Musamu wamubwete watina Yowane 15:24 - Musamu Wamubwete 2013

²⁴ Mbuti me mbee nyahele kusa biyiriki ha kakati dya bo, biri muutu ti mosi kayirikiri ko, baketyee kuba na masumu ko; ngo mu lu, bo bamwiini na banyaafuni me na Taayi dyaami.

Musamu wamubwete watina Yowane 15:24 Referans Kwoze

Musamu wamubwete watina Yowane 14:9

Yesu waleele kuri nde ti: «Me dzakiri na beenu mu mantaangu malaka, na ye wahele kuyaaba me, Filipo? Wunde wumono me, lo Taata kamwiini. Dyaburi ye wuleele ti: "soongo beetu Taata"?

Musamu wamubwete watina Yowane 5:36

Haho, me nyiri na kimbaangi kibvuriri bunene ti na kya Yowane; mukwongo biyiriki bya mpa Taata mu kuyirika, biyiriki bi nyiri mu kusa, bibyo bita kimbaangi mu me, ti Taata wampeeke.

Musamu wamubwete watina Yowane 10:37

Mbuti me nyahele kuyirika biyiriki bya Taayi dyaami, lo yaa lusa kanyi mu me ko.

Musamu wamubwete watina Yowane 10:32

Yesu waleele kuri bo ti: «Biyiriki byalaka byabibwe byafumuna kuri Taata, me nyalusoongiri. Mu nkya kiyiriki mu byo, beenu lusaka kudzusila me mu matari?»

Musamu wamubwete watina Yowane 9:32

Twayukiri mu ntaangu ti mosi ko ti, kuri muutu wudziburyeenu miisu mya wabutuka na miisu myafwa.

Musamu wamubwete watina Yowane 7:31

Kunsa mpuumbu, baatu balaka basii kanyi mu nde na baba leelaa ti: «Mbasi-tsuku ha kwiisa Kiristo, tumi kahele kuyirika bidiimbu bibvuriri bunene na bi mwaayirika wu?»

Musamu wamubwete watina Yowane 3:2

Nde wayisa kumono Yesu mu butsuku, wamuleele ti: «Labi, beetu tuyaari ti ye Muyikisi wafumuna kuri Nzaambi, bukuri, kuri muutu wakuka mu kuyirika bidiimbu bi wuri mu kwesa ye ko, mbuti Nzaambi wahele kintwaari na nde.»

Musamu wamubwete watina Matayi 9:33

Yesu kamanaa kupalisa mpeeve yayibi, baba wadzoonso. Mampuumbu ma baatu makimuka na baleele ti: «Twamwii mya bu mu Isaheli ko!»

Mukaanda wa Yakobo 4:4

Bangaa-kimpala! Buri beenu lwahele kuyaaba ti kinduku na nsi ngo kitaatu na Nzaambi? Mpisi wunde wutiiri kuba nduku nsi, lo kitukiri mutaatu Nzaambi.

2 Tim 3:4

bakweyarika bambaasi, bangaa-kituunsi kya nkesi, bangaa-masiiku mabuunu, babvuriri kutya minkeembu ti na Nzaambi;

Mukaanda kuri bari Loma 1:30

bangaa-makele, bataatu ba Nzaambi, bangaa-kinwa, bangaa-masiiku, bangaa-nzala-kubila, bari na madyeele mu nyirikulu myamibi, bari na tungu kuri bataayi na banguri.

Biyiriki bya Bantumu 10:38

Dyaburi Nzaambi kalwiikirye Yesu wa ku Nadzareti Mpeeve Yangisi na mu mpinu. Nde wabee kwelutaana mu kweyirika mamabwe na kwetsinikisa bobanso babeeri kunsa nkwamusunu dza dyabulu, bukuri Nzaambi wabeeri na nde.

Biyiriki bya Bantumu 2:22

"Bari Isaheli, yukeenu maampu mamama: Yesu wa ku Nadzareti, Nzaambi wamusooriri mu kuyirika bimaangu, mya nkimukunu na bidiimbu mu ntoono beenu. Nzaambi wayirika byo mu nde ha kakati dya beetu, bunu bu luyaari beenu-meene

Musamu wamubwete watina Yowane 12:45

na wunde wumono me, lo mwiini se wunde wampeeke.

Musamu wamubwete watina Yowane 6:36

Ngo me nyiluleeriri ti: Beenu lwamwiini [me], na lwahele kusa kanyi.

Musamu wamubwete watina Luka 24:19

Nde wafuula kuri bo ti: «Nki myo?» Bo bamuleele ti: «Mitariri Yesu wa ku Nadzareti, wabeeri mubikiri wampinu mu biyiriki na mu nzoonsulu, ha busu bwa Nzaambi, na ha busu bwa baatu bobanso.

Musamu wamubwete watina Malako 2:12

Mu kilookolo kinikyo, muutu wunde wateleme, wanaanguna nkwaala yaandi, na wapala ha busu bwa bobanso. Baatu bobanso bamono dyo dya nkimukunu, bakeembise Nzaambi na baleele ti: «Twamwiini kweetu mya bumabu ko!»

Musamu wamubwete watina Matayi 21:32

Bukuri Yowane wayisa kuri beenu mu nzila ya nsungumunu, beenu lwasii siila kanyi mu nde; kasi batori ba mpaku na bakyeetu ba biyala basiila kanyi mu nde. Ngo beenu lwamono, kasi ha mambisa haho lwahele kuyiinga dyeele, mu kusiila kanyi mu nde.»

Musamu wamubwete watina Matayi 11:5

Bafwa miisu bamono, na bikata bikweyende, babeele bwaasi batsyeemekusu, bafwa makutu bayuka, bafwa bafuluka, na Musamu Wamubwete bari mu kuyaabisa kuri bawelu.

Musamu wamubwete watina Yowane 12:10

Bakuutu ba bangaanga-nzaambi baholo kitsimi kya kudzusa Ladzaro,

Musamu wamubwete watina Yowane 9:41

Yesu waleele kuri bo ti: «Mbuti beenu lubeeri lwafwa miisu, nkani luketyee kuba na sumu ko; ngo mu lumalu beenu luri mu kuleele ti: "Tukwemono", sumu dya beenu bunu diri.»

Musamu wamubwete watina Yowane 15:21

Ngo sa baluyirikila momanso mamo, mu ntoono nkuumbu yaami, bukuri bo bahele kuyaaba wunde wampeeke.

Musamu wamubwete watina Yowane 15:22

Mbuti me nyasii kwiisa ko, na nyahele kubadzoonsolo, nkani bahele kuyirika masumu. Ngo mu lumalu, lo bo basii na mpemisi ko mu masumu maaku.

Musamu wamubwete watina Yowane 15:23

Wunde wubele me, wabele se na Taayi dya me.

Musamu wamubwete watina Yowane 16:9

Mu mitariri masumu, bukuri bo bahele kusiila kanyi mu me;