Musamu wamubwete watina Yowane 15:12 - Musamu Wamubwete 2013

¹² Lutumu lwa me ngo lu: tilisinee beenu na beenu, bunu bu nyiri nyalutiila me.

Musamu wamubwete watina Yowane 15:12 Referans Kwoze

1 Yow 4:21

Lu ngo lutumu lu turi twataambula kuri nde: wunde wutya Nzaambi, lo katya se mpaangi yaandi.

Musamu wamubwete watina Yowane 13:34

Me nyiluha lutumu lwamoono: Tilisineenu beenu na beenu; bunu bu nyiri nyalutya me, beenu se tilisineenu beenu na beenu.

1 Pet 4:8

Tekeselee meti, kutilisina kwalaka beenu na beenu, bukuri "ntiilu yifuukaa fundu-fundu dya masumu".

1 Yow 3:23

Lumalu ngo lutumu lwaandi: ti beetu tusa kanyi mu Mwaana waandi, Yesu Kiristo, na tutilisinee beetu na beetu, bunu bu kari katuha lutumu.

Mukaanda kuri bari Loma 12:10

Mu mitariri ntiilu ya kimpaangi, beenee na bundeembu beenu na beenu, silisineenu bukwa beenu na beenu kunsa lukiinsu.

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

1 Pet 3:8

Ha mambisa haho, yukusunee beenu-banso, kabusinee mpasi, tyeenee bampaangi, beenee bangaa-ngebe, beene bakuluka,

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

1 Tes 4:9

Mu dyaambu dya ntiilu ya kimpaangi, beenu luri na nzala kuri ti ba lutinina ko, bukuri beenu-meene lwayeki lwayika kuri Nzaambi bwa kutilisina beenu na beenu.

1 Tes 3:12

Hemese Mfumu kabuukisa na kabweese ntiilu yi luri na yo beenu na beenu, na mu baatu bobanso, bunu bu tulutiiriri beetu seenee.

2 Tes 1:3

Bampaangi, Beetu tuyelemini kubvutula matoondo mpisi ntaangu kuri Nzaambi, mu ntoono beenu. Buri bwabubwete, bukuri kanyi dya beenu diri mu kwebuuka kwalaka, na ntiilu yi luri na yo mu bambaasi yiri mu kwehamisa mu muutu-muutu.

Musamu wamubwete watina Yowane 15:17

Ma nyilutuma me mamama, tilisinee beenu na beenu.»

2 Yow 1:5

Na mu lumalu di nyiloombo kuri ye, Mukyeetu, kari bunu ti lutumu lwamoono, me nyiri mu kutinina kuri ye ko, ngo luni lu turi twataambula, kuholosono munu mbandukulu ti, twetilisineenu beetu na beetu.