Musamu wamubwete watina Yowane 15:5 - Musamu Wamubwete 2013

⁵ Me ngo mudzi bviinya, beenu ngo midzi myantele. Wunde wunamitina kuba mu me, na me mu nde, sa kabuta bimbutu byalaka, bukuri kwahele me, lo lubangusina kusa kitotolo ko.

Musamu wamubwete watina Yowane 15:5 Referans Kwoze

Mukaanda kuri bari Filipo 4:13

Me lo nyakuka mu myominso, mu wunde wumpaana makwa.

Mukaanda kuri bari Kolosayi 1:10

kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.

Musamu wamubwete watina Yowane 15:16

Kari beenu lwasooriri me ko; kasi meenu nyalusooriri na nyalusuusa, mpisi heki beenu lweende na lubuta bimbutu, na bimbutu byeenu binamitina kuba, mpisi heki ma luloombo kuri Taata mu nkuumbu yaami, nde kaluha.

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

2 Kol 13:8

Bukuri beetu turi na di tubangisina kuyirika ko, mu kunwaanisa ngwanwa, ngo kasi beetu kubangisina kusalila ngwanwa.

Musamu wamubwete watina Yowane 5:19

Yesu wabvutula kuri bo, waleele ti: «Ngwanwa mu ngwanwa, me nyiluleele ti, Mwaana kari nsiila kisalu mu nde-meene ko, mbuti ka mi kamono Taayi nyirikulu ko; bukuri mimyo mi yirikaa Taayi, Mwaana se mini myo kayirikaa.

Mukaanda wa Yakobo 1:17

Mpisi kikabu kyakibwete, na mpisi kimbwanga kyayirima, lo kya ku yulu, kifumunaa kuri taayi dya buungi, kuri nde kwahele nsobokoso na mposi yayiinga kibeendu ko.

2 Pet 3:18

Buukeenu kunsa bweese, na nyaabulu ya Mfumu na Mubvuukisi weetu Yesu Kiristo. Kuri nde, kuba nkeembu lumalu, natee mu kiluumbu kyahele mbandukulu na manunu! Amene.

Musamu wamubwete watina Yowane 12:24

Ngwanwa mu ngwanwa me nyiluleele, mbuti nkono saangu yibwiiri ha butoto yahele kufwa, lo sa yiba yokaka; ngo mbuti yifwiiri, lo sa yapalisa bimbutu byalaka.

Mukaanda kuri bari Loma 7:4

Beenu se bunubwo, bampaangi baami, beenu lwayeki lwafwa mu mangisi mu nyutu ya Kiristo, mu kuba ba muutu mukimi, wunde wafulukusu mu bafwa, mpisi tubeeneenu na bimbutu mu ntoono Nzaambi.

Mukaanda kuri bari Filipo 1:11

na luba lwaluula mu biyiriki bya nsungumunu bifumunaana mu Yesu Kiristo, mu nkeembu na ndumusu bya Nzaambi.

Musamu wamubwete watina Yowane 9:33

Mbuti nde beeri wahele wa Nzaambi, lo ka ketyee kusa kitotolo ko.»

Mukaanda kuri bari Filipo 4:17

Kari kuri ti me nyisaka bi bankabula ko, ngo me nyisaka kuri ti ndaandu yiba yabuukula kuri beenu.

Mukaanda kuri bari Loma 6:22

Ngo kasi mu lumalu, bu bamwaalukuula mu masumu, lweki bankutu ba Nzaambi, na luri na bimbutu mu mbakulu bungisi. Manunu ya byo, ngo kidziingu kyahele manunu.

Biyiriki bya Bantumu 4:12

Mvuukulu yahele mu mukimi; bukuri kwahele nkuumbu yikimi ha butoto, yi bari baha kuri baatu, yiri lo mu yo, beetu tubvuukiri.»

1 Kol 12:12

Mukwongo, bunu buri nyutu yiri mosi ngo binamu byalaka, na bunu buri binamu bya nyutu biri byalaka ngo mu nyutu mosi, bunubwo se buri mu Kiristo.

1 Pet 2:4

Kokosolee kuri nde, tari dyamwooyo dyaloosu kuri baatu, ngo kasi dyasoolu na dyantalu kuri Nzaambi,

1 Kol 12:27

Beenu luri nyutu Kiristo, na mpisi muutu kinamu kya nyutu.

Mukaanda kuri bari Efeso 5:9

Mukwongo, kimbutu kya buungi kiri mu nyirikulu momanso ma mbweeyulu, ma nsungumunu, na ma ngwanwa.

2 Kol 9:10

Wunde wuhaanaa nsaangi kuri mukuni, na byandya bya kudya, sa kaluha nsaangi, sa kafunisa dzo, na sa kamenise bimbutu bya nsungumunu yeenu.

Mukaanda kuri bari Kolosayi 1:6

Musamu meene watubuka natee kuri beenu, bwobumosi se kari mu nsi yansiina, wuri mu kwebuta bimbutu na wuri mu kwebuuka; bunubwo se kari mu kwesala mu beenu, kuholosono kiluumbu ki luri lwayuka, na ki luri lwabakula bweese bwa Nzaambi kunsa ngwanwa.

Mukaanda kuri bari Loma 12:5

bunubwo se, beetuneenu turi balaka, ngo turi nyutu mosi mu Kiristo, na mpisi muutu wuri kinamu mu nyutu mbaasi.

1 Kol 10:16

Mbasa ya lusakumunu yi tusakumunaana, yiri kintwaari na makila ma Kiristo. Mpa yi tubukunaana yiri kintwaari na nyutu Kiristo.

Musamu wamubwete watina Matayi 13:21

ngo maampu mahele kubaka myaansi mu nde; nde muutu wa mwaa-ntaangu yantele. Manyoongi bunu pe nkwamusunu bu biisiri mu ntoono ya Maampu, hanaho nde bwiiri.