Musamu wamubwete watina Yowane 20:29 - Musamu Wamubwete 2013

²⁹ Yesu waleele kuri nde ti: «Bukuri ye mwiini me, ye siiri kanyi? Kiminu kuri bari bahele kumono, ngo basiila kanyi!»

Musamu wamubwete watina Yowane 20:29 Referans Kwoze

1 Pet 1:8

Beenu lutiiri wunde wuri lwasii kumumono ko, na mu lumalu kwahele kumumono lwasa kanyi mu nde. Beenu luri mu kutirimuka mu kiminu kyahele bwa kuleelele, kya nkeembu,

2 Kol 5:7

bukuri beetu mu kanyi turi mu kwedyaatila, nkani ka mu mwiinunu ko.

Mukaanda kuri Bahebeleho 11:1

Kanyi ngo nsiitu mu bitotolo bi bakookiingaa, bitotolo bya nsiitu, nkangumunu yangwanwa mu bitotolo bi bahele kumono.

Mukaanda kuri Bahebeleho 11:27

Mu kanyi, nde wasisa Ngipiti, kwahele kubata nkesi dza mbyaasi; bukuri nde waba wateleme na keketee, bunu muutu wuri mu kumono wunde wuri bamumonaa ko.

Musamu wamubwete watina Luka 1:45

Kiminu kuri wunde wasa kanyi ti, misamu myaleele Mfumu mu nde, sa myayirima.»

Musamu wamubwete watina Yowane 4:48

Yesu wamuleele ti: «Mbuti beenu lwahele kumono bidiimbu na bimaangu, lo beenu lwahele kusiila kanyi!»

Musamu wamubwete watina Yowane 20:8

Haho, muyiki wakaka, watubukiri watete ku mukala nde se wakoto, wamono na wasa kanyi.

Mukaanda kuri Bahebeleho 11:39

Bobanso babateeriri kimbaangi kya kyakibweete, mu ntoono kanyi dyaaku, kwahele kutaambula bi babasiiriri lusiilulu.

Musamu wamubwete watina Matayi 13:16

«Kiminu kiri na beenu bukuri miisu myeenu mikwemono, na makutu meenu makweyuka.

Musamu wamubwete watina Yowane 20:28

Toma wabvutula na waleele kuri nde ti: «Mfumu yaami na Nzaambi yaami.»