Musamu wamubwete watina Yowane 15:27 - Musamu Wamubwete 2013

²⁷ na beenu se, sa lwateele me kimbaangi, bukuri kuholosono kunu mbandukulu, beenu luri kintwaari na me.»

Musamu wamubwete watina Yowane 15:27 Referans Kwoze

1 Yow 4:14

Beetu twakengisiri na tuta kimbaangi ti Taata waheekiri Mwaana, bunu Mubvuukisi nsi.

Musamu wamubwete watina Yowane 21:24

Muyiki wumawu ngo mbaangi mu mamo, na nde watina mo; beetu tuyaari ti kimbaangi kyaandi kyangwanwa.

Musamu wamubwete watina Luka 24:48

Beenu luri bambaangi mu mamama.

Biyiriki bya Bantumu 23:11

Mu butsuku bwaba nama, Mfumu wamonoko kuri nde waleele ti: «Ba na kibakala, bukuri, bunu bu teerye kimbaangi mu mitariri me ku Yerusalemi, bunubwo se ye yelimini, kweeta kimbaangi ku Loma.»

1 Pet 5:12

Mu lubakusu lwa Silvano, wu nyihololaa me bunu mpaangi yakwiikama, me nyilutinini mwaa-mukaanda wumawu, mu kulusyaamisa na mu kuta kimbaangi, ti bweese bwa Nzaambi bu luri lwasiila nsiitu buri bwangwanwa.

1 Pet 5:1

Me nyisyaamisa bakulu ba babakala bari ha kakati dya beenu. Me se nyiri mukulu-bakala bunu bo, mbaangi mu mpasi dza Kiristo, na nyiri kintwaari mu nkeembu yiba yayabakana.

Biyiriki bya Bantumu 4:20

Mukwongo, beetu tubangisina ko, mu kuhele kuyikisa ma turi twamono na ma turi twayuka.»

Biyiriki bya Bantumu 1:8

ngo kasi beenu sa lwataambula mpinu dzifuma kuri Mpeeve Yangisi ha yulu beenu, na sa lwaba bambaangi baami mu Yerusalemi, [mu] Yudaya dyodinso, mu Samariya, natee ku nsukulu butoto".

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.

Nyabusulu ya Yowane 1:2

wunde wata kimbaangi mu Maampu ma Nzaambi, na kimbaangi kya Yesu Kiristo, momanso ma kari kamono.

Biyiriki bya Bantumu 18:5

Sila bo na Timoteho bu baba tubuka kuri ba mwaanangukina ku Makedonya, lo Pawulo wuri mu kwelutusa ntaangu, mu maampu ma Nzaambi, mu kweta kimbaangi ha busu bwa Bayudayo ti Yesu ngo Kiristo.

Biyiriki bya Bantumu 13:31

Nde wamonoko mu biluumbu byalaka kuri babo batoombikiri na nde kuholosono Ngalili natee ku Yerusalemi, na babo bari mu lumalu bambaangi baandi kuri baatu.

Biyiriki bya Bantumu 4:33

Bantumu baba taanaa kimbaangi, kya mfulukulu Mfumu Yesu, mu mpinu dzamakwa, na bweese bwabunene bwababaa ha yulu bobanso.

Musamu wamubwete watina Yowane 19:35

Wunde wamwiini, wata kimbaangi, na kimbaangi kyaandi kiri kyangwanwa. Nde yaari ti mamo, ma kaleele mangwanwa, mpisi beenu lusiila kanyi.

Biyiriki bya Bantumu 3:15

Beenu lwadzusiri mfumu bumwooyo, ngo Nzaambi wamufulukisi mu bafwa, beetu turi bambaangi ba nde.

Musamu wamubwete watina Malako 1:1

Mbandukulu Musamu Wamubwete wa Yesu Kiristo, Mwaana Nzaambi.