Musamu wamubwete watina Yowane 2:11 - Musamu Wamubwete 2013

¹¹ Yesu bubwo kari kabandukila kuyirika bimaangu, ku Kana mu nkoonsi ya Ngalili. Nde wasoongo nkeembu yaandi, na bayiki baandi basa kanyi mu nde.

Musamu wamubwete watina Yowane 2:11 Referans Kwoze

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Musamu wamubwete watina Yowane 3:2

Nde wayisa kumono Yesu mu butsuku, wamuleele ti: «Labi, beetu tuyaari ti ye Muyikisi wafumuna kuri Nzaambi, bukuri, kuri muutu wakuka mu kuyirika bidiimbu bi wuri mu kwesa ye ko, mbuti Nzaambi wahele kintwaari na nde.»

Musamu wamubwete watina Yowane 6:2

Mpuumbu yayinene yaba kwemunamaana, bukuri baatu baba kwemonaana bidiimbu bi kaba kweyirikaana mu babeeru.

Musamu wamubwete watina Yowane 6:30

Haho bo baleele kuri nde ti: «Heki ye nkya kidiimbu wusa, mpisi heki beetu tumono na tusiila kanyi mu ye? Nkya kiyiriki wusa?

Musamu wamubwete watina Yowane 6:26

Yesu wabvutula kuri bo ti: «Ngwanwa mu ngwanwa me nyiluleele ti, beenu luri mu kwesaka me kari bukuri lwamwiini bidiimbu ko, ngo bukuri lwadiiri mampa na lwayukutiri.

Musamu wamubwete watina Yowane 6:14

Baatu bu bamono bidiimbu bi kayirikiri nde, baleele ti: «Ngwanwa, wumawu Mubikiri wiisiryee ha nsi.»

2 Kol 4:17

Mukwongo, mpasi dzeetu dzaleenge mu ntaangu yi, dziri mu kubuta kilemu kya nkeembu ha yulu nkeembu, yahele manunu kuri beetu.

Musamu wamubwete watina Yowane 14:13

na mamo ma luloombo mu nkuumbu ya me, me sa nyayirika mo, mpisi heki Taata kaba wakeembusu mu Mwaana.

Musamu wamubwete watina Yowane 12:41

Esaya waleele bubwo, bukuri nde wamwiini munkeembu Yesu, na wadzoonsolo mu ntoono nde.

Musamu wamubwete watina Yowane 12:37

Nde wayirika bidiimbu byalaka ha busu bwa bo, ngo bahele kumusiila kanyi,

Musamu wamubwete watina Yowane 2:23

Yesu bu kaba ku Yerusalemi mu ntaangu ya munkeembu wa Paaka, baatu balaka basa kanyi mu nkuumbu yaandi, mu bu bamwiini bidiimbu bi kayirikiri.

Musamu wamubwete watina Yowane 1:50

Yesu wabvutula na waleele kuri nde ti: «Bukuri me nyikuleeriri ti me nyikumwiinyee ha mposi mungenge, ngo ye siiri kanyi? Ye sa mono mabvuriri bunene ti na mamo.»

1 Yow 5:13

Me nyalutinini mamo mpisi luyaaba ti, beenu lusiila kanyi mu nkuumbu Mwaana Nzaambi, luri na kidziingu kya mantaangu momanso.

Musamu wamubwete watina Yowane 4:46

Nde wabweese kubvutuka ku Kana mu nkoonsi ya Ngalili, ku kakitiri maampa mu malu. Kukwo kwaba kisari bya mbyaasi kimosi, kiri mwaana waba wabeele ku Kafarnawumi.

Musamu wamubwete watina Yowane 5:23

mpisi heki bobanso bakiinsa Mwaana bunu bu bakiinsa Taayi. Wunde wahele kukiinsa Mwaana, lo wahele kukiinsa se Taayi dyamuheeke.»

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

2 Kol 3:18

Beetu-banso bari busu bwahele kufuka nsaanda, nkeembu ya Mfumu yiri mu kuseme mu beetu, bunu ti mu lumweenye, mu kifwaani kikyo turi twakituka mu nkeembu na nkeembu, mu Mfumu wuri Mpeeve.

Musamu wamubwete watina Yowane 11:15

Ngo me nyiri na kiminu mu beenu bukuri me bee nyahele kuba kukwo, mpisi heki beenu lusiila kanyi. Ngo kasi tweendee kuri nde.»

Musamu wamubwete watina Yowane 1:17

mukwongo bukuri mangisi mayisikila mu Moose, bweese na ngwanwa byayisikila mu Yesu Kiristo.

Musamu wamubwete watina Yowane 1:43

Ha mambisa ma kiluumbu kikyo, Yesu waŋana kweende ku Ngalili. Nde wabwaana Filipo na wamuleele ti: «Nama me.»

Musamu wamubwete watina Yowane 2:1

Mu kiluumbu kya bitatu, kwaba makweele ku Kana, mu nkoonsi ya Ngalili. Nguri Yesu waba hanaho.

Musamu wamubwete watina Yowane 4:3

nde wayisika ku Yudaya na wabweese kubvutuka ku Ngalili.

Musamu wamubwete watina Yowane 4:54

Kikyo kyaba kidiimbu kyamoono, kyabyoolo Yesu kayirikiri bu kafumini ku Yudaya, mu kweende ku Ngalili.

Musamu wamubwete watina Yowane 7:31

Kunsa mpuumbu, baatu balaka basii kanyi mu nde na baba leelaa ti: «Mbasi-tsuku ha kwiisa Kiristo, tumi kahele kuyirika bidiimbu bibvuriri bunene na bi mwaayirika wu?»

Musamu wamubwete watina Yowane 9:16

Bafarisi babamosi baleele ti: «Wunde kari muutu wafumuni kuri Nzaambi ko, bukuri nde wahele kubvumina kiluumbu kya mpuumunu.» Ngo kasi bakaka baleele ti: «Muutu wuri na masumu, lo bangusini kuyirika bidiimbu bya bumabu?» Haho nkabunu yakoto mu bo.

Musamu wamubwete watina Yowane 10:41

Baatu balaka bayende kuri nde, na baleele ti: «Yowane kasii yirika kidiimbu ti kimosi ko; ngo kasi momanso ma kaleeriri mu muutu wumawu mangwanwa.»

Musamu wamubwete watina Yowane 11:47

Hango bakuutu ba bangaanga-nzaambi bakutukina na kikuutu kya Bayudayo, baleele ti: «Nki tuseeneenu, bukuri muutu wumawu, wuri mu kwesa bidiimbu byalaka!

Musamu wamubwete watina Yowane 12:18

Hango nkuumbu, mpuumbu [se] yayisa mu kumubwaana, bukuri bayukiri ti: nde wayirikiri kidiimbu kikyo.

Musamu wamubwete watina Yowane 16:27

mukwongo nde-meene Taata wulutiiri, bukuri beenu lutiiri me, na luri na kanyi ti me nyapalila mu Nzaambi.

Musamu wamubwete watina Yowane 16:30

Mu lumalu, beetu tuyaari ti ye yaari myominso, na wahele na nzala ti, muutu kakufuula. Mu didyo, beetu turi na kanyi ti, ye wapalila mu Nzaambi.»