Musamu wamubwete watina Yowane 15:15 - Musamu Wamubwete 2013

¹⁵ Me nyahele kubweese kuluteele bisari, bukuri kisari kayaa bisaana mfumu yaandi ko. Me nyiluteele banduku, bukuri me nyaluyaabisiri myominso mi nyayikiri kuri Taayi dyaami.

Musamu wamubwete watina Yowane 15:15 Referans Kwoze

Musamu wamubwete watina Matayi 13:11

Nde wabvutula kuri bo ti: «Bukuri, kuri beenu baheeri kiteesu kya kuyaaba mpaanu dza Kimfumu kya mayulu; ngo kuri bo, bahele kuha.

Mukaanda wa Yakobo 2:23

Matinu mayende mu mana: "Abalaami kasanaa kanyi mu Nzaambi, ngo bamwiini dyo ti wasuunguma, na bamuteele ti nduku Nzaambi".

Mukaanda kuri bari Kolosayi 1:26

mpaanu dza Nzaambi dzaba dzasweeku, kuholosono mu mibvu na mu biseendu, dzeki dzayabakana mu lumalu kuri bangisi baandi.

Nyabusulu ya Yowane 1:1

Nyabukusu Yesu Kiristo ya muha Nzaambi, mu kusoongo kuri bisari byaandi, mamo makwiisa mu mawasu. Nde waheeke mbasi yaandi kuri kisari kyaandi Yowane, mu kuyaabisa yo,

Mukaanda kuri bari Efeso 3:5

dziri mu biseendu byalabuka, basii yaabisa dzo kuri baala ba baatu ko, ngo mu lumalu, Mpeeve mwaayaabisa dzo kuri bantumu baandi bangisi, na kuri babikiri.

Mukaanda kuri bari Efeso 1:9

Nde watuyaabisa mpaanu dza kutya kwaandi, bunu buri kiminu kyaandi ki kasoongiri mu Kiristo,

Musamu wamubwete watina Yowane 20:17

Yesu waleele kuri nde: «Yaa belemene me ko! Bukuri me nyakiri kutoomboko pe kuri Taata; ngo kasi yende kuri bampaangi ba me, na leele kuri bo ti: Me ntoombokiri kuri Taayi dyaami, na Taayi dya beenu, na Nzaambi yaami na Nzaambi yeenu.»

2 Pet 1:1

Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.

Mukaanda kuri bari Ngalatya 4:6

Ngo bukuri beenu luri baala, Nzaambi waheeke Mpeeve ya Mwaana waandi, munsa mitima myeetu, yiri mu kubikisa ti: «Aba, ho Taata!»

Musamu wamubwete watina Yowane 12:26

Mbuti muutu tiiri kusalila me, lo kanama me; na haho ha nyiri me, lo kisari kya me se, sa kaba hanaho. Mbuti muutu wusalila me, lo Taata sa kamukiinsa.»

Musamu wamubwete watina Yowane 8:26

Me nyiri na myalaka mya kuleele na mya kutsuundisa mu ntoono beenu; ngo wunde waheeke me wuri wangwanwa, na mamo ma nyiri nyayuka kuri nde, mamo me nyileele kuri nsi.»

1 Pet 1:11

Bo bafyongokono mu kuyaaba, mu nkya ntaangu bunu pe mu nkya kiteesu, misamu myatekisiri kubayaabisa Mpeeve ya Kiristo miyirima. Misamu mimyo mitariri mpasi dza Kiristo, na munkeembu wukwiisa ha mambisa.

Mukaanda wa Yakobo 1:1

Me Yakobo, nkutu Nzaambi na ya Mfumu Yesu Kiristo, kuri makaanda kuumi na moolo matsamukina mu mansi, mboto yeenu!

Film 1:16

kari bunu nkutu ko; ngo bu bvuriri bubwete ti na nkutu, mpaangi ya mutima; mbiki ti mu me, ngo bvula-bvula mu ye, mu kimuutu na mu Mfumu.

Musamu wamubwete watina Yowane 17:26

Me nyabayaabisa nkuumbu yaaku, na me sa mbweese kubayaabisa, mpisi heki ntiilu yi wuri watiila me, yiba mu bo, na me se mu bo.»

Musamu wamubwete watina Yowane 15:20

Baambukeenu mwooyo mu maampu ma nyaluleeriri: "Kisari wahele kulutila bunene ti na mfumu yaandi." Mbuti bo bakwaamisini me, lo beenu se sa balukwaamisa; mbuti bakebiri maampu ma me, lo sa bakebe se na ma beenu.

Musamu wamubwete watina Yowane 13:16

Ngwanwa mu ngwanwa, me nyiluleele ti: kisari wahele kubvula bukuutu na mfumu yaandi, wu bari baheeke se wahele kubvula bukuutu na wunde wamuheeke.

Mukaanda Yuda 1:1

Yuda, nkutu Yesu Kiristo, mpaangi Yakobo, kuri babo ba bari bateele mbila, batya mu Taayi Nzaambi, na ba bari bakebe mu Yesu Kiristo.

Biyiriki bya Bantumu 20:27

Mu ngwanwa, me nyahele kulusweekele kitotolo ti kimosi, mu kuluyikisa kutya kwa Nzaambi.

Musamu wamubwete watina Yowane 4:19

Wa mukyeetu wabvutula, waleele ti: «Mfumu, me nyimono ti ye mubikiri.

Musamu wamubwete watina Luka 10:23

Tumi bu kasyeeteke kuri bayiki baandi, wabaleele ha bo-bakaka ti: «Kiminu kuri miisu mimyo mikwemono ma lukwemono beenu.»

Musamu wamubwete watina Yowane 16:12

«Me nyakiri na myalaka mya kululeele, ngo lubangusina kukuunda myo mu lumalu ko.

Mukaanda kuri bari Loma 7:15

Mamo ma nyiri mu kuyirika, nyahele kubakula; bukuri mari nyahele kutya kuyirika, mamo ngo ma nyiyirika, kasi mamo ma mberiri, mamo ngo ma nyiyirika.

1 Kol 2:16

Mukwongo, «na wayaaba kitsimi kya Mfumu? Na wutsiitsa kumuyikisa?» Beetu ngo bari, turi na kitsimi kya Kiristo.