Musamu wamubwete watina Yowane 14:10 - Musamu Wamubwete 2013

¹⁰ Buri ye wahele kusiila kanyi ti me nyiri mu Taata, na Taata wuri mu me? Maampu ma nyiri mu kululeele me, me nyahele kuleele mo mu me-meene, ngo Taata wasa kikuundi mu me wuri mu kwesa biyiriki bya nde-meene.

Musamu wamubwete watina Yowane 14:10 Referans Kwoze

Musamu wamubwete watina Yowane 5:19

Yesu wabvutula kuri bo, waleele ti: «Ngwanwa mu ngwanwa, me nyiluleele ti, Mwaana kari nsiila kisalu mu nde-meene ko, mbuti ka mi kamono Taayi nyirikulu ko; bukuri mimyo mi yirikaa Taayi, Mwaana se mini myo kayirikaa.

Musamu wamubwete watina Yowane 10:38

Ngo mbuti me nyiri mu kubiyirika, ti hayuku lwahele kusiila kanyi mu me, lo seenee kanyi mu biyiriki, mpisi heki beenu lubakula na luyaaba ti Taata wuri mu me, na me nyiri mu Taata.»

Biyiriki bya Bantumu 10:38

Dyaburi Nzaambi kalwiikirye Yesu wa ku Nadzareti Mpeeve Yangisi na mu mpinu. Nde wabee kwelutaana mu kweyirika mamabwe na kwetsinikisa bobanso babeeri kunsa nkwamusunu dza dyabulu, bukuri Nzaambi wabeeri na nde.

Musamu wamubwete watina Yowane 12:49

Bukuri me nsii dzoonso mu me-meene ko, ngo Taayi dyaami wampeeke, wampee lutumu mu mya kuleele na mya kudzoonsolo.

Musamu wamubwete watina Yowane 10:30

Me na Taata, turi mosi.»

Musamu wamubwete watina Yowane 8:28

Hango, Yesu waleele [kuri bo] ti: «Mu ntaangu yiba Mwaana muutu wadzaangusu, haho beenu lwayaaba ti "me nyiri"; na ti mu me-meene nyahele kusaa kitotolo ti kimosi, ngo mamo ma yikisa me Taata, mamo me nyiri mu kweleele.

Mukaanda kuri bari Kolosayi 2:9

Bukuri mu nyutu ya nde, mwadzakala nduululu yoyinso ya kinzaambi,

Musamu wamubwete watina Yowane 17:8

bukuri maampu ma wampeeri, me nyabahee mo, na bo bamataamburi na bayaaburi mu ngwanwa ti me nyapalila kuri ye, na basiiriri kanyi ti ye wampeekiri.»

Musamu wamubwete watina Yowane 5:17

Ngo Yesu wabvutula kuri bo ti: «Taayi dya me wuri mu kwesala natee mu lumalu, me se nyiri mu kwesala.»

1 Yow 5:7

Bambaangi batatu bari:

2 Kol 5:19

Mukwongo, Nzaambi waba mu Kiristo, mu kubweese kusa nyukusunu ha kakati dya nsi na nde-meene, kwahele kutaangula baatu lumvuki lwa bo, na kusuusa mu beetu maampu ma kubweese kusa nyukusunu.

Musamu wamubwete watina Yowane 8:38

Ma nyidzoonsolo ma nyiri nyamono kuri Taata, ngo kasi beenu, ma luyirika ma luri lwayuka kuri taayi dyeenu.»

Mukaanda kuri bari Kolosayi 1:19

Bukuri Nzaambi watiiri kudzakisa nduululu yoyinso ya kinzaambi kyaandi mu nde,

Musamu wamubwete watina Yowane 14:20

Mu kiluumbu kikyo, beenu sa lwabakula ti me nyiri mu Taayi dyaami, na beenu, mu me, na me, mu beenu.»

Musamu wamubwete watina Yowane 7:16

Yesu wabvutula na waleele kuri bo ti: «Nyikusulu dza me dziri dza me-meene ko, ngo dza wunde wampeeke.

Musamu wamubwete watina Yowane 8:40

Ngo mu lumalu, beenu lusaka me kudzusa, me muutu nyiluleeriri ngwanwa yi nyiri nyayuka kuri Taata. Abalaami kasii yirika, mamo ko.

Musamu wamubwete watina Yowane 11:26

na mpisi wuri mwooyo, na wusa kanyi mu me, lo kari mfwiilu ko mu mantaangu momanso. Ye siiri kanyi mu mimyo?»

Musamu wamubwete watina Yowane 3:2

Nde wayisa kumono Yesu mu butsuku, wamuleele ti: «Labi, beetu tuyaari ti ye Muyikisi wafumuna kuri Nzaambi, bukuri, kuri muutu wakuka mu kuyirika bidiimbu bi wuri mu kwesa ye ko, mbuti Nzaambi wahele kintwaari na nde.»

Musamu wamubwete watina Yowane 14:11

Siilee kanyi ti: me nyiri mu Taata, na taata wuri mu meenu; Siilee kwandi ti kanyi mu ntoono biyiriki byo-meene.

Musamu wamubwete watina Yowane 14:24

Wunde wuri katii me ko, lo ka kobe maampu ma me ko. Maampu ma luyuka, mari ma me ko, ngo ma Taata wampeeke.