Musamu wamubwete watina Yowane 17:25 - Musamu Wamubwete 2013

²⁵ Taata ngaa-kusuunguma, nsi yasii kuyaaba ye ko, ngo me nyikuyaari, na bamaba bayaari ti, ye wampeeke.

Musamu wamubwete watina Yowane 17:25 Referans Kwoze

Musamu wamubwete watina Yowane 17:11

Me nyahele bweese kuba mu nsi, ngo bo bari mu nsi, na me nyiri mu kwiisa kuri ye. Taata dyangisi, kebe bo mu mpinu dza nkuumbu yaaku, yi wuri wampa, mpisi baba mosi, bunu beetu na ye turi mosi.

Musamu wamubwete watina Yowane 17:8

bukuri maampu ma wampeeri, me nyabahee mo, na bo bamataamburi na bayaaburi mu ngwanwa ti me nyapalila kuri ye, na basiiriri kanyi ti ye wampeekiri.»

Musamu wamubwete watina Yowane 15:21

Ngo sa baluyirikila momanso mamo, mu ntoono nkuumbu yaami, bukuri bo bahele kuyaaba wunde wampeeke.

Musamu wamubwete watina Yowane 7:29

Me ngo wuri nyimuyaari, bukuri me nyafumuna kuri nde, na nde wampeeke.»

Musamu wamubwete watina Yowane 16:27

mukwongo nde-meene Taata wulutiiri, bukuri beenu lutiiri me, na luri na kanyi ti me nyapalila mu Nzaambi.

Mukaanda kuri Bahebeleho 8:11

Ka kuba muutu ti mosi ko, wuyikisa mbaasi yi bari nsi mosi, bunu mpe wuleele kuri mpaangi yaandi ti: yaaba Mfumu! Mukwongo, bobanso sa bayaaba me, kuholosono bilesi natee bakuutu mu bo,

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

Musamu wamubwete watina Yowane 10:15

bunu bu nyaabiri Taata, me se bunubwo nyaabiri Taata, na me nyiha kidziingu kyaami mu bimeeme byaami.

Musamu wamubwete watina Yowane 8:55

Beenu lwahele kumuyaaba, ngo kasi me nyimuyaari. Na mbuti me ndeeriri ti me nyahele kumuyaaba, lo me nyeki ngaa-mpya, nyafwanikina na beenu. Ngo me nyimuyaari, na nyakebe maampu maandi.

Musamu wamubwete watina Luka 10:22

Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.

1 Yow 1:9

Mbuti tutambukilaa masumu meetu, lo nde wuri wakwiikama na wasuunguma, mu kutuhemesene masumu meetu, na mu kututsyeemese mu mpisi lumvuki.

2 Tes 1:8

kunsa mbaawu ya mile, mu kubvutula bubi kuri babo bahele kuyaaba Nzaambi, na bahele kutumuma mu Musamu Wamubwete wa Mfumu yeetu Yesu.

1 Kol 15:34

Nkati bvutukee ha lwaba, na yaa lubwa mu masumu ko, bukuri babamosi bahele na nyaabulu Nzaambi, me nyiludzusa nsoni.

1 Kol 1:21

Mukwongo, bukuri nsi mu nyaabulu ya nde-meene wahele kuyaaba Nzaambi, kunsa nyaabulu ya Nzaambi. Nzaambi wamono dyo dyadibwete mu kubvuukisa, mu bulawuku bwa nyikusulu, baatu basiila kanyi.

Mukaanda kuri bari Loma 3:26

mu ntaangu ya nkindusulu-mutima waandi. Nde wuri mu kusoongo nsungumunu yaandi, mu ntaangu ya lumalu, mpisi kaba wasuunguma nde-meene na kaluulukisa wunde wuri na kanyi mu Yesu.

Mukaanda kuri bari Loma 3:11

kuri ti mosi ko wuri na madyeele, kuri ti mosi ko wukwesaka Nzaambi.

Mukaanda kuri bari Loma 1:28

Ngo bukuri bahele na musoongo wa kuyaaba Nzaambi mu ngwanwa, Nzaambi wabayekele kunsa madyeele maaku mamabi, mu kweyirika mahele kuyelemene.

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Biyiriki bya Bantumu 17:23

Bu nyabee kweyunga, na kwetala bimama byeenu byangisi, me nyamwiini dziku dimosi di bari batina ti: "kuri nzaambi yiri bayiyaa ko." Ngo, bibyo bi luri mu kwesaambila kwahele kuyaaba, bibyo me nyiisiri mu kuluyabisa.

Musamu wamubwete watina Yowane 17:23

me mu bo, ye mu me, mpisi heki bo baba mosi mu kiteesu kyakuka, kuri heki nsi yiyaaba ti ye wampeeke, na ye wabatya bunu bu wuri watiila me.

Musamu wamubwete watina Yowane 17:21

mpisi heki bobanso baba mosi, bunu buri ye Taata mu me, na me se mu ye, mpisi heki bo se baba mu beetu, kuri heki nsi yisa kanyi, ti ye wampeeke.

Musamu wamubwete watina Yowane 17:18

Bunu bu wuri wampeeke ha nsi, me se nyibaheeke ha nsi.

Musamu wamubwete watina Yowane 17:3

Kidziingu kya mantaangu mpmanso ngo kimaki: bayaaba ye, Nzaambi yomosi kitsu yangwanwa, na wunde wu wuri waheeke, Yesu Kiristo.

Musamu wamubwete watina Yowane 16:30

Mu lumalu, beetu tuyaari ti ye yaari myominso, na wahele na nzala ti, muutu kakufuula. Mu didyo, beetu turi na kanyi ti, ye wapalila mu Nzaambi.»

Musamu wamubwete watina Yowane 16:3

Sa bayirika mamo, bukuri bahele kuyaaba Taata, na me.

Musamu wamubwete watina Yowane 8:19

Ngo bo bamuleele ti: «Taayi dya ye wuri kuri?» Yesu wabvutula ti: «Beenu lwahele kuyaaba me, na lwahele kuyaaba se Taayi dya me. Mbuti lubee luyaa me, nkani luketyee kuyaaba se Taayi dya me.»

Musamu wamubwete watina Yowane 6:19

Bo baba ba mwaatekesele, kampe mu mafuunda mataanu, bunu pe masaamunu ma bitaki, ha batalila Yesu wuri mu kwiisa dyaata ha yulu mubu na weki kokosolo bebele na bwaatu. Bo bamono boomo.

Musamu wamubwete watina Yowane 3:17

Mukwongo, Nzaambi wahele kuheeke Mwaana mu nsi, mu kuri ti katsuundisa nsi, ngo mu kuri ti, nsi yiba yabvuukusu kuri nde.

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.

Musamu wamubwete watina Matayi 16:16

Simoni Petelo wabvutula, waleele ti: «Ye ngo Kiristo, Mwaana wa Nzaambi ya mwooyo.»

Musamu wamubwete watina Matayi 11:27

«Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Nyabusulu ya Yowane 16:5

Me nyayuka mbasi ya maampa yaba leele ti: «Ye wuri wasuunguma, wuri, na waba ye wangisi, bukuri ye walalimini bubwo.