Musamu wamubwete watina Yowane 19:11 - Musamu Wamubwete 2013

¹¹ Yesu wabvutula [kuri nde] ti: «Ye wuri na lutumu ti lumosi ha yulu me ko, mbuti bahele kukuha lwo ku mayulu. Hango nkuumbu, wunde wuyekiri me kuri ye, wuri na sumu dibvuriri bunene.»

Musamu wamubwete watina Yowane 19:11 Referans Kwoze

Mukaanda kuri bari Loma 13:1

Mpisi muutu kaba watumuma kuri batumi ba kikuutu. Bukuri kwahele lutumu, mbuti kari lwafumuna kuri Nzaambi ko. Ntumu dzodzinso Nzaambi wadzisuusa.

Musamu wamubwete watina Yowane 3:27

Yowane wabvutula na waleele ti: «Muutu kari ntaambula kitotolo ti kimosi ko, mbuti yulu dyahele kumuha kyo.

Biyiriki bya Bantumu 2:23

Muutu wunde, bunu bwaba nzeengulu na nyaabulu ya Nzaambi, wayekulu mu myooko mya bahele na mangisi, bamudzusa mu kumukomono ha kuruwa.

Biyiriki bya Bantumu 3:13

Nzaambi ya Abalaami, [Nzaambi] ya Isaki, na [Nzaambi] ya Yakobe, Nzaambi ya bataayi beetu, keembisiri kisari kyaandi Yesu, wu lwayekiri, na wu lwatunini beenu ha busu bwa Pilato, koomosoko nde waba watsima kumupatula;

Musamu wamubwete watina Yowane 7:30

Bo baba kwesakaana bwa kumusiimbila, ngo muutu ti mosi kasii kumubelemene ko, bukuri kilookolo kya nde, kyaba kyakiri kutubuka pe.

Mukaanda wa Yakobo 1:17

Mpisi kikabu kyakibwete, na mpisi kimbwanga kyayirima, lo kya ku yulu, kifumunaa kuri taayi dya buungi, kuri nde kwahele nsobokoso na mposi yayiinga kibeendu ko.

Musamu wamubwete watina Matayi 6:13

Yaa tunata mu nsindukulu ko; ngo ye tukuula kuri Ngaa-bubi."»

Mukaanda wa Yakobo 4:17

Ngo wunde wuyaari kuyirika mamabwe, kasi wahele kumayirika, lo mamo masumu kuri nde.

Mukaanda kuri bari Loma 11:36

Bukuri byobinso kuri nde, mu nde na bya nde. Kuri nde kuba nkeembu mu bibvu! Amene.

Biyiriki bya Bantumu 4:28

mu kukukisa myominso mi watsimi ye mu mpinu na bitaasi [bya ye], tekesele miyirima.

Musamu wamubwete watina Matayi 27:2

Bamukaanga, bamunata na bamuyekele kuri Pilato, ngoforo.

Musamu wamubwete watina Malako 14:44

Yuda waba muyekele wayukusina na bo mu kidiimbu ki: «Wunde wu nyinyumutina me, lo wunde; mukwaateenu na munateenu, yirikee kumukebe.»

Musamu wamubwete watina Yowane 18:3

Ngo Yuda kaholaa mukaangu bayongolo na bakebi ba Nzo-nzaambi ba kataamburi kuri bangaanga-nzaambi, na Bafarisi, bayende kunukwo na miinda na byuufu na binwaanunu.

Musamu wamubwete watina Yowane 9:41

Yesu waleele kuri bo ti: «Mbuti beenu lubeeri lwafwa miisu, nkani luketyee kuba na sumu ko; ngo mu lumalu beenu luri mu kuleele ti: "Tukwemono", sumu dya beenu bunu diri.»

Musamu wamubwete watina Luka 22:53

Mpisi kiluumbu me nyabee kwebaanaa na beenu mu Nzo-nzaambi, ngo kasi lwasii kaanga me ko. Ngo kimaki kyeki kilookolo kya beenu, na kya lutumu lwa mampimbisi.»

Musamu wamubwete watina Matayi 26:65

Haho, mukuutu bangaanga-nzaambi wakaakila binkuta byaandi, waleele ti: «Nde saanini Nzaambi, buri tubweese kuba kwaandi na nzala bambaangi? Mu lumalu beenu luyukiri nsaanunu.

Musamu wamubwete watina Yowane 18:13

Bo batekesele kumunata kuri Ana. Nde waba buko bwa Kayafa, waba mukuutu bangaanga-nzaambi, mu mubvu wunde.

Musamu wamubwete watina Yowane 19:10

Haho Pilato kaleele kuri nde: «Ye wahele kudzoonso kuri me? Buri ye wahele kuyaaba ti, me nyiri na lutumu mu kupatula ye, na nyiri na lutumu mu kukomono ye ha kuruwa?»