Musamu wamubwete watina Yowane 16:5 - Musamu Wamubwete 2013

⁵ Mu lumalu, me nyeki mu kweende kuri wunde wampeekiri, na kuri ti mosi mu beenu ko wufuula me ti: "Kuri wuri mu kweende?"

Musamu wamubwete watina Yowane 16:5 Referans Kwoze

Musamu wamubwete watina Yowane 13:36

Simoni Petelo waleele kuri Yesu ti: «Mfumu, kuri ye wuri mu kweende?» Yesu wabvutula kuri nde ti: «Ku nyikweende me, ye lo wubangisina me kunama mu lumalu ko; ngo kasi kunu mankula ye sa nama me.»

Musamu wamubwete watina Yowane 7:33

Yesu ha kaleele ti: «Me nyakiri na beenu mu mwaa-ntaangu yantele, tumi nyeende kuri wunde wampeeke.

Musamu wamubwete watina Yowane 16:28

Me nyapalila mu Taata, na nyayisa ha nsi; me nyeki bweese kuyisika ha nsi, na kweende kuri Taata.»

Musamu wamubwete watina Yowane 17:4

Me nyakeembisiri ye ha butoto, me nyameeni kisalu ki wampeeri mu kusa.

Musamu wamubwete watina Yowane 16:10

mu mitariri nsungumunu, bukuri me nyiri mu kweende kuri Taata, na lubweese kumono me ko;

Mukaanda kuri Bahebeleho 12:2

Tusyeetulee kisoosi kuri Yesu, mubaandiki na mukukisi kanyi, nde wuri, ha kibeendu kya kiminu ki bamusoongiri, wakuunda mpasi dza kuruwa, bu ka nyaafuna nsoni, na wadzakala ha lubakala lwa Nzaambi na lwa mboloko yaandi.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

Musamu wamubwete watina Yowane 13:3

Yesu bu kaba kayaari ti, Taata wamuyakisa byobinso mu myooko myaandi, na ti, nde wafumuna kuri Nzaambi, na kuri Nzaambi keki bvutuka,

Musamu wamubwete watina Yowane 16:16

«Mwaa-ntaangu yantele, ka lubweese kumono me ko; mwaa-ntaangu yikimi, sa lwabweese kumono me.»

Musamu wamubwete watina Yowane 14:28

Beenu lwayukiri me nyaleeriri ti: "Me nyiri mu kweende, ngo sa mbweese kwiisa kuri beenu". Mbuti beenu lutiiri me, nkani lo beenu luri na kiminu bu luyaa ti me nyiri mu kweende kuri Taata, bukuri Taata bvuriri bunene na me.

Musamu wamubwete watina Yowane 6:62

Heki mbuti, beenu lumwiini Mwaana muutu toombikiri ku yulu ku kaba?

Musamu wamubwete watina Yowane 17:13

Ngo kasi mu lumalu me nyiri mu kwiisa kuri ye, na nyiri mu kuleele mamo ha nsi, mpisi heki baba na kiminu kyaami, kyakuka mu bo.

Musamu wamubwete watina Yowane 16:17

Ngo babamosi mu bayiki baandi, balelesene bo na bo ti: «Ti nki kari mu kuleele kuri beetu: "Mwaa-ntaangu yantele, ka lubweese kumono me ko; mwaa-ntaangu yikimi, sa lwabweese kumono me?" Na ti: "Me nyikweende kuri Taata?"