Musamu wamubwete watina Yowane 15:16 - Musamu Wamubwete 2013

¹⁶ Kari beenu lwasooriri me ko; kasi meenu nyalusooriri na nyalusuusa, mpisi heki beenu lweende na lubuta bimbutu, na bimbutu byeenu binamitina kuba, mpisi heki ma luloombo kuri Taata mu nkuumbu yaami, nde kaluha.

Musamu wamubwete watina Yowane 15:16 Referans Kwoze

Musamu wamubwete watina Yowane 15:19

Mbuti beenu lwaba ba nsi, nkani nsi yaketi kulutya, bukuri beenu lwaketi kuba ba yo. Ngo bukuri, me nyalusooriri na nyalupalisiri mu nsi, na beenu lwahele kubweese kuba baatu ba nsi, mu ntoono yiyo, nsi yiri mu kulubele.

Mukaanda kuri bari Efeso 2:10

Mukwongo, beetu turi biyiriki bya Nzaambi, nde watuyirika mu Kiristo Yesu, mu kuba na biyiriki byabibwete, bi kari katekesele kuyirika, mpisi tubisalila.

Musamu wamubwete watina Luka 6:13

Bwiisi bu bwakya, nde wateele bayiki baandi mbila, na wasoolo kuumi na boolo mu bo, wabaluka nkuumbu bantumu.

Mukaanda kuri bari Ngalatya 1:15

Ngo [Nzaambi], wansoolo kuholosono mu mwooyo nguri yaami, wanteele mbila mu bweese bwaandi, bu kamono dyo ti dyadibwete,

1 Yow 4:19

Beetu tutyaanaa, bukuri nde watete watutiiri.

Biyiriki bya Bantumu 22:14

Nde waleele ti: "Nzaambi ya bataayi beetu, wakusoolo mu kuyaaba kutya kwaandi, mu kumono wunde wasuunguma, na mu kuyuka mbeembu ya munwa waandi,

2 Tim 2:2

Myominso mi wuri wayuka kuri me, ha busu bwa bambaangi balaka, yaabisa myo kuri baatu bakwiikama, bakuka mu kuyikisa myo se kuri bakaka.

Musamu wamubwete watina Yowane 13:18

Me nyahele kudzoonsolo mu beenu-banso; me nyaari ba nyiri nyasoolo; ngo kasi matinu mayelemini kweende mu mana: "Wunde wudya mpa me, wanangukina me kisiŋini kyaandi".

Musamu wamubwete watina Yowane 6:70

Yesu wabvutula kuri bo ti: «Buri beenu bo kuumi na boolo, kari me nyalusoolo ko? Ngo mosi mu beenu dyabulu kari.»

1 Pet 3:15

Dumusee Kiristo Mfumu kunsa mitima myeenu. Beene bayirima mu mantaangu momanso, mu kukalila buungu, kuri mpisi wunde wulufuula, nsiitu dziri mu beenu,

1 Yow 4:10

Ntiilu yiri bumabu: ka kuri ko ti beetu twatiiri Nzaambi, ngo kasi nde watutya, na waheeke Mwaana waandi, bunu kikori mu masumu meetu.

Biyiriki bya Bantumu 1:24

Bu basaambila baleele ti: "Mfumu ye yaari mitima mya baatu bobanso, soongo na mu bo boolo ye sooriri

1 Pet 3:2

bu bamono ndyaatulu yeenu ya bungisi kunsa kibvumi.

Mukaanda kuri bari Loma 15:4

Mukwongo, momanso ma batekisiri kutina, bamatinini mu ntoono nyikusulu ya beetuneenu, mpisi heki, tubaka nsiitu mu kifiki na mu nsyamusunu ya Matinu.

Biyiriki bya Bantumu 9:15

Mfumu waleele kuri nde ti: "Yende, bukuri weki kisalulu kya me ki nyiri nyasoolo, mu kunata nkuumbu yaami ha busu bwa makaanda, na se ha busu bwa bambyaasi na baala ba Isaheli;

Musamu wamubwete watina Matayi 21:22

Momanso ma luloombo beenu mu lusaambulu, bu lusiiri kanyi sa lumataambula.»

2 Tim 1:11

Mu ntoono Musamu Wamubwete wunde, me bayeki bansa mubikisi, ntumu na muyikisi.

1 Kol 10:11

Misamu mimyo myayirimini mu bo, mpisi miba kifwaani, na miri myatinu mu kuba nyikusulu kuri beetu, bari tweki mu mantaangu ma manunu.

Mukaanda kuri bari Loma 9:21

Buri mubuumbi wahele na lutumu, mu kuyirika mu tubuumbu twotumosi, kisa kya lukiinsu, na kisa kyahele kuba kya lukiinsu?

Mukaanda wa Yakobo 3:18

Kimbutu kya nsungumunu kiri kyakunu mu kiyeengi, kuri babo basalila kiyeengi.

Mukaanda kuri Bahebeleho 11:4

Mu kanyi, Abele kaheeri kuri Nzaambi kikabu kya kudzusa kibvuriri bubwete ti na kya Kayini. Mu kanyi didyo, nde bari bamuteelele kimbaangi ti nde wasuunguma, Nzaambi nde-meene wata kimbaangi mu bikabu byaandi. Mu kanyi didyo nde kakiri mu kwedzoonso ti bukuri wayeki wafwa.

Mukaanda kuri Tito 1:5

Me nyasiisiri ye ku Kerete mu ntoono yiri ti, ye saa mana kubweeyese misiiri, na kusuusa mu mpisi bvula bakulu ba babakala, bunu bu nyakutumini me;

Mukaanda kuri bari Kolosayi 1:6

Musamu meene watubuka natee kuri beenu, bwobumosi se kari mu nsi yansiina, wuri mu kwebuta bimbutu na wuri mu kwebuuka; bunubwo se kari mu kwesala mu beenu, kuholosono kiluumbu ki luri lwayuka, na ki luri lwabakula bweese bwa Nzaambi kunsa ngwanwa.

Mukaanda kuri bari Loma 1:5

Mu nde turi twataambula bweese na buntumu, mu kuri ti makaanda momanso matumuma mu kanyi, mu nkuumbu yaandi,

Biyiriki bya Bantumu 10:41

ngo kari kuri baatu bobanso ko, ngo kasi kuri beetu, bambaangi bari Nzaambi watekisiri kusoolo, beetu twadiiri na twanwiini kintwaari na nde, ha mambisa ma mfulukulu yaandi mu bafwa;

1 Tim 2:7

Mu kimbaangi kikyo me bari bansuusa mu kuba dingisi na ntumu, mu kweyikisa makaanda mu nzila ya kanyi na ya ngwanwa; me ngwanwa nyiri mu kuleele, nyahele kufuta mpya.

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

Mukaanda kuri bari Loma 1:13

Bampaangi, me ntii ko ti beenu luba kunsa lubu. Mantaangu malaka me nkootsimaa kwiisa, mu kutolo bimbutu kuri beenu na kuri makaanda makaka, ngo natee mu lumalu me bankabikisa.

Biyiriki bya Bantumu 1:8

ngo kasi beenu sa lwataambula mpinu dzifuma kuri Mpeeve Yangisi ha yulu beenu, na sa lwaba bambaangi baami mu Yerusalemi, [mu] Yudaya dyodinso, mu Samariya, natee ku nsukulu butoto".

Musamu wamubwete watina Matayi 7:7

«Loombeenu na sa baluha, sakeenu na sa lwadzuukila, komboteenu na sa baludzubukila;

Musamu wamubwete watina Yowane 15:5

Me ngo mudzi bviinya, beenu ngo midzi myantele. Wunde wunamitina kuba mu me, na me mu nde, sa kabuta bimbutu byalaka, bukuri kwahele me, lo lubangusina kusa kitotolo ko.