Musamu wamubwete watina Yowane 17:6 - Musamu Wamubwete 2013

⁶ Me nyayaabisiri nkuumbu yaaku, kuri baatu ba wampeeri ba wuri wapalisa mu nsi. Bo baba ba ye, na ye wabampeeri, na bo bakebiri maampu maaku.

Musamu wamubwete watina Yowane 17:6 Referans Kwoze

Musamu wamubwete watina Yowane 17:26

Me nyabayaabisa nkuumbu yaaku, na me sa mbweese kubayaabisa, mpisi heki ntiilu yi wuri watiila me, yiba mu bo, na me se mu bo.»

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

Musamu wamubwete watina Yowane 6:37

Mpisi wumpa Taata, sa kiisa kuri me, na me nyiri mbingila wunde wukwiisa kuri me ko,

Musamu wamubwete watina Yowane 17:24

Taata, babo ba wuri wampa, me ntiiri ti haho ha nyiiri me, bo se baba na me, mpisi heki bamono nkeembu yaami, yiyo yi wuri wampa Bukuri ye watya me tekesele nyirikulu nsi.

Musamu wamubwete watina Yowane 17:2

mpisi heki, bunu bu wuri wamuha lutumu ha yulu baatu bobanso, nde kaha kidziingu kyahele manunu kuri bobanso ba wuri wamuha.

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

Musamu wamubwete watina Yowane 15:19

Mbuti beenu lwaba ba nsi, nkani nsi yaketi kulutya, bukuri beenu lwaketi kuba ba yo. Ngo bukuri, me nyalusooriri na nyalupalisiri mu nsi, na beenu lwahele kubweese kuba baatu ba nsi, mu ntoono yiyo, nsi yiri mu kulubele.

Nyabusulu ya Yowane 3:8

Me nyaari biyiriki bya ye; mono, me nyikusuusiri ha busu bwa mweelu wadzibulu, kuri muutu ti mosi ko wakuka mu kukaanga nde; bukuri ye mwaa-mpinu wuri na dzo, kasi wakebe maampu maami, tumi se wahele kutuna nkuumbu yaami.

Mukaanda kuri Bahebeleho 3:6

Ngo Kiristo, wuri bunu Mwaana mu nzo, na nzo yiyo ngo beetu, mbuti tukebiri kifiki na kimweese kya nsiitu.

Musamu wamubwete watina Yowane 15:7

Mbuti beenu lunamitina kuba mu me, na maampu maami Na maampu maami mamitina kuba mu beenu, lo loombeenu bi lutiiri, na sa lwataambula.

Nyabusulu ya Yowane 2:13

Me nyaari ku wubaanaa ye, kukwo kuri mboloko Satana, ye wakwaata mu makwa nkuumbu yaami, na wahele kutuna kanyi dya mu me, ti mu biluumbu bya Antipa, mbaangi yaami, mpaangi yaami yakwiikama, wubari badzusa kuri beenu, kwa tuunga Satana.

Mukaanda kuri Bahebeleho 2:12

na wuleele ti: «Me sa nyayaabisa nkuumbu yaaku kuri bampaangi baami, me sa nyakusiika ha kakati dya dibuundu.»

2 Tim 1:13

Holo kifwaani mu maampu mangwanwa ma wuri wayuka kuri me, mu kanyi na ntiilu bya mu Kiristo Yesu.

Mukaanda kuri bari Kolosayi 3:16

Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.

Mukaanda kuri bari Loma 11:2

Nzaambi wahele kuyekele baatu baandi ba katekisiri kuyaaba. Hoti beenu lwahele kuyaaba ma leele Matinu mu Eliya, ha kari mu kunyoongono Isaheli kuri Nzaambi?

Biyiriki bya Bantumu 13:48

Bangooyi bu bayuka bubwo, bamono kiminu, badumusa maampu ma Mfumu, na bobanso ba bataasiri kidziingu kya mantaangu momanso, basa kanyi.

Musamu wamubwete watina Yowane 18:9

Mpisi heki maampu ma kari kaleele meende mu mana: «Babo ba wuri wampa, me nyahele kudziimbisa ti mosi mu bo.»

Musamu wamubwete watina Yowane 17:16

Bo bari ba nsi ko, bunu bu nyiri me, nyahele wa nsi.

Musamu wamubwete watina Yowane 17:14

Me nyabaheeri maampu ma ye; na nsi yababele, bukuri bo bahele ba nsi, bunu bu nyiri me, nyahele wa nsi.

Musamu wamubwete watina Yowane 15:3

Beenu lweki lwatsyeeme, mu ntoono maampu ma nyiluleeriri me.

Musamu wamubwete watina Yowane 12:28

Taata keembese nkuumbu yaaku!» Mbeembu yayukukuna ku mayulu ti: «Me nyakeembisiri nde, na sa nyabweese kumukeembese.»

Musamu wamubwete watina Yowane 6:39

Kutya kwa wunde wampeeke kuri ti, me mpele kudziimbisa ti mosi mu ba kari kampa, ngo me sa nyamufulukisa [mu] kiluumbu kya manunu.

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.

1 Pet 1:1

Petelo, ntumu Yesu Kiristo, kuri babo basoolu, badzakala ku bunzeense, batsamukina mu mansi ma Ponto, Ngalatya, Kapadokya, Asya na Bitinya,

Musamu wamubwete watina Yowane 8:51

Ngwanwa mu ngwanwa me nyiluleele: Mbuti muutu kebiri maampu maami, lo nde kamono mfwiilu ya mibvu ngo mibvu ko.»

Musamu wamubwete watina Yowane 8:52

Haho Bayudayo baleele kuri nde ti: «Mu lumalu beetu tumwayaaba ti ye wuri na mpeeve yayibi. Abalaami wafwa, babikiri se bafwa, ngo ye wuleele ti: "Mpisi wukebe Maampu, lo nde kamono mfwiilu ko mu mantaangu momanso."

Musamu wamubwete watina Yowane 17:7

Mu lumalu, bo bamwaayaaba kuri ti byobinso bi wampeeri, byafumuna kuri ye,

Musamu wamubwete watina Yowane 17:12

Mu ntaangu yi nyabeeri na bo, me nyabee bakebaana mu nkuumbu yaaku, yi wuri wampa. Me nyabee kwebakalaana, na kuri ti mosi mu bo wadziimbiri ko, ha yulu wunu mwaana wanzimbukulu, mpisi heki Matinu meende mu mana.

Nyabusulu ya Yowane 3:10

Mu bukuri ye wakebiri maampu maami mu kifiki, me se sa kebe ye mu ntaangu ya nsindukulu, dziyelemini kutubuka mu nsi yoyinso ya baatu, mu kusindukila babo badzakala mu nsi.