Musamu wamubwete watina Yowane 2:16 - Musamu Wamubwete 2013

¹⁶ na waleele kuri babo ba bayarikaana mabeembe ti: «Yisileenu bimabi ha kibeendu ki! Yaa lusa nzo Taayi dya me, nzo mumbungu ko.»

Musamu wamubwete watina Yowane 2:16 Referans Kwoze

Musamu wamubwete watina Matayi 21:13

Yesu waleele kuri bo ti: «Diri dyatinu: "Nzo yaami sa bateele, yo nzo lusaambulu." Ngo kasi beenu lumwaasa yo, ntari bangaa-bumfuna.»

Musamu wamubwete watina Malako 11:17

Nde wabayikisa wabaleele ti: «Diri dyatinu ti: "Nzo yaami sa bayiteele ti nzo lusaambulu ya makaanda momanso." Ngo Beenu lumwaasa yo, ntari bangaa-bumfuna.»

Musamu wamubwete watina Luka 2:49

Ngo Yesu wabvutula kuri bo ti: «Nki luri mu kwensakila? Buri beenu luyaa ko ti, me nyelemini kunama misamu mya taayi dyaami?»

2 Pet 2:3

na mu ntiki-mboongo, mu dzoonsolo dza lupyelu bo sa babadiilila manene. Kuri bo kuholosono na kidzika, mutsuundu wuri mu kwesala, na mfukusulu yaaku yahele kubwa tolo.

Musamu wamubwete watina Yowane 5:17

Ngo Yesu wabvutula kuri bo ti: «Taayi dya me wuri mu kwesala natee mu lumalu, me se nyiri mu kwesala.»

1 Tim 6:5

mayumu mahele kuwa ma baatu ba biwulu, bari madyeele mamabi, na bahele na ngwanwa, bakwetsima ti kinzaambi nzila ya kubakila ndaandu.

Musamu wamubwete watina Yowane 20:17

Yesu waleele kuri nde: «Yaa belemene me ko! Bukuri me nyakiri kutoomboko pe kuri Taata; ngo kasi yende kuri bampaangi ba me, na leele kuri bo ti: Me ntoombokiri kuri Taayi dyaami, na Taayi dya beenu, na Nzaambi yaami na Nzaambi yeenu.»

Musamu wamubwete watina Yowane 10:29

Taata wampa byo, bvuriri makwa na myominso; kuri muutu ti mosi ko wupfula byo mu myooko mya Taata.

Musamu wamubwete watina Yowane 8:49

Yesu wabvutula ti: «Me nyiri na mpeeve yayibi ko, ngo me nyiri mu kukiinsa Taayi dyaami, na beenu lwahele kukiinsa me.

Musamu wamubwete watina Matayi 21:12

Bu kakoto mu Nzo-Nzaambi, nde wabinga bobanso baba yarikaana na baba suumbaana munsa Nzo-nzaambi, wabwiisa mataabala ma baba yiingaana mboongo, na bidzakukulu bya baba yarikikaana mabeembe.

Musamu wamubwete watina Matayi 22:5

Ngo babo babateeriri mbila banyaafuna mbila na bayende kwaaku, wamosi ku nseke yaandi; wakaka ku mumbungu waandi kusala.

Musamu wamubwete watina Yowane 2:15

Yesu bu kayirika lukwaasulu lwa misiinga, wabinga bobanso mu Nzo-nzaambi, na bimeeme, na bangoombo, na watsaamuna mboongo dza bayiingisa na waseengele mataabala;