nsi yansiina yaketi kubaka kibeendu kya kusuusa mikaanda ko.

1 Yow 5:13

Me nyalutinini mamo mpisi luyaaba ti, beenu lusiila kanyi mu nkuumbu Mwaana Nzaambi, luri na kidziingu kya mantaangu momanso.

1 Kol 10:11

Misamu mimyo myayirimini mu bo, mpisi miba kifwaani, na miri myatinu mu kuba nyikusulu kuri beetu, bari tweki mu mantaangu ma manunu.

Mukaanda kuri bari Loma 15:4

Mukwongo, momanso ma batekisiri kutina, bamatinini mu ntoono nyikusulu ya beetuneenu, mpisi heki, tubaka nsiitu mu kifiki na mu nsyamusunu ya Matinu.

Musamu wamubwete watina Yowane 2:11

Yesu bubwo kari kabandukila kuyirika bimaangu, ku Kana mu nkoonsi ya Ngalili. Nde wasoongo nkeembu yaandi, na bayiki baandi basa kanyi mu nde.

Musamu wamubwete watina Yowane 6:2

Mpuumbu yayinene yaba kwemunamaana, bukuri baatu baba kwemonaana bidiimbu bi kaba kweyirikaana mu babeeru.