Musamu wamubwete watina Yowane 14:16 - Musamu Wamubwete 2013

¹⁶ na me sa nyingukila Taata, mu kuluha muboondi wakaka, mpisi heki kaba na beenu kwakinkulu.

Musamu wamubwete watina Yowane 14:16 Referans Kwoze

Musamu wamubwete watina Yowane 14:26

Muboondi, Mpeeve yangisi, yiyo mbasi-tsuku yiheeke Taata, mu nkuumbu meenu, sa kaluyikisa momanso, na sa ka lulubula momanso ma nyiri nyaluleele.»

Musamu wamubwete watina Yowane 15:26

«Mbasi-tsuku, dikwiisa Mukakiri wuri ku Taata, Mpeeve Yangwanwa yifumuna kuri Taata, wunyiluheeke me, nde sa kateele me kimbaangi,

Mukaanda kuri bari Loma 15:13

Hemese Nzaambi ya nsiitu kaluulusa mu kiminu kyokinso, na kiyeengi mu kanyi, mpisi luba lwabuukula mu nsiitu, mu mpinu dza Mpeeve Yangisi!

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

Mukaanda kuri bari Loma 14:17

Mukwongo, Kimfumu kya Nzaambi kiri mu byandya na mu nwiinu ko, ngo nsungumunu, kiyeengi, na kiminu mu Mpeeve Yangisi.

Biyiriki bya Bantumu 9:31

Dibuundu dyaba na kidzuunu mu Yudaya dyodinso, mu Ngalili na mu Samariya, dyatuunguma na dyadyaata mu kibvumi kya Mfumu, na mu mboondulu ya Mpeeve Yangisi, dyo dyaba Kwefununaana.

1 Yow 2:1

Mwaa-baala baami, me nyilutinina mamama, mpisi luhele kubwa mu masumu. Ngo mbuti muutu bwiiri mu masumu, lo turi na Nkariri kuri Taata, ngo Kiristo Yesu, ngaa-kusuunguma.

Musamu wamubwete watina Yowane 4:14

ngo kasi wunde wunwa maampa ma nyimuha me, lo kabweese kubaka mpwiisu Maampa ko mu mantaangu momanso; ngo maampa ma nyimuha me, sa makituka mu nde kitekulu kipala maampa ma kidziingu kyahele manunu.»

Musamu wamubwete watina Matayi 28:20

mu kubayikisa kukebe momanso ma nyabee lutumana. Na mono, me nyiri kintwaari na beenu, mu biluumbu byobinso, natee ku manunu ntaangu.»

Mukaanda kuri bari Filipo 2:1

Ngo mbuti kuri nsyamusunu mu Kiristo, mbuti kuri mboondulu mu ntiilu, mbuti kuri kintwaari mu Mpeeve, mbuti kuri lusaambu na ngebe,

Mukaanda kuri bari Loma 5:5

Nsiitu dzadzusaa muutu nsoni ko, bukuri kuri Mpeeve Yangisi yibari batuha, yatsaamuna ntiilu ya Nzaambi mu mitima myeetu.

Biyiriki bya Bantumu 13:52

Bayiki baba baluula mu kiminu na mu Mpeeve Yangisi.

Musamu wamubwete watina Yowane 17:15

Me nyahele kuloombo kuri ti, ye wubayisila mu nsi, ngo kuri ti ye wubakebe mu Ngaa-bubi.

Musamu wamubwete watina Yowane 14:18

Me ka nyilusiisa bisaani ko, me sa mbweese kwiisa kuri beenu.

Mukaanda kuri Bahebeleho 7:25

Hango-nkuumbu, nde wakuka mu kubvuukisa kwa kinkulu, babo bakookokosolaa mu nde kuri Nzaambi, bukuri nde wuri mwooyo mu mantaangu momanso, mu kusaambila mu bo.

Mukaanda kuri bari Loma 8:34

Na wubakesele mukanu? Kiristo Yesu wafwiiri, ha yulu haho se wafulukiri, wuri ha lubakala lwa Nzaambi, na wuri mu kutunwaanikinaa mu lusaambulu.

Musamu wamubwete watina Yowane 14:14

Mbuti beenu luloombiri kitotolo kuri me, mu nkuumbu ya me, lo me sa nyakiyirika.»

Musamu wamubwete watina Yowane 17:20

«Me nyahele kuloombo mu bani bo kitsu, ngo na mu babo se basiila kanyi mu me, na mu maampu ma mo,

Musamu wamubwete watina Yowane 16:22

Hango nkuumbu, beenu mu lumalu luri na ngebe; ngo me sa nyabweese kulumono, na mitima mya beenu sa myamono kiminu; na kiminu kya beenu kuri muutu wuyisila kyo ko.»

2 Tes 2:16

Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,

Musamu wamubwete watina Yowane 7:39

Nde waleele mamo mu ntoono Mpeeve, yiri babo basiila kanyi mu nde sa bayitaambula. Mukwongo, Mpeeve yaba yakiri yo pe, bukuri Yesu waba wakiri wahele kuba wakeembusu.

Biyiriki bya Bantumu 1:4

Bu kaba mu kudya na bo, nde wabadika ti: "Yaa lusasika na Yerusalemi ko, ngo kiingileenu lusiilulu lwa Taata, lu luri lwayuka kuri meenu,

1 Yow 2:27

Ngo beenu, nkilulu yi luri lwataambula kuri nde yasa kikuundi mu beenu, na lwahele na nzala kuri ti muutu kaluyikisa; kasi nkilulu yaandi yiri mu kuluyikisa mu momanso, na yiri yangwanwa, ka yiri yampya ko, bunu bu yiri mu kuluyikisa, seenee kikuundi mu nde.

2 Yow 1:2

mu ntoono ngwanwa yasa kikuundi mu beetu, na sa yaba na beetu mu mantaangu momanso.