Musamu wamubwete watina Yowane 16:10 - Musamu Wamubwete 2013

¹⁰ mu mitariri nsungumunu, bukuri me nyiri mu kweende kuri Taata, na lubweese kumono me ko;

Musamu wamubwete watina Yowane 16:10 Referans Kwoze

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

2 Kol 5:21

Wunde waba wahele na masumu, nde wamusa ngaa-masumu mu ntoono beetu, mpisi heki mu nde, tubeenee nsungumunu ya Nzaambi.

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

1 Kol 1:30

Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

Biyiriki bya Bantumu 3:14

kasi beenu lwatuna wangisi na wasuunguma, na lwaloombo balupatukila mudzusi.

Mukaanda kuri bari Ngalatya 5:5

Mukwongo, mu Mpeeve, beetu turi mu kwekiingila nsungumunu yi turi twasiila nsiitu mu kanyi.

Mukaanda kuri bari Loma 1:17

Bukuri nsungumunu ya Nzaambi yayabakana mu nde, mu kanyi na mu ntoono kanyi bunu bu diri dyatinu: «Ngaa-kusuunguma sa kaba mwooyo mu kanyi.»

Biyiriki bya Bantumu 17:31

Bukuri nde wasoolo kiluumbu ki katsuundisa nsi mu nsungumunu, mu muutu wunde wu kari kasoolo, na nde wasoongo kimbaangi kuri bobanso mu kumufulukisa mu bafwa."

Biyiriki bya Bantumu 7:52

Nkya mubikiri wuri bataayi beenu bahele kukwaamisa? Bo badzusiri batekisiri kudzoonsolo mu nyisulu wasuunguma, mu lumalu mu wunde beenu lwakitukiri bayariki na badzusi.

Biyiriki bya Bantumu 2:32

Yesu didyo, Nzaambi wamufulukisa mu bafwa, na beetu bobanso turi bambaangi ba myo.

Musamu wamubwete watina Yowane 5:32

Ngo mbuti mukimi wuta kimbaangi mu ntoono ya me, lo me nyaari ti kimbaangi, ki kari mu kuta mu ntoono me kyangwanwa;

Musamu wamubwete watina Yowane 3:14

Ngo bunu bwamanikini Moose nyoko mu nsi yankatu, bunubwo se Mwaana muutu, bayelemini kumumanika,

Musamu wamubwete watina Yowane 7:33

Yesu ha kaleele ti: «Me nyakiri na beenu mu mwaa-ntaangu yantele, tumi nyeende kuri wunde wampeeke.

Musamu wamubwete watina Yowane 16:5

Mu lumalu, me nyeki mu kweende kuri wunde wampeekiri, na kuri ti mosi mu beenu ko wufuula me ti: "Kuri wuri mu kweende?"

Musamu wamubwete watina Yowane 16:28

Me nyapalila mu Taata, na nyayisa ha nsi; me nyeki bweese kuyisika ha nsi, na kweende kuri Taata.»